Jeremi 36:18 - Sră Goh 2018

¹⁸ Baruk ho lah: “Khai ai bơr yal añ in ală jơnau do, mơ añ ngui dà cih, cih wơl tòm dap sră.”

Jeremi 36:18 ပူးပေါင်းရင်းမြစ်များ

Jeremi 36:2

“Ai tĕ dô dap sră, cih wơl tòm hơ̆ ală jơnau Añ neh đơs mơ mê tòmdră mơ Israel, Juda, mơ jơh ală lơgar, bơh ngai Añ rơp sơntòm đơs mơ mê, bơh rài Jôsia, jơl tus ngai do.

Jeremi 36:27

Tơnơ̆ mơ tŭ bơtau neh chu dap sră gơs ală jơnau mơ Baruk neh bơh bơr Jeremi cih wơl, gơs jơnau Yàng Jehôwa đơs mơ Jeremi be do:

Jeremi 36:32

Gen Jeremi ai dô dap sră ndai tong cau gơnoar cih Baruk, kòn klau Neriya in; Baruk bơh bơr Jeremi mơ cih wơl kòp jơnau tòm dap sră lài mơ Jehôyakim bơtau Juda, neh chu tòm ồs. Gơs oă jơnau tòm toh bal neh bơtơl tòm hơ̆.

Jeremi 36:4

Gen Jeremi hòi Baruk, kòn klau Neriya tus, Baruk kơnòm di bơr Jeremi yal wơl, gen cih jơh ală jơnau đơs Yàng Jehôwa dê yal khai in tòm dap sră.

Jeremi 45:1

Do la jơnau cau gơnoar hwơr Jeremi dê đơs mơ Baruk, kòn klau Neriya, tŭ khai cih ală jơnau do tòm dô dap sră bơh bơr Jeremi đơs tơlik, tòm nam dơ̆ poan rài Jehôyakim kòn klau Jôsia bơtau Juda: