Jeremi 50:24 - Sră Goh 2018

²⁴ Ơ Babilôn, mê neh pơt dă să tòm mê in, Mơ mê neh yar tòm dă! Mê neh gơkòl kup mơya mê ò git! Bơh mê neh pơrlòng mơ Yàng Jehôwa.

Jeremi 50:24 ပူးပေါင်းရင်းမြစ်များ

Sră Jop 15:25

Tài bơh khai neh pò tê tòmdră mơ Yàng Tom Trồ, Mơ tòmpơrlòng mơ Bơtau Gơnap Gơnoar Làm Jơh.

Sră Jop 40:2

“Kơt tĕ but mê dê kung be dô nă cau klau; Añ rơp lùp mê mơ mê rơp ho wơl Añ in!

Sră Jop 40:9

Tŭ hơ̆, Añ rơp jòng ro mê Lah tê ma mê cèng bơta pha lin mê in.

Sră Jop 9:4

Bơta jak chài tòm nùs Kơnràñ dê, mơ gơnap gơnoar tòm bơta pràn Kơnràñ dê. Cau lơi tòmdră mơ Kơnràñ mơ gam geh pơnjat sùm sơl?

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Cau Bơto 9:12

Mơ tai, ò gơs dô nă cau lơi rgơi git lài tŭ tơngai bơta rung rài dê; be ka yar tòm bơtơng iơh, sềm yar dă, gen jơi kòn mơnus kung gơkòl yar tòm tŭ tơngai bòl glar nisơna tus hơđang bol khai behơ̆ sơl.

Esai 13:11

Añ rơp lơh glài dunnia bơh bơta iơh bơsak gơ dê, lơh glài cau jàñ bơsak bơh bơta tồi glài iơh bơsak bol khai dê, Añ rơp pơndut bơta jòng să cau pơnhừ să dê, mơ rơp tơmù bơta pơnhừ să cau iơh rmơh dê.

Esai 45:9

Bòl glar ală cau in pơnđơl pơrlòng mơ Bơtau neh crơng gơs he, khai mìng la dô nơm gri mơ ù tòm ală gri lơh mơ ù. Ù kơnàng rgơi đơs sơl mơ cau chài mòn gơ lah: “Ñchi mê lơh taih?” Hala đơs: “Ală phan mê lơh gơs ò hoan chài tê,” sơl ơ?

Jeremi 48:43

Yàng Jehôwa đơs: “Ơ làng bol Môap! Bơta rngòt rngơt, cìr jrô, dă pơt ơm gơn mê.

Jeremi 48:44

Cau lơi dô pleh bơh bơta rngòt rngơt Rơp dùh tòm trồm tơrluh, Cau lơi guh klàs bơh trồm jrô rơp gơkòl di dă pơt. Bơh Añ neh lơh sơnam lơh glài Tus hơđang Môap.” Yàng Jehôwa đơs behơ̆.

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Jeremi 51:8

Babilôn nisơna kong tuh tơlup mơ bơcah lề lac. Ñìm rac tĕ bơh gơ! Ai tĕ sơnơm ƀô sơm bơta jê sồt gơ; Digơlan gơ rơp geh sơmbòi

II Tesalônika 2:4

Khai la cau tòmdră, yò tơngguh is să he hơđang jơh ală bơta lơi cau sơnđan la yàng, hala phan lơi cau duh khoai, tian gơs nggui tòm hìu duh khoai Yàng Tom Trồ dê, mơ sơnđan is să he la Yàng Tom Trồ.