Jeremi 44:7 - Sră Goh 2018

⁷ Tŭ do Jehôwa, Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Ñchi bơh tài bol mê lơh bơta iơh dờng behơ̆ tòmdră mơ bơta kis să tòm bol mê, tian gơs ală cau klau, cau ùr, cau kòn, kòn dềt gam pô, kong tơnroh bơh digùl Juda ò gam wơl dô êt lơi;

Jeremi 44:7 ပူးပေါင်းရင်းမြစ်များ

Jơnau Pơnđik 1:18

Bulah behơ̆, bol khai kơp mòc nàng tơnchơt să tòm bol khai! Mơ kơp òm nàng tơnroh is bơta kis bol khai dê.

Jơnau Pơnđik 15:32

Cau lơi sang lòi bơta bơto tơngkah sền òsơp hwềng soàn bol khai dê; Mơya cau lơi iat jơnau lah pơrhơng geh bơta git wă.

Jơnau Pơnđik 5:22

Ală cau iơh bơsak rơp kòl tồi glài bol khai dê kup bol khai kung be yar dă; Mơ bol khai kòl kơt bơh bơta bòl glar ală tồi glài bol khai dê.

Jơnau Pơnđik 8:36

Mơya cau lơi hŭi añ, lơh iơh is di hwềng soàn bol khai dê; Ai cau lơi gơjrañ añ, ngan kòñ gơboh bơta chơt.”

Jeremi 25:6

Bañ jat ală yàng ndai nàng duh broă mơ duh khoai bol gơ; bañ ai broă tê bol mê lơh gơs mơ bơrcek Añ gơjrañ, gen Añ rơp ò lơh glài bol mê tai.’

Jeremi 25:7

Yàng Jehôwa đơs: ‘Mơya bol mê ò iat Añ, mơ ai broă lơh bơh tê bol mê bơrcek Añ gơjrañ, mơ toès wơl bơta rung rài he in.’

Jeremi 26:19

Ejekia bơtau Juda, mơ jơh Juda, neh tơnchơt khai sơl? Ò di Ejekia neh duh rngòt Yàng Jehôwa mơ rac dan bơta nđàc Yàng Jehôwa dê ò ơ? Behơ̆ gen Yàng Jehôwa neh tòmgơl bơh bơta rung rài mơ Kơnràñ neh yal tơnggit tòmdră mơ bol khai. Ngai do dilah bol he tơnchơt Jeremi, hơ̆ la tìs glài kơnjơ̆ gen rơp toès wơl bơta rung rài să tòm he in.”

Jeremi 3:24

Mơya bơh tŭ bol hi gam kơnòm să, Rùp ràk ƀàssìl neh loan jơh ală phan mơna ồng pàng bol hi dê kong lơh broă bòl glar, Mpồl belàt, mpồl kơnrồ, Kòn klau, kòn ùr bol khai dê.

Jeremi 38:17

Gen Jeremi yal mơ Jedekia lah: Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: “Dilah mê kong alah mơ ală kwang at bồ bơtau Babilôn dê, gen mê rơp geh kis, mơ ƀòn do rơp ò kong chu mơ ồs; mê rơp kis bal mơ jơh hìu nhă he dê.

Jeremi 42:20

Tài bơh oh mi neh lơh bơta tìs sơbơng rơng ngan. Bơh oh mi neh sồr añ tus mơ Jehôwa Yàng Tom Trồ oh mi dê, mơ đơs lah: ‘Dan tài bơh bol hi hòi dan ala mơ Jehôwa Yàng Tom Trồ bol hi dê, mơ yal bol hi in git kòp bơta mơ Jehôwa Yàng Tom Trồ bol hi đơs; gen bol hi rơp lơh jat.’

Jeremi 44:14

tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Jeremi 51:22

Añ rơp ngui mê phà tơnlề cau klau mơ cau ùr, Cau kra mơ kơnòm să; Añ rơp ngui mê phà tơnlề klau pơnu mơ ơruh dềt.

Jeremi 7:19

Yàng Jehôwa đơs: “Añ la cau bol khai bơrcek di sơl? Hơ̆ ò di să tòm bol khai, cèng wơl bơta jê sồt bol khai in ò ơ?”

Jeremi 9:21

Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 2:22

Kơnràñ neh hòi jà ală cau sò tơm añ jê bơh ală tiah gùt dar, kung be dô ngai pơjum sa chò hòp. Mơ tòm ngai gơjrañ dờng Yàng Jehôwa dê, ò gơs cau lơi geh klàs hala gam kis. Hơ̆ la ală cau añ neh deh mơ ròng siam, cau sò tơm añ jê neh tơnroh jơh.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Ejekiel 9:6

Sreh tơnchơt tĕ ală cau kra, cau pơnu mơ cau ơruh, cau ùr mơ cau kơnòm, mơya bañ ƀư di dô nă cau lơi neh gơs tềl di bìng liang. Rơp sơntòm tĕ bơh di tiah sàng goh añ jê.” Behơ̆ ală cau hơ̆ rơp sơntòm bơh di ală cau kra ơm di đap hìu duh khoai.

Habakuk 2:10

Mê neh bơyai rơndap bơta ƀàssìl hìu mê dê, bơh mê tơnroh oă làng bol; mơ neh tơnroh bơta kis mê dê.

Khà Làng Bol 16:38

ală gri ơn kơlhô ală cau neh tìs glài mơ roh bơta kis bol khai dê. Klơn ală gri ơn kơlhô lơh gơs ală pang lơho nàng ƀềp cơnòng ơn phan duh khoai, bơh gơ neh geh ơn Yàng Jehôwa in mơ neh gơlik gơs goh. Lòi tĕ gơlơh gơs dô nơm tềl cau Israel in.”

Yal Wơl 32:25

Tòm gùng kong tơnroh bơh đào, mơ tòm dơlam hìu gơs bơta rngòt rngơt, cau pơnu mơ cau ơruh, kòn gam pô mơ cau kra sŏ kò kung behơ̆ sơl.

Jôsue 6:21

Bol khai ơn jơh ală phan tòm ƀòn dờng bơta tơnroh in, ai đào tơnchơt jơh cau klau mơ cau ùr, cau kơnòm mơ cau kra, kơnrồ, belàt mơ alàng.

Ală Kwang Cahrña 21:11

Do la bơta bol mê pal lơh: ‘Jơh ală cau klau mơ ală cau ùr neh bic mơ dô nă cau klau gen bol mê tơnchơt tĕ.’”

I Samuel 15:3

Tŭ do lòt tĕ brồ lơh cau Amalek mơ tơnroh jơh hir ală phan gơrê bal mơ bol khai. Bañ pơlai phan lơi; mơya tơnchơt jơh ală cau klau mơ cau ùr, ală kòn dềt mơ oh nga, ală kơnrồ mơ belàt, ală làkđa mơ alàng.’”

I Samuel 22:19

Sol kung ai đào tơnroh Nop la ƀòn dờng ală cau gơnoar ơn phan duh khoai dê, tơnchơt ală cau klau mơ ală cau ùr, ală cau kơnòm dềt mơ ală oh nga, ală phan poan jơng, ală alàng mơ belàt tòm ƀòn hơ̆.