Jeremi 50:35 - Sră Goh 2018

³⁵ Yàng Jehôwa đơs: “Đào tòmdră mơ cau Kalde, mơ tòmdră mơ làng bol Babilôn, mơ tòmdră mơ ală kwang at bồ mơ ală cau jak chài gơ dê.

Jeremi 50:35 ပူးပေါင်းရင်းမြစ်များ

Esai 29:14

Behơ̆ Añ rơp lơh dô dơ̆ tai, dô bơta crih crài làng bol do in, nrơt nrơl mơ crih crài; bơta jak chài cau git wă dê rơp roh rui, mơ dơngoh jak ală cau git jak dê rơp pồn ndơp.”

Esai 41:25

Añ neh chồl bơtrut dô nă cau bơh đah đang mơ khai neh tus; bơh đah mattơngai lik khai hòi di sơnđan Añ, khai jă hơđang ală cau kwang at bồ kung be jă ù bŏ, be cau chài mòn glah jă ù kơnàng.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Esai 45:1

Do la jơnau Yàng Jehôwa đơs mơ Sirus, la cau geh bong mơñà Kơnràñ dê, be do: Cau mơ Añ neh at di tê ma khai dê, nàng lơh ală lơgar dòn duh di đap khai, hồ che kơt but ală cau bơtau dê, pò ală mpồng di đap khai, mơ ală mpồng ƀòn dờng ò til wơl:

Esai 66:16

Yàng Jehôwa rơp ai ồs lơh gơs bơta cahrña Kơnràñ dê; mơ đào hơđang jơh ală poac să, mơ oă ngan cau rơp kong sreh tơnchơt bơh Yàng Jehôwa.

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Jeremi 47:6

Ơ đào Yàng Jehôwa dê, Gam nđò jŏ tai sồng mê rlô taih? Ơn să mê wơl tòm sơmprồm mê dê, Rlô tĕ, ơm mŏ mŏ tĕ.

Jeremi 50:27

Tơnchơt tĕ ală kơnrồ dam gơ dê, Cèng bol gơ tus tòm tiah lơh poac! Bòl glar bol khai in, bơh ngai bol khai neh tus, Hơ̆ la ngai lơh glài bol khai!

Jeremi 50:30

Gen tàng, ală cau pơnu gơ rơp gơplơ̆ hơđang ală jơnum gùng ƀòn, mơ tòm ngai hơ̆, ală cau ling gơ dê rơp gơkòl tơnroh,” Yàng Jehôwa đơs behơ̆.

Jeremi 51:39

Tòm tŭ bol khai duh trơàl, Añ rơp yò phan ñô bol khai in ñô, jơl tus hừh nùs, Mơ bol khai bic tơn jơl sùm sùm, mơ ò tŭ lơi kah rngal wơl;” Yàng Jehôwa đơs behơ̆.

Jeremi 51:47

Dô bă nền cê ngan, ală ngai rơp tus, Añ rơp lơh glài ală rùp ràk Babilôn dê; Jơh lơgar gơ rơp kong ƀàssìl ƀàsso; Ală cau kong tơnchơt rơp gơpừ digùl gơ.

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Jeremi 8:9

Ală cau jak chài rơp gơkòl ƀàssìl, bol khai rơp gơdô nùs, mơ gơkòl kup cèng. Bơh di tŭ bol khai neh sang lòi jơnau Yàng Jehôwa dê; ñchi bơta jak chài gam ơm tòm bol khai taih?

Ejekiel 14:2

Gen gơs jơnau Yàng Jehôwa đơs mơ añ lah:

Daniel 5:30

Tòm mang hơ̆, bơtau Babilôn la Belsassar kòl tơnchơt.

Sră Ôse 11:6

Đào rơp sreh tơnchơt bol khai tòm ală ƀòn dờng bol khai dê, rơp tơnroh ală mpồng ƀòn dờng bol khai dê, mơ sa loan jơh bol khai. Tài bơh bơta ma blac bol khai dê

Lebi 26:25

Mơ Añ rơp cèng đào tus hơđang bol mê nàng sal tê bơh bơta bol mê gơltac bơta ho bal. Tòm tŭ bol mê ruc wơl tòm ală ƀòn dờng bol mê dê, Añ rơp đùh bơta kòp jê pluh plàng digùl bol mê, mơ bol mê rơp kong jào phi tòm tê ală cau sò tơm bol mê dê.

Sacari 11:17

“Bòl glar ngan cau ê ò kwơ in, la cau ê sang lòi mpồl belàt! Dan đào srơp tơwòr tê khai dê mơ gar mat đah ma khai dê! Dan tơwòr tê khai dê rơp siar tơn, mơ gar mat đah ma khai dê jơngo tơn!”