Jeremi 31:37 - Sră Goh 2018

³⁷ Yàng Jehôwa đơs be do: “Dilah hơđang rgơi was sơnoa ală tap trồ, Hala hơđơm rgơi was sơnoa kơnàng plai ù; Gen kung behơ̆, Añ rơp sang lòi jơh jơi bơtiàn Israel Tài bơh ală bơta bol khai neh lơh.” Yàng Jehôwa đơs behơ̆.

Jeremi 31:37 ပူးပေါင်းရင်းမြစ်များ

Sră Jop 38:18

Mê neh git loh bơta pò ơnàng plai ù dê sơl? Dilah mê git jơh ală bơta hơ̆ gen yal tĕ.

Đơs Crih 89:2

Bơh bơta kòñ gơboh kơ̆ dơn Kơnràñ dê neh geh bơtào gam sùm sùm, Bơta dòn song Kơnràñ dê la kơ̆ cê be ală tap trồ.

Jơnau Pơnđik 30:4

Ñcau neh guh hơđang trồ, lồc behơ̆ mù wơl taih? Ñcau neh tơrgòm càl tòm kơndồm tê he taih? Ñcau neh bơ̆ dà tòm ào he taih? Ñcau neh bơtào gơs ală nhàr plai ù taih? Ñchi sơnđan mat khai, mơ ñchi sơnđan mat kòn klau khai taih? Dilah mê git đơs tĕ.

Esai 40:12

Ñcau neh ai kơndồm tê he mơ was dàlềng, mơ ai sơnđàm tê mơ sơnoa ală tap trồ taih? Ñcau neh ơn kơmbuh ù tòm dô nơm sơ̆, hala kơr mơnơm mơ ală dòr hơđang dô nơm phan kơr taih?

Esai 54:9

“Gơwèt mơ Añ, bơta hơ̆ kung be ală ngai tòm rài Nôe, tòm tŭ Añ srat să ho nền lah dà kŏ tòm rài Nôe rơp ò tŭ lơi ngŏ hơđang ù tai. Behơ̆ tŭ do Añ srat să ho nền lah Añ rơp ò gơjrañ di ai tai, mơ rơp ò tŭ lơi lah pơrhơng ai tai.

Esai 65:9

Añ rơp lơh ală kòn sau lik bơh Jakôp, mơ bơh Juda gơlik ală cau pơrdòn ală mơnơm Añ jê; làng bol sac rwah Añ jê rơp pơrdòn gơ, mơ tềng hơ̆ ală cau duh broă Añ jê rơp ơm.

Jeremi 30:11

Yàng Jehôwa đơs: ‘Bơh Añ ơm bal mơ mê nàng dong tă mê. Añ rơp tơnroh jơh ală lơgar Mơ Añ neh lơh mê in nrah nring tòm hơ̆, Mơya mê gen Añ ò tơnroh jơh. Añ rơp lơh glài tơmàl mê, Mơya ò tŭ lơi lòi mê klàs bơh bơta lơh glài.’

Jeremi 33:22

Cau ò rgơi kòp ală sơmañ hơđang trồ mơ was bràs tòm dàlềng: Añ kung rơp ai bơtơl Dabit, dĭ gơna Añ, mơ ai cau Lebi duh broă Añ, geh jơi bơtiàn gal ngan kung behơ̆.’”

Jeremi 46:28

Yàng Jehôwa đơs: “Ơ Jakôp dĭ gơna Añ, mê bañ rngòt, bơh Añ ơm bal mơ mê. Añ rơp tơnroh jơh ală lơgar mơ Añ neh bơtrơh mê tus; ai mê, gen Añ ò tơnroh jơh ò, mơya lơh glài tơmàl mê dô bă song ring, mê ò rgơi ò lơh glài tơmàl ò.”