Jeremi 35:18 - Sră Goh 2018

¹⁸ Gen, Jeremi đơs mơ hìu Rekap lah: “Yàng Jehôwa Gơnap Gơnoar, Yàng Tom Trồ Israel dê, đơs be do: ‘Bơh bol mê neh dòn jat gơnoar sồr ồng pàng bol mê dê la Jônadap, neh prap gàr kòp jơnau bơto sồr khai dê, mơ lơh jat kòp bơta khai neh nting sồr bol mê in.’

Jeremi 35:18 ပူးပေါင်းရင်းမြစ်များ

Lik Ejiptơ 20:12

Dòn duh tĕ mè bèp bol mê dê, tồ bol mê in geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in.

Yal Wơl 4:40

Prap gàr tĕ ală bơta lơh nền mơ ală bơta sồr lam Kơnràñ dê mơ añ ai bol mê in tòm ngai do, tồ ală bơta rơp gơlik gơs niam bol mê in mơ ală kòn sau bol mê in tơnơ̆ mơ bol mê, nàng bol mê rgơi geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in gam sùm sùm.

Yal Wơl 5:16

Dòn duh tĕ mè bèp bol mê dê jat be jơnau Jehôwa Yàng Tom Trồ bol mê dê neh sồr bol mê, tồ bol mê rgơi kis jŏ mơ bol mê rgơi geh lơngai tòm lơgar mơ Jehôwa Yàng Tom Trồ bol mê dê ai bol mê in.