Jeremi 31:31 - Sră Goh 2018

³¹ Yàng Jehôwa đơs: “Ală ngai nền cê ngan rơp tus, tŭ hơ̆ Añ rơp bơt bơtào dô nơm bơta ho bal pa hìu Israel bal mơ hìu Juda in.

Jeremi 31:31 ပူးပေါင်းရင်းမြစ်များ

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Jeremi 31:27

Yàng Jehôwa đơs: “Ală ngai hơ̆ rơp tus, la tòm tŭ Añ rơp tam hìu Israel mơ hìu Juda mơ gar sơntìl jơi kòn mơnus mơ gar sơntìl jơi phan poan jơng sơl.

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Ejekiel 37:26

Añ rơp bơt bơtào dô bơta ho bal ring lơngai mơ bol khai; hơ̆ rơp la dô bơta ho bal gam sùm sùm. Añ rơp ai lơngai bol khai in mơ lơh khà làng bol bol khai dê gơbơtơl oă ngan. Añ rơp ơn hìu duh khoai Añ jê digùl bol khai gam sùm sùm.

Amôs 9:13

Yàng Jehôwa đơs lah: “Ală ngai rơp tus, tòm tŭ cau lơòr rơp jat bàn cau toès, cau pơrjă plai ño jat bàn cau tam ño. Tơrnòm pa rơp ñhat bơh di ală mơnơm, mơ hòr lik bơh di ală dòr.

Mathiơ 26:28

bơh do la mhàm Añ, hơ̆ la mhàm bơta ho bal dê, neh tuh nàng kòp nă cau in geh toh glài.

Jơnau Niam Jat Mak 14:24

Yàng Jesu đơs lah: “Do la mhàm Añ, hơ̆ la mhàm bơta ho bal dê, neh tuh oă cau in.

Luka 22:20

Kung behơ̆ sơl, tơnơ̆ mơ tŭ sa mho, Kơnràñ ai mơngàn mơ đơs lah: “Mơngàn do la bơta ho bal pa tòm mhàm Añ, hơ̆ la mhàm tài bơh bol mê mơ hòr lik.

I Kôrintô 11:25

Kung behơ̆ tơnơ̆ neh sa mho, Kơnràñ ai mơngàn mơ đơs lah: “Mơngàn do la bơta ho bal pa tòm mhàm Añ. Tŭ lơi bol mê hùc, lơh tĕ bơta do nàng kah Añ.”

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

Galati 6:16

Dan bơta lơngap lơngai mơ bơta kòñ nđàc mù hơđang jơh ală cau lơh jat bơta sơnoa rnoas do, mơ hơđang làng bol Israel Yàng Tom Trồ dê sơl.

Yal Wơl 29:14

Añ bơtào gơs bơta ho bal do bơh dô jơnau ho nền, ò di mìng mơ bol mê la ală cau ơm ntào tềng do bal mơ bol hi tòm ngai do di đap mat Jehôwa Yàng Tom Trồ bol he dê lơm ò,

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Hebrơ 12:24

tus hơ Yàng Jesu la Bơtau Đơng Kừh bơta ho bal pa dê, tus hơ mhàm rsìh la mhàm đơs niam rlau mơ mhàm Abel dê.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

Hebrơ 7:12

Bơh gơnoar broă cau gơnoar ơn phan duh khoai neh tòmgơl rau, gen bơta boh lam kung pal tòmgơl sơl.

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.