Jeremi 35:17 - Sră Goh 2018

¹⁷ Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 35:17 ပူးပေါင်းရင်းမြစ်များ

Sơnròp Gơlik Gơs 6:17

Mơ Añ, Añ rơp lam dà kŏ làm jơh hơđang ù nàng tơnroh ală poac să gơs nhơm kis tòm tiah trồ; jơh ală phan ơm hơđang ù gơ rơp chơt jơh.

Jơnau Pơnđik 13:13

Cau lơi sền òsơp jơnau bơto sồr, cèng bơta roh gơprah bol khai in; Ai cau lơi duh rngòt bơta boh lam, gen geh phan ƀàn.

Jơnau Pơnđik 16:2

Ală gùng dà dô nă cau lơi dê digơlan sàng goh jat mat tòm khai dê; Mơya Yàng Jehôwa kơr was hwềng soàn cau.

Esai 50:2

Ñchi bơh tài tòm tŭ Añ tus, ò gơs dô nă cau lơi taih? Ñchi bơh tài tòm tŭ Añ hòi, ò gơs dô nă cau lơi ho wơl taih? Tơwòr tê Añ la liah ngan tian gơs ò rgơi tơwài bol mê sơl ơ? Añ ò tơl pràn nàng dong tă bol mê sơl ơ? Mìng bơh dô jơnau lah pơrhơng mơ Añ neh lơh soat dàlềng, Añ lơh ală hiòng dà gơlik gơs ƀlàng bràs; ka tòm dà gơ dê chơt ồm bơh siơ̆u dà, mơ chơt tơhìr dà.

Esai 65:12

Añ rơp lơh nền bol mê pal kong pềs tà, mơ bol mê jơh tơl nă pal kun să di đap cau sreh tơnchơt cau; bơh Añ neh hòi mơya bol mê ò ho wơl, Añ neh đơs mơya bol mê ò iat. Bol mê neh lơh bơta iơh di đap mat Añ, mơ neh sac rwah bơta ò niam nùs Añ.”

Esai 66:4

Behơ̆ Añ kung rơp sac rwah bơta bơrsèl tơnhial bol khai, mơ cèng hơđang bol khai bơta bol khai rngòt rngơt. Tài bơh tòm tŭ Añ neh hòi, ò gơs cau lơi neh ho wơl; Tòm tŭ Añ neh đơs, bol khai ò bài iat. Bol khai lơh bơta iơh di đap mat Añ, mơ sac rwah bơta Añ ò niam nùs.”

Jeremi 11:11

Gen tàng, Yàng Jehôwa đơs be do: ‘Añ rơp cèng bơta rung rài dùh hơđang bol khai, mơ bol khai ò rgơi pleh klàs; bulah bol khai rơp hòi dan mơ Añ, Añ rơp ò iat bol khai.

Jeremi 11:8

Mơya bol khai ò dòn bơr, ò ơn tồr iat; mơ kòp nă kư̆ jat bơta kră kơldang nùs kòñ iơh he dê. Tài behơ̆ tàng Añ neh cèng hơđang bol khai jơh ală jơnau tòm bơta ho bal do dê, la bơta Añ neh nting sồr bol khai lơh jat mơya bol khai ò lơh jat.”

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 19:3

Mê pal đơs lah: ‘Ơ ală cau bơtau Juda, mơ làng bol Jerusalem, iat tĕ jơnau Yàng Jehôwa dê. Yàng Jehôwa Gơnap Gơnoar, Yàng Tom Trồ Israel dê, đơs be do: Do, Añ rơp dùh bơta rung rài hơđang tiah do, tian gơs cau lơi kơno kung pal nggồr tồr;

Jeremi 26:5

Ò iat jơnau ală dĭ gơna Añ jê, la ală cau gơnoar hwơr Añ sồr tus mơ bol mê jal ngan, mơya bol mê ò bài iat bol khai,

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Jeremi 36:31

Añ rơp lơh glài khai, lơh glài kòn sau mơ ală cau duh broă khai dê, tài bơh bơta iơh bơsak bol khai dê. Añ rơp dùh hơđang bol khai hơđang Jerusalem mơ cau Juda, kòp bơta rung rài Añ neh yal tơnggit bol khai in mơ bol khai ò bài iat.’”

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Rôma 10:21

Mơya bơh làng bol Israel gen khai đơs lah: “Añ neh pò tê ngai mho gơwèt hơ làng bol ò dòn bơr mơ jak pơndang.”