Jeremi 31:18 - Sră Goh 2018

¹⁸ Ngan, Añ neh kơno Epraim ñìm rac: ‘Kơnràñ lơh glài tơmàl añ, añ kong bơta lơh glài; Kung be dô nơm kơnrồ dam òhềt tui yô. Cèng brê tĕ añ, lòi añ in rê wơl, Bơh Kơnràñ la Jehôwa Yàng Tom Trồ añ jê!

Jeremi 31:18 ပူးပေါင်းရင်းမြစ်များ

Sră Jop 5:17

Lơngai cau lơi in geh Yàng Tom Trồ lah pơrhơng. Gen tàng bañ sền òsơp bơta lơh glài tơmàl Bơtau Gơnoar Dờng Làm Jơh dê,

Đơs Crih 118:18

Yàng Jehôwa neh lơh glài tơmàl añ dô bă kràñ cê, Mơya ò lòi añ tus hơ bơta chơt.

Đơs Crih 119:67

Lài mơ tŭ añ pơndêt să, añ neh lòt tìs nrah; mơya tŭ do añ prap gàr jơnau Kơnràñ dê.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Đơs Crih 31:15

Tŭ tơngai rài kis añ jê gơ ơm tòm tê Kơnràñ; Dan dong añ klàs bơh di tê cau sò tơm mơ cau kup kơryan añ.

Đơs Crih 32:9

Bañ lơh be ơseh hala alàng, la phan ò git jak, la ală cau pal ngui kèp mơ che sồng rgơi at bồ gơ, Dilah ò gen bol gơ ò ơm rềp mơ mê.

Đơs Crih 80:19

Ơ Jehôwa Yàng Tom Trồ Gơnap Gơnoar Dờng Làm Jơh dê, dan bơtào tơngguh wơl bol hi, Dan lơh àng gơcrà mat Yàng dê, nàng bol hi in geh dong klàs.

Đơs Crih 80:3

Ơ Yàng Tom Trồ, dan bơtào tơngguh wơl bol hi, Dan lơh àng gơcrà muh mat Yàng dê, gen bol hi rgơi geh dong klàs.

Đơs Crih 80:7

Ơ Yàng Tom Trồ Gơnap Gơnoar Làm Jơh dê, dan bơtào tơngguh bol hi wơl, Lòi àng gơcrà muh mat Yàng dê, nàng bol hi in geh dong klàs.

Đơs Crih 85:4

Ơ Yàng Tom Trồ la Bơtau dong klàs bol hi, dan bơtào wơl bol hi, Mơ tă sang bơta gơhào nùs Kơnràñ dê gơwèt mơ bol hi.

Đơs Crih 94:12

Ơ Yàng Jehôwa, lơngai cau lơi in geh Kơnràñ lơh glài tơmàl, Mơ geh Kơnràñ bơto bơta boh lam Kơnràñ dê.

Jơnau Pơnđik 26:3

Gai pù ngui ơseh in, che kèp ngui alàng in, ai gai mơng prap lòi ngkòi cau tùl gơla in.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Jơnau Pơnđik 3:11

Ơ kòn añ jê, bañ sền òsơp di bơta lơh glài tơmàl Yàng Jehôwa dê, Bañ gơplơ̆ nùs tòm tŭ Kơnràñ lah pơrhơng.

Esai 1:5

Ñchi bơh tài bol mê jòi bơta pù ơlih rlau tai taih? Ñchi bơh tài bol mê kư̆ gam tòmdră sùm taih? Jơh dô nơm bồ kòp jê, jơh dô nơm nùs jê sồt.

Esai 51:20

Ală kòn bol mê dê òsô mơ bol khai gơpừ chơt yơh di bồ ală gùng me, be be brê gơkòl yar tòm bơtơng. Bol khai bềng bơta gơjrañ dờng Yàng Jehôwa dê mơ bơta lah pơrhơng Yàng Tom Trồ bol mê dê.

Esai 53:7

Kơnràñ neh kong rồn bơklơn mơ neh kong pơnjê pơngkồr, bulah behơ̆ Kơnràñ neh ò pò bơr Kơnràñ dê; Kơnràñ neh kong tề kung be dô nơm belàt kòn tus hơ tiah lơh poac, kung be dô nơm belàt ơm mŏ mŏ di đap cau siat sơnò gơ, Kơnràñ neh ò pò bơr Kơnràñ dê.

