Jeremi 33:26 - Sră Goh 2018

²⁶ gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Jeremi 33:26 ပူးပေါင်းရင်းမြစ်များ

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Ejra 2:1

Do la làng bol tòm kơnhwàl bol khai la ală cau neh tus bơh ală cau neh kong kup cèng mơ Nebukatnessar bơtau Babilôn neh kup cèng hơ Babilôn, bol khai rê wơl hơ Jerusalem mơ Juda, kòp nă rê hơ ală ƀòn tòm khai dê,

Ejra 2:70

Ală cau gơnoar ơn phan duh khoai, ală cau Lebi mơ gơs cau ƀà tòm làng bol ơm tòm Jerusalem mơ tòm ală ƀòn gùt dar; ală cau đơs chò, ală cau kơp gàr mpồng dờng mơ ală cau duh broă tòm hìu duh khoai rê ơm ƀòn tòm bol khai dê, mơ jơh làng bol Israel rê ơm tòm ală ƀòn tòm bol khai dê.

Đơs Crih 126:1

Tòm tŭ Yàng Jehôwa cèng ală cau kòl jàm Siôn dê rê wơl, Gen bol hi ò gơkrơi be cau gŏ mpau.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Esai 54:8

Tòm bơta gơhào gơjrañ, Añ neh pồn mat mơ ai tòm dô êt jŏ, mơya bơh nùs kòñ gơboh gam sùm sùm, Añ rơp kòñ nđàc di ai,” Bơtau Dong tơwài ai la Yàng Jehôwa đơs behơ̆.

Jeremi 3:12

Lòt tĕ mơ yal tơnggit ală jơnau do wèt hơ đah đang lah: ‘Ơ Israel ò dòn song, rê wơl tĕ! Yàng Jehôwa đơs, Añ rơp ò sền di ai mơ muh mat gơjrañ tai, Bơh Añ jak nđàc sơngit; Añ ò prap bơta gơjrañ sùm sùm.’ Yàng Jehôwa đơs behơ̆.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 31:35

Yàng Jehôwa, la Bơtau neh ai gơnoar sồr mattơngai lơh gơs bơta àng trồ ngai, Ai gơnoar sồr mat kơnhai mơ sơmañ lơh gơs bơta àng tòm trồ mang, Bơtau lơh lơnggac dàlềng, tian gơs ryà gơ nggồr ur ur, Yàng Jehôwa Gơnap Gơnoar la sơnđan Kơnràñ dê đơs lah:

Jeremi 31:37

Yàng Jehôwa đơs be do: “Dilah hơđang rgơi was sơnoa ală tap trồ, Hala hơđơm rgơi was sơnoa kơnàng plai ù; Gen kung behơ̆, Añ rơp sang lòi jơh jơi bơtiàn Israel Tài bơh ală bơta bol khai neh lơh.” Yàng Jehôwa đơs behơ̆.

Jeremi 33:24

“Ngan mê ò ai tồr iat làng bol do đơs ơ? Bol khai đơs: ‘Bàr jơi bơtiàn Yàng Jehôwa neh sac rwah, gen Kơnràñ neh sang lòi rau.’ Behơ̆, bol khai sền òsơp làng bol Añ jê, sền làng bol do ò di la dô nơm lơgar tai!

Ejekiel 39:25

Gen tàng, Jehôwa Yàng Tom Trồ đơs be do: “Tŭ do Añ rơp cèng Jakôp rê wơl bơh di tiah kong kup cèng pơrdô; Añ rơp nđàc sơngit di jơh hìu Israel, mơ Añ rơp ƀoah pơrhiat bơh sơnđan sàng goh Añ jê.

Sră Ôse 1:7

Mơya Añ rơp nđàc sơngit di làng bol Juda, mơ Añ rơp dong klàs bol khai, Añ ò kơnòm di àtak, đào hala bơta tòmlơh, ò di kơnòm di ơseh hala cau ling hào ơseh, mơya kơnòm di Jehôwa Yàng Tom Trồ bol khai dê.”

Sră Ôse 2:23

Añ rơp tam khai Añ in tòm lơgar; Añ rơp nđàc sơngit di Lôruhama, mơ Añ rơp đơs mơ Lôammi, ‘Mê la làng bol Añ jê;’ mơ khai rơp đơs lah: ‘Kơnràñ la Yàng Tom Trồ añ jê.’”

Sacari 10:6

“Añ rơp bơtơl pràn hìu Juda in, mơ dong tă hìu Jôsep dê. Añ rơp cèng bol khai rê wơl tài bơh Añ nđàc sơngit di bol khai. Bol khai rơp ơm kung be Añ neh ò sang lòi bol khai, bơh Añ la Jehôwa Yàng Tom Trồ bol khai dê, mơ Añ rơp ho wơl bol khai in.

Rôma 11:32

Bơh Yàng Tom Trồ neh krơ̆ jơh ală cau tòm bơta ò dòn bơr, nàng Kơnràñ kòñ nđàc jơh tơl nă cau.