Jeremi 31:30 - Sră Goh 2018

³⁰ Mơya kòp nă rơp chơt tài bơh bơta iơh bơsak he; dilah cau lơi sa plai ño sràt, gen cau hơ̆ pal kong kìr sề he sơl.”

Jeremi 31:30 ပူးပေါင်းရင်းမြစ်များ

II Ală Bơtau 14:6

Mơya khai ò lơh glài tơnchơt ală kòn sau cau tơnchơt cau hơ̆, tòm toh be jơnau neh cih tòm sră bơta boh lam Môise dê; tòm hơ̆ Yàng Jehôwa neh đơs lah: “Cau rơp ò tơnchơt bèp ala kòn, kung rơp ò tơnchơt kòn ala bèp; kòp nă rơp chơt bơh tồi glài is he dê.”

Sră Jop 21:20

Lòi mat tòm bol khai dê sền gŏ bơta roh rui bol khai, mơ lòi khai hùc bơta gơjrañ dờng Bơtau Gơnap Gơnoar Làm Jơh dê.

Esai 3:11

Bòl glar cau iơh bơsak in! Bơh ală bơta tê bol khai neh lơh gen rơp geh tơm wơl bol khai in.

Ejekiel 18:20

Hwềng soàn lơi tìs glài gen hwềng soàn hơ̆ rơp chơt. Kòn rơp ò kong bơta tồi glài bơh bèp khai dê, mơ bèp kung ò kong bơta tồi glài bơh kòn khai dê sơl. Bơta song ring cau song ring dê rơp geh kòp khai in, mơ bơta iơh bơsak cau iơh bơsak dê rơp cèng bơta cahrña lơh glài khai in.

Ejekiel 18:4

Bơh git lah kòp hwềng kis gơrê bal mơ Añ; hwềng soàn mè bèp kung be hwềng soàn kòn, gơrê jơh bal mơ Añ. Hwềng soàn lơi tìs glài gen hwềng soàn hơ̆ rơp chơt.

Ejekiel 3:24

Gen Yàng Hwềng mut tòm añ, yò añ ñă ntào. Kơnràñ đơs mơ añ mơ sồr lah: “Lòt tĕ mơ krơ̆ tĕ să mê tòm hìu mê dê.

Ejekiel 33:13

Bulah Añ đơs mơ cau song ring lah di ngan bol khai rơp kis, mơya dilah bol khai kơnòm di bơta song ring bol khai dê mơ tìs glài, gen ò gơs dô bơta song ring lơi bol khai dê geh kah wơl; mơya bol khai rơp chơt bơh bơta tồi glài mơ bol khai neh tìs.

Ejekiel 33:18

Tòm tŭ cau song ring pơrlac sang bơta song ring bol khai dê mơ lơh bơta iơh bơsak, gen bol khai rơp chơt bơh gơ.

Ejekiel 33:8

Dilah Añ đơs mơ cau iơh bơsak lah: ‘Ơ cau iơh bơsak, ngan mê rơp chơt!’ Mơ mê ò đơs nàng kơryan cau iơh bơsak pleh bơh ală gùng dà bol khai dê, gen cau iơh bơsak hơ̆ rơp chơt bơh tồi glài bol khai dê, mơya mhàm bol khai Añ rơp lùp di tê mê dê.

Galati 6:5

Bơh kòp nă pal àñ is ơnòng kơnjơ̆ he dê.

Yal Wơl 24:16

Ală bèp ò di kong lơh glài tơnchơt tài bơh kòn sau bol khai dê, kòn sau kung ò di gơkòl lơh glài tơnchơt tài bơh ală bèp bol khai dê; kòp nă pal kong chơt tài bơh tồi glài să tòm khai dê.

Jakơ 1:15

Chòp bơta hàm kòñ is gơ kung be bun gen deh tồi glài; dơ̆ tồi glài neh tơl dờng, gen tơnggơs bơta chơt.