Jeremi 31:38 - Sră Goh 2018

³⁸ Yàng Jehôwa đơs: “Ală ngai rơp tus, tŭ ƀòn dờng rơp geh bơt bơtào wơl Yàng Jehôwa in, bơh Theng Hananel tus di Mpồng Mum.

Jeremi 31:38 ပူးပေါင်းရင်းမြစ်များ

II Ală Bơtau 14:13

Tòm Bet Semes, Jôas, bơtau Israel, kup Amajiah, bơtau Juda, kòn klau Jôas, sau Acasia; mơ lòt tus hơ Jerusalem, phà dơrñang ƀòn bơh Mpồng Epraim jơl tus di Mpồng Mum, dô pah jòng poan rhiang tal.

II Yal Yau 26:9

Ujia bơt bơtào ală theng jòng jơnhoa tòm Jerusalem di Mpồng Mum, di Mpồng Thòng mơ di mum dơrñang, mơ lơh bol gơ in kơ̆ cê.

Nehemi 2:17

Gen añ đơs mơ bol khai lah: “Bol mê gŏ ală bơta bòl glar bol he dê, mbe Jerusalem neh tơrlah jơh, mơ ală mpồng gơ dê neh ồs sa. Tus tĕ bol he bơt wơl ală dơrñang Jerusalem dê, nàng bol he ò tai ơm tòm bơta jê sồt sền òsơp.”

Nehemi 3:1

Gen Eliasip cau gơnoar dờng ơn phan duh khoai bal mơ ală oh mi khai dê la cau gơnoar ơn phan duh khoai sơntòm bơt wơl Mpồng Belàt. Bol khai ơn is sàng goh gơ mơ ơn ală mpồng di tiah gơ dê. Bol khai ơn is sàng goh gơ sơlo ngài tus hơ Theng Mea, mơ sơlo ngài tus hơ theng Hananel.

Đơs Crih 102:17

Kơnràñ rơp wèt sền jơnau hòi dan cau dồn sa rƀah dê, mơ ò sền òsơp di jơnau rac dan bol khai dê.

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 30:18

Yàng Jehôwa đơs be do: ‘Añ rơp cèng ală sàl Jakôp rê wơl klàs bơh bơta kup cèng gơs dĭ, Añ rơp nđàc sơngit tiah ơm khai dê; Ƀòn do rơp bơt bơtào wơl hơđang tiah tơrlah tơrling gơ dê, Hìu gơlang rơp geh bơtào di tiah yau òr.

Jeremi 31:27

Yàng Jehôwa đơs: “Ală ngai hơ̆ rơp tus, la tòm tŭ Añ rơp tam hìu Israel mơ hìu Juda mơ gar sơntìl jơi kòn mơnus mơ gar sơntìl jơi phan poan jơng sơl.

Jeremi 31:4

Ơ kòn ơruh Israel dê! Añ rơp bơtào wơl bol ai, gen bol ai rơp geh bơtào, Bol ai rơp at wơl sơnggơr dềt ai dê, Lòt bal mơ ală cau tòmya chò hòp.

Jeremi 33:7

Añ rơp cèng ală cau kong kup cèng gơs dĭ Juda mơ Israel rê wơl; bơt bơtào wơl bol khai kung be lài òr.

Daniel 9:25

Mê git tĕ mơ wă loh bơh di tŭ tơlik jơnau gơnoar sồr rcang wơl mơ bơt wơl Jerusalem jơl tus di tŭ tus Bơtau geh bong mơñà, hơ̆ la bơtau at bồ, gen geh poh poh, mơ prau jơt bàr nơm poh. Ƀòn dờng hơ̆ rơp geh bơt wơl tòm tŭ tơngai bòl glar kalke, gơs gùng dờng mơ rbòng dà lơh gơs pơnggàr gùt dar.

Sacari 14:10

Jơh plai ù, bơh Geba jơl tus hơ Rimmôn, đah đơm Jerusalem, rơp gơlik gơs kung be Arabah. Mơya Jerusalem rơp geh tơngguh jơnhoa hơđang tòm tiah gơ dê, bơh Mpồng Benjamin tus di tiah Mpồng Sơnròp, tus di Mpồng Mum, mơ bơh Theng Hananel tus di tiah pat tơrnòm ño cau bơtau dê.

Sacari 2:6

Yàng Jehôwa đơs lah: “Guh tĕ! Guh tĕ! Dô tĕ bơh di lơgar đah đang; bơh Añ neh rsìh bol mê hơ tiah ngài be poan đah càl hơđang trồ.” Yàng Jehôwa đơs behơ̆.