Jeremi 35:1 - Sră Goh 2018

¹ Tòm rài Jehôyakim, kòn klau Jôsia, bơtau Juda, gơs jơnau bơh Yàng Jehôwa đơs mơ Jeremi lah:

Jeremi 35:1 ပူးပေါင်းရင်းမြစ်များ

II Ală Bơtau 23:34

Gen, Pharaôn Nekô bơtào Eliakim kòn klau Jôsia, lơh gơs bơtau ala Jôsia, bèp khai dê, mơ tòmgơl sơnđan khai la Jehôyakim. Ai Jôaca kong kup jàm tòm Ejiptơ, mơ khai chơt tềng hơ̆.

II Ală Bơtau 23:35

Jehôyakim ai priă mơ màh Pharaôn in. Mơya khai tă dia di lơgar nàng tơl khà priă mơ Pharaôn neh sồr ơn. Khai lơh nền tòm toh khà priă mơ màh bơh di làng bol tòm lơgar, kòp nă pal dap; gen jào gơ Pharaôn Nekô in.

Jeremi 1:3

kung neh đơs mơ khai tòm rài Jehôyakim, kòn klau Jôsia, bơtau Juda dê, jơl tus lồi sơnam dơ̆ jơt dùl rài bơtau Jedekia, kòn klau Jôsia, bơtau Juda dê, hơ̆ la sơnam cau tòm Jerusalem kong kup gơs dĭ tòm kơnhai dơ̆ pram.

Jeremi 25:1

Gơs jơnau tus mơ Jeremi bơh jơh làng bol Juda, tòm nam dơ̆ poan rài Jehôyakim, kòn klau Jôsia, bơtau Juda dê; hơ̆ la nam dơ̆ sơnròp rài Nebukatnessar, bơtau Babilôn,

Jeremi 26:1

Tŭ Jehôyakim, kòn klau Jôsia, bơtau lơgar Juda, rơp sơntòm at bồ, gơs jơnau do bơh Yàng Jehôwa.

Jeremi 27:20

ală phan mơ Nebukatnessar, bơtau Babilôn òhềt cèng, tŭ khai kup Jekônia kòn klau Jehôyakim bơtau Juda, bal mơ ală cau màng ryŭ tòm lơgar Juda bal mơ Jerusalem nàng cèng hơ lơgar Babilôn gơs dĭ sơl;

Jeremi 36:1

Nam dơ̆ poan rài Jehôyakim, kòn klau Jôsia, bơtau Juda, gơs jơnau Yàng Jehôwa dê đơs mơ Jeremi lah:

Jeremi 36:29

Ai bơh să tòm Jehôyakim, bơtau Juda, gen mê pal đơs lah: Yàng Jehôwa đơs be do: ‘Mê neh chu dap sră do mơ đơs lah: Ñchi bơh tài mê neh cih lah bơtau Babilôn ngan rơp tus, phà lơgar do mơ tơnroh kòn mơnus mơ phan poan jơng?’

Jeremi 36:9

Tòm kơnhai sin, nam dơ̆ pram rài Jehôyakim, kòn klau Jôsia, bơtau Juda, jơh ală làng bol Jerusalem mơ jơh làng bol bơh ală ƀòn Juda tus hơ Jerusalem, yal bơta ơt sa di đap Yàng Jehôwa.

Jeremi 46:2

Bơh Ejiptơ, bơh mpồl ling bơtau Ejiptơ dê, Pharaôn Nekô, tŭ hơ̆ bơtào sàl ling rềp hiòng Ơphrat, tòm Karkemis; hơ̆ la mpồl ling gơkòl Nebukatnessar bơtau Babilôn lơh alah, tòm nam dơ̆ poan rài Jehôyakim kòn klau Jôsia bơtau Juda dê.

Daniel 1:1

Tòm nam dơ̆ pe rài Jehôyakim bơtau Juda dê, Nebukatnessar, bơtau Babilôn lòt tus gơrwàng Jerusalem.