Jeremi 31:35 - Sră Goh 2018

³⁵ Yàng Jehôwa, la Bơtau neh ai gơnoar sồr mattơngai lơh gơs bơta àng trồ ngai, Ai gơnoar sồr mat kơnhai mơ sơmañ lơh gơs bơta àng tòm trồ mang, Bơtau lơh lơnggac dàlềng, tian gơs ryà gơ nggồr ur ur, Yàng Jehôwa Gơnap Gơnoar la sơnđan Kơnràñ dê đơs lah:

Jeremi 31:35 ပူးပေါင်းရင်းမြစ်များ

Sră Jop 26:12

Kơnràñ ai gơnap gơnoar Kơnràñ dê lơh ring drik dàlềng, Bơh bơta jak chài Kơnràñ dê Kơnràñ tơnchơt Rahap.

Sră Jop 38:33

Mê git ală boh lam lơh nền ală tap trồ dê sơl? Mê rgơi bơtào gơs gơnoar at bồ hơđang plai ù sơl?

Đơs Crih 106:9

Kơnràñ lah pơrhơng Dàlềng Pơrhê, gen gơlik gơs rañ rsơh; Kơnràñ lam làng bol Israel lòt gan tòm tiah jrô dàlềng dê, kung be lòt gan ƀlàng bràs.

Đơs Crih 119:89

Ơ Yàng Jehôwa, jơnau Kơnràñ dê geh bơtào kơ̆ cê sùm sùm hơđang trồ.

Đơs Crih 119:91

Jat be bơta lơh nền Yàng dê, ală bơta hơ̆ gam ơm kơ̆ tus di ngai do, Bơh jơh ală phan duh broă Kơnràñ in.

Đơs Crih 148:6

Kơnràñ bơtào kơ̆ ală phan hơ̆ gam sùm sùm, Kung neh lơh nền nhàr ală phan hơ̆ in, nàng ò rgơi lòt rlau.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Đơs Crih 72:5

Dilah mattơngai mơ kơnhai gam gơs kàr lơi, Dan ai khai in gam kis kàr hơ̆ sơl, jơl jơh ală rài.

Đơs Crih 74:13

Kơnràñ neh ngui gơnap gơnoar Kơnràñ dê mơ cah is dàlềng, Kơnràñ neh lơh bơcah bồ ală phan jàñ bơsak tòm dà.

Đơs Crih 74:16

Ngai gơrê bal mơ Yàng, mang kung behơ̆ sơl; Kơnràñ neh bơtào gơs ală sơmañ, kơnhai mơ mattơngai.

Đơs Crih 78:13

Kơnràñ cah is dàlềng, lòi bol khai in lòt gan, mơ lơh dà ơm wơl be dô nơm dà bơt.

Đơs Crih 89:2

Bơh bơta kòñ gơboh kơ̆ dơn Kơnràñ dê neh geh bơtào gam sùm sùm, Bơta dòn song Kơnràñ dê la kơ̆ cê be ală tap trồ.

Esai 48:2

Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Esai 51:15

Bơh Añ la Jehôwa Yàng Tom Trồ bol mê dê, la Bơtau lơnggac dàlềng lơh ryà dà gơ dê nggồr ur ur, Yàng Jehôwa Gơnap Gơnoar Dờng la sơnđan Kơnràñ dê.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Esai 63:12

La Bơtau neh lơh tơwòr tê gơklŏ Kơnràñ dê, cơnđòa lòt đah ma Môise dê. La Bơtau neh cah dàlềng di đap bol khai, Nàng lơh sơnđan Kơnràñ dê gam sùm sùm;

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 32:18

Kơnràñ ràng tơlik bơta kòñ gơboh kơ̆ dơn gơwèt hơ rbô rài, mơya lơh glài bơh bơta tồi glài ồng pàng dê hơđang kòn sau tòm rài tơnơ̆. Khoai Yàng Tom Trồ dờng mơ gơs gơnap gơnoar làm jơh, sơnđan Kơnràñ la Yàng Jehôwa Gơnap Gơnoar Dờng Làm Jơh.

Jeremi 33:20

“Yàng Jehôwa đơs be do: ‘Dilah bol mê rgơi tơnroh bơta ho bal mơ trồ ngai Añ jê mơ bơta ho bal mơ trồ mang Añ jê, tian gơs ò gơs ngai mơ mang tòm tŭ di wềr gơ dê,

Jeremi 33:25

Mơya, do la jơnau Yàng Jehôwa đơs: ‘Dilah bơta ho bal Añ jê bơh ngai mơ mang ò gam bơtào kơ̆, mơ dilah Añ ò rơndap tap sèng gơnoar at bồ trồ mơ tiah in,

Jeremi 33:26

gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Jeremi 46:18

Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Jeremi 50:34

Bơtau Dong tơwài bol khai la pràn kơldang, sơnđan Kơnràñ la Yàng Jehôwa Gơnap Gơnoar. Nền ngan, Kơnràñ rơp dong tò bol khai, nàng Kơnràñ ai jơh lơgar in geh rlô, mơya lơh bòl glar làng bol Babilôn.”

Jeremi 51:19

Mơya sre brê Jakôp dê gen ò di be bol khai, Bơh să tòm Kơnràñ la Bơtau neh crơng gơs ală phan, Ai Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Mpồl Ling.”

Sră Ôse 13:14

Añ rơp dong bol khai klàs bơh gơnap gơnoar lơgar làng ƀồc. Añ rơp tơwài bol khai klàs bơh bơta chơt sơl ơ? Ơ bơta chơt, ntềng đah bơta rung rài mê dê taih? Ơ lơgar làng ƀồc, ntềng đah bơta tơnroh mê dê taih? Bơta nđàc sơngit neh pồn ndơp bơh di mat Añ.

Amôs 9:8

Mat Yàng Jehôwa dê ơn hơđang lơgar bềng tồi glài do. Añ rơp tơnroh gơ bơh di plai ù; mơya Añ rơp ò tơnroh jơh hir hìu Jakôp dê,” Yàng Jehôwa đơs behơ̆.

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Yal Wơl 4:19

Mơ tòm tŭ bol mê tơnggòr sền hơđang trồ mơ gŏ mattơngai, mat kơnhai mơ ală sơmañ, jơh ală gơnap gơnoar hơđang trồ, gen bañ gơkòl ơniai mơ kun bồ duh khoai ală phan mơ Jehôwa Yàng Tom Trồ bol mê dê neh tòmpà jơh ală làng bol in ơm hơđang ù.