Jeremi 33:17 - Sră Goh 2018

¹⁷ Mơ tai, Yàng Jehôwa đơs be do: ‘Dabit rơp ò siơ̆u dô nă cau klau nàng nggui hơđang sơbàn hìu Israel;

Jeremi 33:17 ပူးပေါင်းရင်းမြစ်များ

II Samuel 3:29

Dan mhàm hơ̆ tuh wơl hơđang bồ Jôap mơ hơđang jơh hìu bèp khai dê! Dan hìu Jôap dê ò tŭ lơi siơ̆u cau jê toh mồr gơrề hala cau kòp dun, cau đơng gai tàñ, cau gơpừ chơt bơh đào, cau ò gơs phan sa!”

II Samuel 7:12

Tòm tŭ ală ngai mê dê neh wil tơl, mơ mê rơp bic mơ ală ồng pàng mê dê, Añ rơp tơngguh kòn mê nàng pơrdòn sơbàn mê, la kòn rơp lik bơh să jan mê, mơ Añ rơp bơt bơtào lơgar bơtau khai dê.

II Samuel 7:13

Khai rơp bơt dô nơm hìu Sơnđan Añ in, mơ Añ rơp bơtào sơbàn lơgar bơtau khai dê gam sùm sùm.

I Ală Bơtau 2:4

gen Yàng Jehôwa rơp lơh gơlik gơs jơnau Kơnràñ neh ho mơ añ lah: ‘Dilah ală kòn sau mê dê git kơrhia tòm gùng dà bol khai dê, dilah bol khai jơh nùs jơh hwềng lơh lòt dô bă dòn song di đap Añ, gen mê rơp ò siơ̆u dô nă cau pơrdòn hơđang sơbàn Israel dê.’

I Ală Bơtau 8:25

Gen tàng, Ơ Jehôwa, Yàng Tom Trồ Israel dê! Dan prap gàr ală jơnau Yàng neh ho mơ dĭ gơna Kơnràñ dê la Dabit, bèp añ jê lah: ‘Rơp ò siơ̆u cau pơrdòn mê, nggui di sơbàn Israel dê di đap Añ; dilah kòn sau mê kơrhia ală gùng dà bol khai dê, lòt di đap Añ, tòm toh be mê neh lòt di đap Añ.’

II Ală Bơtau 11:2

Mơya Jôseba, kòn ùr bơtau Jôram dê, mơ la bi ùr Acasia dê, kup kơñau Jôas, kòn klau Acasia dê, bơh digùl ală kòn klau bơtau mơ bơh di cau kòñ tơnchơt, ơn khai tòm ơdŭ bic bal mơ cau ròng tơmpô khai, mơ pồn khai klàs bơh di Athali; gen tàng khai ò gơkòl tơnchơt.

I Yal Yau 17:27

Tŭ do, Kơnràñ neh niam nùs ai lơngai hìu cau duh broă Kơnràñ dê, la hìu hơ̆ rơp pơnjat gam sùm sùm di đap mat Kơnràñ; Ơ Yàng Jehôwa, bơh Kơnràñ neh ai lơngai hìu hơ̆ in, mơ gơ rơp geh lơngai gam sùm sùm.”

Đơs Crih 132:12

Dilah kòn sau mê dê prap gàr bơta ho bal Añ jê, Mơ ală jơnau sồr kràñ cê mơ Añ rơp bơto bol khai, Gen kòn sau bol khai dê kung rơp nggui hơđang sơbàn mê dê jơl sùm sùm.”

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 17:25

gen ală cau bơtau mơ ală cau kwang at bồ nggui hơđang sơbàn Dabit, rơp hào rơndeh, hào ơseh, bal mơ ală cau kwang at bồ cau Juda, bal mơ làng bol Jerusalem bơh mpồng theng hơ̆ mơ mut; mơ ƀòn dờng hơ̆ rơp gam wơl sùm sùm.

Jeremi 35:19

Tài bơh hơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Jônadap, kòn klau Rekap, rơp ò siơ̆u dô nă cau klau ntào di đap Añ jơl sùm sùm.’”