Jeremi 35:4 - Sră Goh 2018

⁴ Añ cèng bol khai tus hơ hìu Yàng Jehôwa, tòm ơdŭ ală kòn klau Hanan dê, kòn klau Ikdalia, cau Yàng Tom Trồ dê, la ơdŭ rềp mơ ơdŭ ală kwang at bồ, mơ ơm hơđang ơdŭ Maaseya, kòn klau Salum, la cau kơp gàr mpồng.

Jeremi 35:4 ပူးပေါင်းရင်းမြစ်များ

I Ală Bơtau 12:22

Mơya jơnau Yàng Tom Trồ tus mơ Semaya, cau Yàng Tom Trồ dê lah:

I Ală Bơtau 13:1

Tòm tŭ Jerôbôam ntào rềp di cơnòng duh khoai, nàng chu kơlhô, gơs dô nă cau Yàng Tom Trồ dê bơh Juda, jat jơnau Yàng Jehôwa lòt tus hơ Betel,

I Ală Bơtau 13:26

Tòm tŭ cau gơnoar hwơr kra la cau neh cèng cau Yàng Tom Trồ rê bơh tòm gùng, kơno bơta hơ̆ gen đơs lah: “Hơ̆ la cau Yàng Tom Trồ dê neh ò dòn bơr Yàng Jehôwa. Gen tàng Yàng Jehôwa neh jào khai klìu triă in crè tơnchơt, jat be jơnau Yàng Jehôwa neh đơs mơ khai.”

I Ală Bơtau 17:18

Gen cau ùr đơs mơ Eli lah: “Ơ cau Yàng Tom Trồ dê, ñchi bơta ồng tòmdră mơ añ taih? Ồng neh tus tòm hìu añ nàng tơngkah wơl ală tồi glài añ jê nàng tơnchơt kòn añ sơl?”

I Ală Bơtau 17:24

Gen khai đơs mơ Eli lah: “Tŭ do añ đal git ồng la dô nă cau Yàng Tom Trồ dê, mơ jơnau Yàng Jehôwa dê ơm tòm bơr ồng la song ngan.”

I Ală Bơtau 20:28

Cau Yàng Tom Trồ dê tus rềp đơs mơ bơtau Israel lah: “Yàng Jehôwa đơs be do: Tài bơh cau Siri neh đơs lah: Yàng Jehôwa la yàng kơh, ò di la yàng thòng dê, gen tàng Añ rơp jào jơh mpồl ling gal do tòm tê mê, mơ bol mê rơp git Añ la Yàng Jehôwa.”

II Ală Bơtau 1:9

Gen bơtau sồr dô nă cau kwang at bồ pram jơt ling lòt bal mơ pram jơt nă cau ling guh tus hơ Eli. Eli ơm nggui hơđang bồ kơh. Khai đơs mơ Eli lah: “Ơ cau Yàng Tom Trồ dê, bơtau đơs mơ ồng lah: mù tĕ!”

II Ală Bơtau 12:9

Gen cau gơnoar ơn phan duh khoai Jehôyada ai dô nơm đài, lơh dô nơm trồm hơđang bơnap, gen ơn di gah cơnòng duh khoai, đah ma mpồng mut tòm hìu duh khoai Yàng Jehôwa dê. Ală cau gơnoar ơn phan duh khoai sền gàr di bơr mpồng cèng ơn tòm đài hơ̆ jơh ală priă mơ cau neh cèng tơmut tòm hìu duh khoai Yàng Jehôwa dê.

II Ală Bơtau 25:18

Kwang sền gàr bơtau kup cau gơnoar dờng ơn phan duh khoai Seraya, cau gơnoar oh ơn phan duh khoai Sôphôni, mơ pe nă cau kơp gàr mpồng hìu duh khoai,

II Ală Bơtau 5:14

Behơ̆ khai mù tòm hiòng Jordan, mơ ñơp să khai poh dơ̆ tòm hiòng Jordan, jat be jơnau cau Yàng Tom Trồ dê. Poac khai geh bòi wơl be poac dô nă cau kơnòm klau mơ khai neh geh goh.

II Ală Bơtau 5:20

Gehaji, cau dong broă Elise cau Yàng Tom Trồ dê, đơs is tòm nùs lah: “Cau tòm añ neh lòi gòi Naaman, cau Aram in, ƀuơn ir, bơh ò dòp phan lơi khai neh ơn. Añ sơnio Yàng Jehôwa gam kis sùm, añ rơp ntoat jat khai mơ dòp phan lơi bơh di khai.”

II Ală Bơtau 6:10

Cau bơtau Israel sồr cau lòt tus di tiah mơ cau Yàng Tom Trồ neh yal lài; Rlau mơ dô dơ̆ hala bàr dơ̆ khai neh yal lài dô bă tiah hơ̆ in, behơ̆ tàng bol khai neh ơm rcang ngac mat.

II Ală Bơtau 7:17

Tŭ hơ̆ bơtau ơn cau kwang sền gàr mơ bơtau sơnđìng di tê khai dê kơp gàr mpồng; mơ làng bol jă trơm khai chơt tơn di mpồng ƀòn, be jơnau cau Yàng Tom Trồ dê neh đơs tòm tŭ bơtau tus jòi khai.

