Jeremi 44:26 - Sră Goh 2018

²⁶ Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Jeremi 44:26 ပူးပေါင်းရင်းမြစ်များ

Sơnròp Gơlik Gơs 22:16

Yàng Jehôwa đơs lah: “Bơh mê neh lơh bơta hơ̆, ò pơlai kòn klau mê, hơ̆ la kòn dùl mê dê, gen Añ ai să tòm Añ mơ ho bal lah:

Đơs Crih 50:16

Mơya Yàng Tom Trồ đơs mơ cau iơh bơsak lah: Mbe mê khin yal wơl ală jơnau sồr Añ jê taih? Ñchi bơh tài sơndồi mê đơs bơh bơta ho bal Añ jê taih?

Đơs Crih 89:34

Añ rơp ò tòmdră mơ bơta ho bal Añ jê, Kung ò tòmgơl jơnau neh lik bơh bơr Añ jê.

Esai 62:8

Yàng Jehôwa neh srat să bơh tê ma Kơnràñ dê mơ bơh tơwòr tê gơnoar pràn Kơnràñ dê lah: “Añ rơp ò tŭ lơi ai kòi mi ai dê lơh gơs phan sa ală cau sò tơm ai in tai, mơ làng bol bơdìh rơp ò geh ñô tơrnòm mơ ai neh kong lơh broă bòl glar;

Jeremi 22:5

Yàng Jehôwa đơs: Mơya dilah bol mê ò bài iat jơnau do, Añ srat să mơ să tòm Añ lah, hìu do rơp gơlik tiah lòi srau.’

Jeremi 24:8

‘Ai Jedekia, bơtau Juda, ală kwang at bồ bal mơ làng bol gam ơm wơl tòm ƀòn dờng Jerusalem, la làng bol gam ơm tòm lơgar do, mơ ală cau ơm tòm lơgar Ejiptơ, gen gơwèt mơ ală plai chi ƀal ò niam cau ò rgơi sa mbe lơi, Añ kung rơp lơh bol khai in ndròm bal behơ̆.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Jeremi 44:11

Tài bơh hơ̆, Yàng Jehôwa Gơnap Gơnoar, Yàng Tom Trồ Israel dê đơs be do: ‘Añ neh lơh nền cèng bơta rung rài tơndùh hơđang bol mê, mơ tơnroh jơh Juda.

Jeremi 44:14

tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”

Jeremi 44:24

Jeremi đơs jơh làng bol mơ jơh ală cau ùr in lah: “Ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa dê.

Jeremi 46:18

Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Jeremi 49:13

Yàng Jehôwa đơs: “Bơh Añ neh sơnio să tòm Añ mơ srat să, Bôsra rơp gơlik gơs cù kìr mơ sền òsơp, kong phà tơrlah mơ srat sơntơm; ală ƀòn gơ dê rơp gơlik gơs dô gơnru lề lac jơl sùm sùm.”

Jeremi 5:2

Bulah bol khai đơs lah: “Ngan kung be Yàng Jehôwa kis gam sùm sùm! Mơya bol khai srat să ma blac!”

Jeremi 51:14

Yàng Jehôwa Gơnap Gơnoar neh ai să he mơ srat să lah: ‘Añ ngan rơp lơh mê in bềng mpồl ling, gal be srah nting; rơp driau bơta pha lin hơđang mê.’

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Ejekiel 20:39

Ai mê, ơ hìu Israel, bơh bol mê gen Jehôwa Yàng Tom Trồ đơs be do: ‘Kòp nă bol mê lòt tĕ mơ duh tĕ broă ală rùp ràk bol mê dê! Tŭ do mơ tơnơ̆ mơ hơ̆ dilah bol mê ò iat Añ; mơya sơnđan sàng goh Añ jê rơp ò gơkòl lơh ƀơ̆ ƀơl, bơh ală phan ơn mơ bơh ală rùp ràk bol mê dê.’

Sră Ôse 4:15

Ơ Israel, bulah mê lơh dri tơlàr kung bañ lòi Juda gơlik tìs glài. Bañ lòt hơ Gilgal; bañ guh hơ Bet Aben. Bañ srat să mơ lah: “Ngan be Yàng Jehôwa kis gam sùm sùm.”

Amôs 6:10

Mơ dilah dô nă cau gơp bơtiàn pal chu ƀồc chơt, khai rơp tus tă cèng ƀồc bơh hìu, mơ lùp cau lơi gam ơm tòm hìu lah: “Gam gơs cau lơi ơm bal mơ mê sơl?” Cau hơ̆ đơs lah: “Ò gơs cau lơi ò.” Gen khai rơp đơs lah: “Ơm tĕ mŏ mŏ! Bol he bañ đơs tai bơh sơnđan Yàng Jehôwa!”

Amôs 6:8

Jehôwa Yàng Tom Trồ neh srat să mơ să tòm Kơnràñ; Jehôwa Yàng Tom Trồ Gơnap Gơnoar Dờng làm Jơh đơs lah: “Añ cù kìr di bơta pơnhừ să Jakôp dê, mơ gơjrañ mañ di ală gơlang kơ̆ cê khai dê; Añ rơp jào phi ƀòn dờng mơ jơh ală phan tòm hơ̆.”

Amôs 8:7

Yàng Jehôwa srat să bơh bơta pơnhừ să Jakôp dê lah: “Ngan Añ rơp ò tŭ lơi hŭi dô êt lơi ală bơta bol khai neh lơh.

Khà Làng Bol 14:28

Behơ̆ đơs tĕ mơ bol khai lah: ‘Yàng Jehôwa đơs lah: Di ngan be Añ kis, Añ rơp lơh di bol mê tòm toh jat be jơnau Añ neh kơno bol mê đơs:

Hebrơ 3:18

Kơnràñ neh srat să mơ ñcau lah bol khai rơp ò tŭ lơi geh mut tòm bơta rlô Kơnràñ dê taih? Ò di la srat să mơ ală cau ò dòn bơr ò ơ?

Hebrơ 6:13

Tòm tŭ Yàng Tom Trồ ho pơgon mơ Abraham, bơh ò gơs Bơtau lơi dờng rlau, gen Kơnràñ ai să tòm Kơnràñ mơ srat să lah:

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.