Jeremi 50:39 - Sră Goh 2018

³⁹ Gen tàng, ală phan poan jơng tòm brê rơp ơm tòm ƀlàng ngềt ngơt bal mơ so brê, ală sềm làkđa kung ơm tềng hơ̆, gơ rơp ò gơs kòn mơnus hala làng bol ơm tòm jơh ală rài.”

Jeremi 50:39 ပူးပေါင်းရင်းမြစ်များ

Esai 14:23

“Añ rơp lơh ù tiah gơ dê gơlik gơs tiah klàng kò in, mơ gơlik gơs tiah bŏ ală phan brê in; Añ rơp pơs gơ mơ pơrnơs bơta tơnroh dê.” Yàng Jehôwa Gơnap Gơnoar Dờng đơs behơ̆.

Jeremi 25:12

Yàng Jehôwa đơs: ‘Tŭ poh jơt sơnam hơ̆ neh rlau, Añ rơp lơh glài bơtau Babilôn mơ làng bol khai, tài bơh tồi glài iơh bơsak bol khai dê. Añ rơp lơh glài lơgar cau Kalde mơ lơh gơlik gơs tiah sang lòi ngềt ngơt sùm sùm.

Jeremi 50:3

Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Jeremi 51:26

Cau rơp ò ai lŭ bơh di mê lơh mum hìu hala lŭ lơh mơnàng, Mơya mê rơp la tiah lòi srau jơl sùm sùm,” Yàng Jehôwa đơs behơ̆.

Jeremi 51:43

Ală ƀòn gơ neh gơlik bơta rngòt rngơt, Gơlik tiah ro rañ, ngềt ngơt, Ò gơs làng bol ơm, Ò gơs cau lơi lòt gan.

Yal Tơlik 18:2

Khai hòi driau dờng lah: “Babilôn dờng neh tơrlah tơrlơm, tơrlah tơrlơm rau! Gơlik gơs tiah ơm ală cà dê, rsòn jơh ală cà ƀơ̆ iơh, mơ rsòn jơh ală jơi sềm ƀơ̆ ƀơl cù kìr,