Jeremi 50:38 - Sră Goh 2018

³⁸ Bơta rañ rsơh tòmdră mơ ală hiòng dà, bol gơ rơp kong soat jơh! Bơh gơ la dô lơgar ală rùp ràk dê, Bol khai bơh rùp ràk mơ gơlik lu sơnrang.

Jeremi 50:38 ပူးပေါင်းရင်းမြစ်များ

Sơnròp Gơlik Gơs 8:1

Mơya Yàng Tom Trồ kah wơl Nôe mơ jơh ală phan poan jơng tòm brê, mơ ală phan poan jơng tòm hìu ơm bal mơ khai tòm ơhò, gen Yàng Tom Trồ lơh dô nơm càl khồm rbơt hơđang ù gen dà gơ mù.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Esai 44:27

la Bơtau đơs mơ dà jrô lah: ‘Ro rañ tĕ, Añ rơp lơh soat ală croh dà;’

Jeremi 50:12

Gen tàng mè bol mê rơp kong ƀàssìl ƀàsso ngan, Cau deh bol mê kong sền òsơp. Ne, khai rơp gơlik gơs lồi dut tòm ală lơgar dê, Dô nơm ƀlàng ngềt ngơt, tiah ro rañ, tiah srau gòi.

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Jeremi 51:47

Dô bă nền cê ngan, ală ngai rơp tus, Añ rơp lơh glài ală rùp ràk Babilôn dê; Jơh lơgar gơ rơp kong ƀàssìl ƀàsso; Ală cau kong tơnchơt rơp gơpừ digùl gơ.

Jeremi 51:52

Gen tàng, Yàng Jehôwa đơs: “Ală ngai rơp tus nền cê ngan, Añ rơp lơh glài ală rùp ràk Babilôn dê; tòm làm jơh lơgar gơ dê, Ală cau kong sồt rơp rơnđơh.

Jeremi 51:7

Babilôn la dô nơm mơngàn màh tòm tê Yàng Jehôwa, Lơh jơh ală lơgar tòm plai ù in bơñul; Ală lơgar neh ñô tơrnòm gơ, Tài bơh hơ̆ tàng ală lơgar gơlik lu sơnrang.

Daniel 5:4

Behơ̆, bol khai ñô tơrnòm mơ jòng ro ală yàng mơ màh, mơ priă, mơ kòng, mơ lòs, mơ chi, mơ lŭ.

Broă 17:16

Tŭ hơ̆, Pol ơm gơn Sila mơ Timôthe tòm ƀòn dờng Athen, khai gơjrañ ngan tòm tŭ gŏ tòm ƀòn dờng hơ̆ bềng lìu ală rùp ràk.

Yal Tơlik 16:12

Cau gơnrơh dơ̆ prau tuh mơngàn khai dê hơđang hiòng dờng Ơphrat, gen dà soat jơh, nàng wàs gùng ală cau bơtau in tus bơh đah mattơngai lik.

Yal Tơlik 17:5

Di bìng liang khai gơs cih dô nơm sơnđan ndơp ndơr lah: “Babilôn dờng, mè ală cau ùr dri tơlàr mơ mè ală bơta ngkòr ngkàc hơđang ù.”

Ală Kwang Cahrña 6:30

Gen ală cau klau tòm ƀòn dờng đơs mơ Jôas lah: “Lam tơlik tĕ kòn klau mê dê, khai pal chơt tài bơh khai neh sòr tơrlah cơnòng duh khoai Baal dê mơ neh pòng dơrpă jrong duh khoai Asera ơm di gah gơ.”