Jeremi 44:14 - Sră Goh 2018

¹⁴ tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”

Jeremi 44:14 ပူးပေါင်းရင်းမြစ်များ

Esai 10:20

Tòm ngai hơ̆, mpồl gam wơl Israel dê, la ală cau gam kis hìu Jakôp dê, rơp ò gam sơnđìng tai di dô nă cau neh lơh bol khai, mơya rơp sơnđìng di Yàng Jehôwa, Bơtau Sàng Goh Israel dê tòm jơnau song.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Jeremi 22:10

Bañ ñìm cau chơt in, bañ pơt wòl bơh khai. Chan ñìm cau lòt ngài in, bơh khai rơp ò rê wơl, ò gam gŏ wơl lơgar tòm khai.

Jeremi 42:17

Behơ̆ gen, dilah cau lơi wèt mat mut tòm lơgar Ejiptơ nàng ơm tòp tềng hơ̆, gen rơp chơt bơh pềs tà, jơgloh rung, mơ pluh plàng. Tòm mpồl bol khai, ò gơs cau lơi gam wơl; ò gơs cau lơi klàs bơh bơta rung rài mơ Añ cèng tus hơđang bol khai.’

Jeremi 42:22

Tŭ do, pal git loh lah oh mi rơp chơt bơh pềs tà, jơgloh rung, pluh plàng, tòm tiah mơ oh mi kòñ tus mơ ơm.”

Jeremi 44:26

Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Ejekiel 20:38

Añ rơp lơh goh bơta tòmdră bơh digùl bol mê, mơ ală cau tòmdră mơ sòdră di Añ. Añ rơp cèng bol khai lik bơh di lơgar mơ bol khai ơm ing, mơya bol khai rơp ò geh mut tòm lơgar Israel dê. Gen bol mê rơp git Añ la Yàng Jehôwa.

Ejekiel 6:8

Mơya Añ rơp lòi wơl dô êt nă, bơh dô êt nă tòm bol mê geh klàs bơh đào tòm tŭ bol mê ơm nrah nring tòm ală lơgar mơ ală làng bol.

Mathiơ 23:33

Ơ jơi bơs, jơi bơtiàn bơs tur ne, mbe bol mê geh klàs di bơta lơh glài brah tìng dê taih?

Rôma 2:3

Ơ cau cahrña di ală cau neh tìs ală bơta behơ̆ mơ să tòm he kung lơh tìs sơl, behơ̆ mê kơlôi lah să tòm mê rơp geh pleh klàs di bơta cahrña Yàng Tom Trồ dê sơl ơ?

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.