Jeremi 31:9 - Sră Goh 2018

⁹ Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Jeremi 31:9 ပူးပေါင်းရင်းမြစ်များ

I Yal Yau 29:10

Dabit jòng ro Yàng Jehôwa di đap jơh mpồl làng bol, mơ đơs lah: “Jòng ro Kơnràñ, ơ Yàng Jehôwa la Yàng Tom Trồ Israel ồng pàng bol hi dê gam sùm sùm mơ ò lồi.

Đơs Crih 107:7

Kơnràñ lam bol khai lòt jat gùng song jơl tus ti tŭ tus hơ dô nơm ƀòn dờng nàng ơm.

Đơs Crih 23:2

Kơnràñ ai añ in rlô tòm ƀlàng ñhơt tơlir, lam añ tus hơ dà ring niam.

Đơs Crih 89:27

Mơ Añ rơp lơh khai in gơlik gơs kòn tơnhoa Añ jê, Gơlik gơs bơtau hơđang rlau jơh mơ ală cau bơtau tòm plai ù.

Lik Ejiptơ 4:22

Behơ̆, mê đơs tĕ mơ Pharaôn lah: Yàng Jehôwa đơs be do: ‘Israel la kòn klau tơnhoa Añ jê,

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 43:20

Ală phan poan jơng tòm brê duh rngòt di Añ, so brê bal mơ klàng kò kung behơ̆, tài bơh Añ rcang gơs dà tòm ƀlàng bràs, mơ ală croh dà tòm ƀlàng ngềt ngơt, nàng ai làng bol geh sac rwah Añ jê geh dà hùc.

Esai 45:11

Yàng Jehôwa, Bơtau Sàng Goh Israel dê, mơ la Bơtau neh lơh gơs Israel, đơs be do: “Lùp tĕ Añ bơh ală kòn sau Añ jê, lùp tĕ Añ bơh ală bơta rơp gơlik tus. Hala ai añ in jơnau sồr bơh broă tê Añ lơh sơl?

Esai 57:14

Mơ rơp gơs jơnau đơs lah: “Bơt tĕ, bơt tĕ, wàs tĕ gùng lòt! Tă sang tĕ ală phan kơryan gùng lòt làng bol Añ jê.”

Esai 63:13

ñcau neh tề lam bol khai lòt gan ală tiah jrô taih? Be dô nơm ơseh tòm ƀlàng bràs, bol khai ò gơtup pừ.

Esai 63:16

Bơh Kơnràñ la Bèp bol hi dê, bulah Abraham ò git bol hi, Israel ò đal git bol hi; Ơ Yàng Jehôwa, Kơnràñ la Bèp bol hi dê, Sơnđan Kơnràñ la Bơtau Dong Tơwài bol hi dê bơh yau òr.

Esai 64:8

Bulah behơ̆, Ơ Yàng Jehôwa, Kơnràñ la Bèp bol hi dê! Bol hi la ù kơnàng, Kơnràñ la Cau Tòm mòn gri; bol hi jơh tơl nă la broă tê Kơnràñ lơh.

Jeremi 3:19

Añ neh kơlôi lah: ‘Añ rơp ơn mê digùl ală kòn sau Añ jê, Añ rơp ai mê in dô bă tiah ù niam, Phan jơtài hàng mơnĕ rlau jơh tòm ală lơgar Añ neh kơlôi: Mê rơp hòi di Añ la “Bèp Añ jê!” Mơ ò pơrlac sang bơh bơta lòt jat Añ.

Jeremi 3:4

Bơh do jơl hìng nau mê rơp ò hòi di Añ lah: ‘Ơ bèp añ, Kơnràñ la cau bơyô añ jê, tŭ añ gam kơnòm să,

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 50:4

Yàng Jehôwa đơs: “Tòm ală ngai hơ̆ mơ tòm tŭ hơ̆, làng bol Israel mơ làng bol Juda dô bă bal rê wơl, lòt ndang ñìm ndang, jòi jat Jehôwa Yàng Tom Trồ bol khai dê.

Sră Ôse 12:4

Tòm hìu kòn, khai at di kơndòl jơng bi khai dê, tòm tŭ dờng khai tòmpơt mơ Yàng Tom Trồ.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Malaci 2:10

Bol he jơh tơl nă ò di gơs dô nă Bèp ơ? Ò di dô nă Yàng Tom Trồ neh crơng gơs bol he ơ? Gen ñchi bơh tài bol he ò dòn song bal mơ gơp, lơh gơtup tìs di bơta ho bal mơ ală ồng pàng bol he dê taih?

Khà Làng Bol 2:18

Đah mattơngai mut rơp gơs ală mpồl sàl Epraim dê hơđơm bồng bi bol khai dê. Cau at bồ làng bol Epraim la Elisama kòn klau Ammihut.

Mathiơ 3:3

Hơ̆ la bơh Jang Ƀaptis mơ cau gơnoar hwơr Esai neh đơs: “Gơs jơnau cau hòi driau tòm ƀlàng bràs lah: ‘Wàs tĕ gùng Yàng in, Bơsong tĕ ală gùng dềt Kơnràñ dê.’”

Mathiơ 5:4

Lơngai ală cau moat jrùng in, bơh rơp geh pơndòm pơniang!

Mathiơ 6:9

Behơ̆ bol mê hòi dan tĕ be do: ‘Khoai Bèp bol hi ơm hơđang trồ; sơnđan Bèp gơs sàng goh;

Luka 6:21

Lơngai bol mê in ơm jơgloh, Bơh rơp geh hòm! Lơngai bol mê in ơm ñìm, bơh rơp ñŏ!

Rôma 8:26

Kung behơ̆ sơl, Yàng Hwềng dong kòl tòm bơta lơbơn lơño bol he dê; bơh bol he ò git mbe kòñ hòi dan nàng di pal, mơya să tòm Yàng Hwềng ai bơta rac ròc he ò rgơi yal loh nàng hòi dan ala bol he in.

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Yal Wơl 14:1

“Bol mê la kòn sau Jehôwa Yàng Tom Trồ bol mê dê. Bañ koh să tòm bol mê dê hala koah đah đap bồ bol mê dê bơh cau neh chơt,

Yal Wơl 32:6

Ơ làng bol bơrngơl gơla mơ ò kwơ, bol mê tơm wơl Yàng Jehôwa in behơ̆ ơ?” Kơnràñ ò di la Bèp bol mê dê la Bơtau Crơng gơs, Bơtau mòn gơs mơ bơtào gơs bol mê ò ơ?

Hebrơ 12:13

Lơh tĕ gùng song jơng oh mi in, nàng cau gơlte ò gơtup gơglih jơng, mơ geh sơmbòi la niam rlau.

Hebrơ 12:23

tus hơ Hìu Jum Goh ală kòn tơnhoa dê neh cih sơnđan mat hơđang trồ, tus hơ Yàng Tom Trồ la Kwang Cahrña tơl nă cau, tus hơ hwềng soàn ală cau song ring dê neh geh wil tơl,

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”