Jeremi 31:23 - Sră Goh 2018

²³ Yàng Jehôwa Gơnap Gơnoar Dờng Làm Jơh la Yàng Tom Trồ Israel dê đơs be do: “Tòm tŭ añ cèng bol khai rê wơl bơh di tiah kong kup cèng pơrdô gen làng bol tòm lơgar Juda mơ tòm ală ƀòn dờng gơ dê rơp dô dơ̆ tai đơs ală jơnau do: ‘Dan Yàng Jehôwa ai lơngai mê in, Ơ tiah ơm bơta song ring, ơ mơnơm sàng goh.’

Jeremi 31:23 ပူးပေါင်းရင်းမြစ်များ

Đơs Crih 128:5

Dan Yàng Jehôwa bơh Siôn ai lơngai lơngò mê in! Dan ai mê in gŏ bơta bơtoah bơtoài Jerusalem dê jơl jơh rài kis mê dê.

Đơs Crih 129:8

Ală cau lòt gan kung ò đơs lah: “Dan Yàng Jehôwa ai lơngai lơngò mê in! Bol he ai sơnđan Yàng Jehôwa mơ ai lơngai lơngò mê in!”

Đơs Crih 134:3

Dan Yàng Jehôwa, la Bơtau crơng gơs trồ mơ tiah Bơh Siôn ai lơngai lơngò mê in.

Đơs Crih 28:9

Ơ Yàng, dan dong klàs làng bol Kơnràñ dê; mơ ai lơngai sre brê Kơnràñ dê. Dan ê gàr mơ kơnđơt kơnđu bol khai jơl sùm sùm.

Esai 1:21

Sền ne, mbe ƀòn dờng dòn song gơlik gơs be cau ùr dri! Bơh lài gơ gơs bềng bơta song ngan, bơta song ring òs ơm sùm tòm hơ̆, mơya tŭ do gơ gơs bềng ală cau tơnchơt cau!

Esai 1:26

Añ rơp bơtào wơl ală cau kwang cahrña ai dê kung be tòm ngai yau òr, bơtào wơl ală cau chài bơyai broă ai dê be tòm tŭ sơnròp. Tơnơ̆ mơ hơ̆ cau rơp sơnđan ai la Ƀòn Dờng Song Ring, la Ƀòn Dờng Dòn Song.

Esai 11:9

Gơ ò lơh jê, ò tơnroh cau lơi tòm jơh mơnơm goh Añ jê, bơh plai ù rơp bềng lìu bơta git jak bơh Yàng Jehôwa kung be dà bềng lìu dàlềng behơ̆ sơl.

Esai 32:16

Bơta song ngan rơp ơm tòm ƀlàng ngềt ngơt, bơta song ring ơm tòm sre bềng plai.

Esai 33:5

Yàng Jehôwa geh yò tơngguh bơh Kơnràñ ơm hơđang tiah jơnhoa; Kơnràñ lơh bềng lìu Siôn mơ bơta song ngan mơ song ring.

Esai 60:21

Gen jơh làng bol mê dê rơp geh song ring, mơ bol khai rơp dòp geh lơgar gam sùm sùm. Bol khai la sơmbut Añ neh tam, la broă tê Añ neh lơh gơs nàng ràng tơlik bơta gơklŏ Añ jê.

Jeremi 29:14

Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jeremi 30:18

Yàng Jehôwa đơs be do: ‘Añ rơp cèng ală sàl Jakôp rê wơl klàs bơh bơta kup cèng gơs dĭ, Añ rơp nđàc sơngit tiah ơm khai dê; Ƀòn do rơp bơt bơtào wơl hơđang tiah tơrlah tơrling gơ dê, Hìu gơlang rơp geh bơtào di tiah yau òr.

Jeremi 32:44

Cau rơp ngui khà priă blơi sre tềng hơ̆, cih sră cơng tàng tac, tap ƀang kì, cau lơh cơng, tòm lơgar Benjamin mơ gùt dar Jerusalem, tòm ală ƀòn dờng Juda mơ tòm ală ƀòn tiah mơnơm, ală ƀòn tiah ring mơ ală ƀòn tiah Negep. Bơh Añ rơp cèng ală cau kong kup cèng gơs dĭ rê wơl.’” Yàng Jehôwa đơs behơ̆.

Jeremi 50:7

Jơh ală cau lơi tìp bol gơ, gen sa loan bol gơ; ală cau sò tơm bol gơ đơs lah: ‘Bol he ò gơkòl glài, bơh bol khai neh tìs glài tòmdră mơ Yàng Jehôwa, la ƀlàng ñhơt ngan, Yàng Jehôwa la bơta gơn kơnòm ală ồng pàng bol khai dê.’

Apdia 1:17

Mơya hơđang mơnơm Siôn rơp gơs ală cau geh klàs, mơ gơ rơp la sàng goh; mơ hìu Jakôp dê rơp dòp geh sre brê bơh ală cau neh tă ai gơ.

Mice 4:1

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào hơđang tiah jơnhoa rlau jơh ală mơnơm dê, gơ rơp geh yò tơngguh hơđang ală dòr, mơ ală làng bol rơp lòt tus tềng hơ̆ kung be dà hòr.

Sacari 8:3

Yàng Jehôwa đơs be do: “Añ rơp rê wơl hơ Siôn, mơ ơm sùm digùl Jerusalem; Jerusalem rơp geh sơnđan la Ƀòn Dờng dòn song, mơ mơnơm Yàng Jehôwa Gơnap Gơnoar Dờng Làm Jơh dê rơp geh sơnđan la Mơnơm Sàng Goh.”

Rutơ 2:4

Di di tŭ hơ̆, Bôô pa tus bơh Betlehem. Khai đơs mơ ală cau toès lah: “Dan Yàng Jehôwa ơm bal mơ oh mi!” Bol khai ho lah: “Dan Yàng Jehôwa ai lơngai ồng in!”