II Ală Bơtau 7:2

Gen cau kwang sền gàr la cau mơ bơtau sơnđìng dê tê khai đơs mơ cau Yàng Tom Trồ lah: “Bulah Yàng Jehôwa lơh ală mpồng dềt hơđang trồ, bơta hơ̆ rơp gơlik gơs sơl ơ?” Mơya Elise đơs lah: “Mê rơp sền gŏ mơ mat mê, mơya mê ò geh sa gơ.”

I Yal Yau 9:27

Bol khai ơm drơng mang gùt dar hìu Yàng Tom Trồ dê tài bơh bol khai pal sền gàr gơ, mơ bol khai geh jào kai nàng pò gơ kòp àng drim.

II Yal Yau 8:14

Jat be bơta lơh nền Dabit bèp khai dê, khai pồ bơtào ală bơnòr cau gơnoar ơn phan duh khoai jat broă tòm bol khai dê, mơ ală cau Lebi nàng lam bồ bơta jòng ro mơ gơnoar broă ală cau gơnoar ơn phan duh khoai jat be broă pal lơh kòp ngai, mơ ală mpồl cau kơp gàr ală mpồng jat kòp mpồl bol khai dê tòm kòp nơm mpồng, tài bơh hơ̆ la bơta mơ Dabit cau Yàng Tom Trồ dê neh ai jơnau sồr.

Đơs Crih 84:10

Bơh dô ngai tòm tiah ơm Yàng dê la niam rlau mơ dô rbô ngai tòm tiah ndai. Chan añ gơs cau kơp mpồng hìu Yàng Tom Trồ añ jê, la niam rlau mơ ơm tòm sàl cau iơh bơsak dê.

Jeremi 21:1

Do la jơnau Yàng Jehôwa yal Jeremi in, tŭ bơtau Jedekia sồr Pasur kòn klau Malkiah, mơ Sôphôni, kòn klau cau gơnoar ơn phan duh khoai Maaseyah, tus đơs mơ khai lah:

Jeremi 26:10

Ală kwang at bồ Juda kơno ală bơta hơ̆, bơh tòm gơlang bơtau guh hơ hìu Yàng Jehôwa, nggui tòm gùng mut Mpồng Pa hìu Yàng Jehôwa dê,

Jeremi 35:3

Gen añ cèng Jaajania, kòn klau Jeremi, sau Abatsinia, bal mơ ală oh mi khai, ală kòn klau khai, mơ jơh hìu Rekap sơl.

Jeremi 52:24

Kwang at bồ ling kơp gàr bơtau kup Seraya, cau gơnoar dờng ơn phan duh khoai, Jephaniah cau gơnoar oh bal mơ pe nă cau kơp gàr mpồng hìu duh khoai.

Ejekiel 40:38

Dô nơm ơdŭ gơs mpồng ơm di gah mpồng rơng mpồng pơnggàr dê, la tiah cau rào ală phan ơn duh khoai chu pơrguc.

Ejekiel 43:8

Tòm tŭ bol khai ơn mpồng bol khai dê di gah mpồng Añ jê, mơ ơn jrong mpồng bol khai dê di gah jrong mpồng Añ jê, gơs mìng dô nơm dơrñang lơm digùl Añ mơ bol khai, bol khai lơh ƀơ̆ iơh sơnđan sàng goh Añ jê bơh ală broă lơh cù kìr bol khai dê. Behơ̆ gen Añ tơnroh bol khai tòm bơta gơjrañ Añ jê.

Yal Wơl 33:1

Do la bơta lơngai mơ Môise cau Yàng Tom Trồ dê neh ai lơngai cau Israel in lài mơ tŭ khai chơt.

I Timôthe 6:11

Mơya, ơ kòn la cau Yàng Tom Trồ dê, pleh tĕ di ală bơta hơ̆, mơ jòi jat bơta song ring, bơta duh rngòt, bơta dòn, bơta kòñ gơboh, bơta ơt ơl, bơta niam lơnhơn.

II Timôthe 3:17

tồ cau Yàng Tom Trồ dê geh wil tơl, mơ rcang sir wil tơl nàng lơh jơh ală broă niam.

Jôsue 14:6

Tŭ hơ̆ cau Juda tus hơ Jôsue tòm Gilgal, mơ Kalep kòn klau Jephune la cau Kenit, đơs mơ khai lah: “Ồng git ñchi jơnau Yàng Jehôwa neh đơs mơ Môise la cau Yàng Tom Trồ dê tòm Kades Barnea bơh añ mơ ồng.

I Samuel 2:27

Gơs dô nă cau Yàng Tom Trồ dê tus hơ Heli mơ đơs mơ khai lah: “Yàng Jehôwa neh đơs be do: ‘Añ neh yal tơlik să tòm Añ mơ hìu nhă ồng pàng mê dê tòm Ejiptơ, tòm tŭ bol khai ơm lơh dĭ hìu Pharaôn in.