Jeremi 50:27 - Sră Goh 2018

²⁷ Tơnchơt tĕ ală kơnrồ dam gơ dê, Cèng bol gơ tus tòm tiah lơh poac! Bòl glar bol khai in, bơh ngai bol khai neh tus, Hơ̆ la ngai lơh glài bol khai!

Jeremi 50:27 ပူးပေါင်းရင်းမြစ်များ

Sră Jop 18:20

Ală cau đah mattơngai mut ai lơh mơp dơl bơh bơta neh lơh nền rài kis bol khai dê, Ală cau đah mattơngai lik ai lơh rngòt rngơt ngan.

Đơs Crih 22:12

Gơs oă kơnrồ dam gơrwàng gùt dar añ, Ală kơnrồ dam pràn kơldang Bassan dê gòm gơrwàng añ.

Đơs Crih 37:13

Mơya Yàng Jehôwa dơñŏ di cau iơh bơsak, Bơh Kơnràñ gŏ ngai lơh glài khai mòr tus.

Esai 21:12

Cau kơp gàr ho lah: “Àng drim tus, mơ mang kung tus. Dilah mê kòñ lùp gen lùp tĕ; rê wơl tai.”

Esai 34:6

Yàng Jehôwa gơs dô nơm đào; gơ neh hòm bơh mhàm, neh sa hòm bơh dơngi, mhàm ală belàt kòn mơ ală be, dơngi leh ală belàt dam dê. Bơh Yàng Jehôwa gơs phan ơn pơdơng tòm Bôjra, mơ gơs bơta hàl tơnchơt dờng tòm ù tiah Edôm.

Esai 34:7

Ală kơnrồ brê, kơnrồ gam dềt, mơ kơnrồ dam pràn kơldang gen gơpừ jơh bal mơ bol khai. Ù tiah bol khai dê rơp gơkram tòm mhàm, mơ ù bol khai dê rơp bềng lìu bơh dơngi.

Jeremi 12:3

Khoai Yàng Jehôwa, Kơnràñ git añ! Kơnràñ gŏ añ, lòng sền añ, nùs añ gơwèt hơ Kơnràñ. Dan hwài bol khai kung be belàt kong tề tus hơ tiah tơnchơt, Ơn is bol khai tòm ngai tơnchơt in.

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 46:21

Ală ling tòmlơh ơpah ơm digùl gơ kung be kơnrồ kòn lơmă. Mơya bol khai kung wơlke mơ dô jơh, bol khai ò jai ntào. Bơh ngai rung rài, tơngai lơh glài, neh tus hơđang bol khai rau.

Jeremi 48:10

Pal srat sơntơm cau lơi lơh broă Yàng Jehôwa dô bă ma blac! Pal srat sơntơm cau lơi ò prap đào he bơh lơh gơtuh mhàm!

Jeremi 48:15

Môap kong phà tơnroh, ală ƀòn kong tòmpìt ai; cau pơnu jak rlau jơh gơ dê kong tơnchơt,” Bơtau, sơnđan Kơnràñ la Yàng Jehôwa Gơnap Gơnoar, đơs behơ̆.

Jeremi 48:44

Cau lơi dô pleh bơh bơta rngòt rngơt Rơp dùh tòm trồm tơrluh, Cau lơi guh klàs bơh trồm jrô rơp gơkòl di dă pơt. Bơh Añ neh lơh sơnam lơh glài Tus hơđang Môap.” Yàng Jehôwa đơs behơ̆.

Jeremi 50:11

“Ơ cau phà kơñau sre brê Añ jê, Bulah bol mê hòn chò hừh hơh Ntoat sơnđoh kung be kơnrồ me pơrjă kòi, Ngkhih kung be ơseh dam;

Jeremi 50:31

Yàng, la Yàng Jehôwa Gơnap Gơnoar, đơs: “Ơ làng bol pơnhừ să ne! Añ tòmdră mơ mê; Bơh ngai mê neh tus, Hơ̆ la tŭ Añ rơp lơh glài mê.

Jeremi 51:40

“Añ rơp cèng bol khai mù be belàt tus tiah lơh poac, be ală belàt dam, mơ ală be dam sơl.

Ñìm Rac 1:21

Cau neh kơno sap añ rơnđơh, ò gơs cau pơndòm pơniang añ. Jơh ală cau sò tơm kơno añ gơtìp bơta bòl glar, bol khai chò hòp bơh Kơnràñ neh lơh behơ̆. Kơnràñ rơp cèng tus ngai Kơnràñ neh yal tơlik; mơ lòi tĕ bol khai kung rơp tòm toh be añ!

Yal Tơlik 18:10

Mơ bơh rngòt di bơta jê sồt bol glar khai dê, gen bol khai rơp ơm ngài mơ đơs lah: “Nđàc sơngit ngan, pơlai soh ngan, ƀòn dờng Babilôn la ƀòn kơ̆ cê ne! Tòm dô jơ bơta lơh glài ai neh tus rau!”

Yal Tơlik 19:17

Gen añ gŏ dô nă cau gơnrơh ntào tòm mattơngai; khai hòi driau dờng, sồr jơh ală sềm par digùl trồ lah: “Lòt tus tĕ pơjum tòm bơta pơjum sa dờng Yàng Tom Trồ dê,