Jeremi 31:19 - Sră Goh 2018

¹⁹ Bơh tơnơ̆ mơ tŭ añ lòt tìs nrah, añ neh gơjrañ sang glài; Tơnơ̆ mơ tŭ añ neh git wă, añ tur di ntơh añ jê. Añ neh kong ƀàssìl ƀàsso mơ sền òsơp, Añ kong sền òsơp bơh pah rài kơnòm să añ jê.’

Jeremi 31:19 ပူးပေါင်းရင်းမြစ်များ

Ejra 9:6

mơ hòi dan lah: “Ơ Yàng Tom Trồ añ, añ ƀàssìl oă ngan mơ tơnggòr mat hơ Kơnràñ; ơ Yàng Tom Trồ añ jê, bơh bơta tồi glài bol hi dê neh gơguh jòng rlau mơ bồ bol hi dê, mơ bơta tìs glài bol hi dê neh guh tus hơđang ală tap trồ.

Sră Jop 13:26

Bơh Yàng neh cih ală bơta sràt bơtang tòmdră mơ añ Mơ lơh añ in toès ală bơta tồi glài añ neh tìs tŭ gam kơnòm să.

Sră Jop 20:11

Să jan bol khai dê bềng bơta pràn kơldang be gam pơnu. Rơp bic tòm thul ơmul bal mơ bol khai.

Đơs Crih 119:67

Lài mơ tŭ añ pơndêt să, añ neh lòt tìs nrah; mơya tŭ do añ prap gàr jơnau Kơnràñ dê.

Đơs Crih 25:7

Dan bañ kah ală tồi glài añ tìs tòm tŭ kơnòm să, hala ală bơta tìs añ jê: Ơ Yàng Jehôwa, dan kah añ jat be bơta kòñ gơboh kơ̆ dơn mơ nùs niam Kơnràñ dê.

Esai 54:4

Bañ rngòt, bơh ai rơp ò kòl ƀàssìl. Bañ ruc wơl bơh ai rơp ò gơkòl sền òsơp; Ai rơp hŭi bơta ƀàssìl tŭ ai gam ơruh, mơ ò tai kah bơta sền òsơp tòm tŭ ai ơm bơnrau.

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 32:30

Mơ tai, kòn sau Israel mơ kòn sau Juda, bơh tŭ gam kơnòm să, mìng lơh bơta iơh bơsak di đap Añ; bơh kòn sau Israel mìng ai broă lơh tê he mơ bơrcek Añ gơjrañ, Yàng Jehôwa đơs behơ̆.

Ejekiel 21:12

Ơ kòn mơnus, driau nggà tĕ mơ ñìm rac, bơh hơ̆ la bơta tòmdră mơ làng bol Añ jê, tòmdră mơ jơh ală cau kwang at bồ Israel dê, bol khai kòl jào phi đào in bal mơ làng bol Añ jê. Behơ̆ tàng, tur tĕ ntơh bol mê dê!

Ejekiel 21:17

Añ kung rơp tàp tê, Añ rơp lơh hừh bơta gơjrañ dờng Añ jê. Să tòm Añ la Yàng Jehôwa đơs behơ̆.”

Ejekiel 23:3

Bol khai lơh dri tòm Ejiptơ, lơh dri bơh tŭ gam ơruh. Tềng hơ̆, toh bol khai neh cau at mơ hìu kòn bol khai dê neh cau git.

Ejekiel 36:26

Añ rơp ai bol mê in dô nơm nùs pa, mơ ơn dô nơm hwềng pa tòm bol mê; Añ rơp tă nùs mơ lŭ bơh di bol mê, mơ ai bol mê in nùs mơ poac.

Ejekiel 36:31

Gen bol mê rơp kah wơl ală gùng dà iơh mơ ală broă lơh bơsak bol mê dê, mơ bol mê rơp cù kìr di să tòm bol mê bơh ală tồi glài mơ broă lơh iơh rmơh bol mê dê.’

Ejekiel 6:9

Tòm bol mê la ală cau geh klàs hơ̆ rơp kah wơl Añ digùl ală làng bol mơ bol khai neh kong kup cèng, mbe lơi Añ neh jê sồt moat jrùng bơh nùs bơrsèl tơnhial bol khai dê, neh pơrlac sang bơh Añ, mơ bơh gar mat bơrsèl tơnhial bol khai dê, neh wèt hơ ală rùp ràk bol khai dê. Gen bol khai rơp cù kìr di să tòm he bơh ală bơta tồi glài iơh bơsak mơ bol khai neh tìs. Bơh jơh ală broă ngkòr ngkàc mơ bol khai neh lơh.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Luka 15:30

Mơya dơ̆ kòn bèp dê ne, la cau neh sa loan phan mơna bèp dê bal mơ ală cau ùr dri tơlàr mơ rê wơl, gen bèp bơh khai mơ lơh poac kơnrồ kòn lơmă!’

Luka 18:13

Ai cau dar dia ơm ngài ngài, ò khin tơnggòr mat hơđang trồ, tur ntơh he mơ đơs lah: ‘Khoai Yàng Tom Trồ, dan nđàc sơngit di añ la cau glài.’

Rôma 6:21

Behơ̆ ală broă oh mi neh lơh lài òr gen ñchi cồng nha geh taih? Mơ tŭ do lơh oh mi in ƀàssìl, lồi dut ală broă hơ̆ dê la bơta chơt.

Yal Wơl 30:2

mơ rê wơl hơ Jehôwa Yàng Tom Trồ bol mê dê, bol mê mơ ală kòn sau bol mê dê dòn bơr Kơnràñ jơh nùs jơh hwềng soàn, jat be kòp bơta añ neh sồr bol mê tòm ngai do,

II Timôthe 2:25

ai bơta niam lơnhơn nàng bơto pơniam wơl ală cau jak pơrlơ̆ dră. Kơp kòñ Yàng Tom Trồ rơp ai bol khai in bơta gơjrañ sang glài nàng git wă jơnau song,