Jeremi 36:31 - Sră Goh 2018

³¹ Añ rơp lơh glài khai, lơh glài kòn sau mơ ală cau duh broă khai dê, tài bơh bơta iơh bơsak bol khai dê. Añ rơp dùh hơđang bol khai hơđang Jerusalem mơ cau Juda, kòp bơta rung rài Añ neh yal tơnggit bol khai in mơ bol khai ò bài iat.’”

Jeremi 36:31 ပူးပေါင်းရင်းမြစ်များ

Đơs Crih 94:23

Kơnràñ rơp tơm wơl bol khai in bơh bơta tồi glài iơh bơsak bol khai dê, Mơ pơs tơlik bol khai bơh bơta iơh bơsak bol khai dê; Jehôwa Yàng Tom Trồ bol he dê rơp pơs tơlik bol khai.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Jeremi 11:8

Mơya bol khai ò dòn bơr, ò ơn tồr iat; mơ kòp nă kư̆ jat bơta kră kơldang nùs kòñ iơh he dê. Tài behơ̆ tàng Añ neh cèng hơđang bol khai jơh ală jơnau tòm bơta ho bal do dê, la bơta Añ neh nting sồr bol khai lơh jat mơya bol khai ò lơh jat.”

Jeremi 17:18

Dan Kơnràñ lơh ală cau kup kơryan añ jê kong ƀàssìl, Mơya bañ lòi añ kong ƀàssìl; Lòi bol khai gơlik rngòt rngơt, Mơya bañ lòi añ kòl rngòt rngơt! Dan cèng ngai rung rài tus hơđang bol khai, Mơ tơnroh bol khai tơrlah tơrling bàr dơ̆ rlau!

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 23:34

Ai ală cau gơnoar hwơr, cau gơnoar ơn phan duh khoai, mơ làng bol đơs ‘Ơnòng kơnjơ̆ Yàng Jehôwa dê,’ gen Añ rơp lơh glài cau hơ̆ mơ hìu khai dê.

Jeremi 29:32

gen tàng Yàng Jehôwa đơs be do: ‘Añ rơp lơh glài Semaya, cau Nehelam, mơ jơi bơtiàn khai. Bơh jơi bơtiàn khai, khai rơp ò gơs cau lơi ơm digùl làng bol do gŏ bơta niam Añ rơp lơh làng bol Añ in, bơh khai neh đơs bơta tòmdră mơ Yàng Jehôwa,’” Yàng Jehôwa đơs behơ̆.

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 52:2

Bơtau hơ̆ lơh bơta iơh di đap Yàng Jehôwa, kung be ală broă bơtau Jehôyakim neh lơh.

Ejekiel 7:8

Añ rơp tuh bơta gơjrañ dờng Añ jê hơđang mê, mơ ràng tơlik bơta gơhào gơjrañ Añ jê tòmdră mơ mê; Añ rơp cahrña mê jat bơta lơh lòt mê dê mơ tơm wơl mê in jat ală bơta iơh mơ mê neh lơh.

Ejekiel 7:9

Añ rơp ò nđàc sơngit di mê hala ò pơlai di mê. Añ rơp tơm wơl mê in jat bơta lơh lòt mơ jat ală bơta iơh mơ mê neh lơh digùl bol mê. Bol mê rơp git lah să tòm Añ, Yàng Jehôwa, la Bơtau tuh ală bơta rung rài hơ̆.

Lebi 26:14

Mơya dilah bol mê ò bài iat Añ mơ prap gàr lơh jat jơh ală jơnau sồr do,

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!