Esai 63:16

Bơh Kơnràñ la Bèp bol hi dê, bulah Abraham ò git bol hi, Israel ò đal git bol hi; Ơ Yàng Jehôwa, Kơnràñ la Bèp bol hi dê, Sơnđan Kơnràñ la Bơtau Dong Tơwài bol hi dê bơh yau òr.

Esai 9:13

Mơya làng bol ò rê wơl hơ Bơtau neh lơh glài bol khai, bol khai kung ò jòi Yàng Jehôwa Gơnap Gơnoar Dờng.

Jeremi 17:14

Khoai Yàng Jehôwa! Dan Kơnràñ sơm añ gen añ rơp geh bòi; Dan Kơnràñ dong añ gen añ rơp geh dong klàs; Bơh Kơnràñ la bơta jòng ro añ jê.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 31:6

Rơp gơs dô ngai, tòm tŭ ală cau kơp gàr rơp hòi Hơđang ƀòn dờng kơh mơnơm Epraim lah: ‘Tus tĕ, bol he lòt tĕ hơđang mơnơm Siôn, Tus hơ Jehôwa Yàng Tom Trồ bol he dê!’”

Jeremi 31:9

Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Ñìm Rac 5:21

Khoai Yàng Jehôwa, dan bơtào bol hi wơl hơ să tòm Kơnràñ, gen bol hi rơp geh bơtào wơl, Lơh pa wơl ală ngai bol hi dê kung be yau òr!

Ejekiel 20:43

Tềng hơ̆ bol mê rơp kah wơl bơta lơh lòt bal mơ jơh ală broă bơh hơ̆ bol mê neh lơh să tòm he in gơlik gơs ƀơ̆ ƀơl; mơ bol mê rơp cù kìr să tòm he bơh jơh ală bơta iơh mơ bol mê neh lơh.

Daniel 9:13

Jơh ală bơta rung rài do neh tuh hơđang bol hi tòm toh be neh cih tòm bơta boh lam Môise dê. Bulah behơ̆ bol hi kung ò rac dan bơta nđàc Jehôwa Yàng Tom Trồ bol hi dê, pơrlac sang bơh bơta iơh bơsak bol hi dê, mơ ơn nùs kơlôi dê bơta dòn song Kơnràñ dê.

Sră Ôse 10:11

Epraim la kung be dô nơm kơnrồ dra jak dòn bơr, kòñ pơrjòt kòi; mơ Añ rơp rcang lòi ngko lơmă gơ dê. Mơya Añ rơp ơn ngal Epraim dê; Juda pal lơòr ù, mơ Jakôp pal pŏ ù.

Sră Ôse 4:16

Bơh Israel kơldang bồ kung be dô nơm kơnrồ dra kơldang bồ, gen mbe Yàng Jehôwa rgơi ròng siam bol khai kung be belàt kòn tòm ƀlàng ñhơt taih?

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Jôna 3:10

Tòm tŭ Yàng Tom Trồ gŏ bơta bol khai neh lơh, mbe bol khai neh pơrlac sang ală gùng iơh bơsak bol khai dê, Yàng Tom Trồ tòmgơl nùs bơh bơta rung rài mơ Kơnràñ neh đơs rơp tơndùh hơđang bol khai, mơ Kơnràñ neh ò lơh bơta hơ̆.

Sôphôni 3:2

Gơ neh ò iat sap đơs lơi, gơ neh ò dòp bơta lơh niam wơl. Gơ neh ò dòn kơnòm di Yàng Jehôwa, gơ neh ò tus rềp mơ Yàng Tom Trồ gơ dê.

Malaci 3:16

Tòm tŭ ală cau duh rngòt di Yàng Jehôwa tòmbơhbơr bal gen Yàng Jehôwa ơm iat mơ kơno. Dô pồt sră cih prap wơl neh geh cih di đap Kơnràñ bơh ală cau duh rngòt Yàng Jehôwa mơ duh rngòt di sơnđan Kơnràñ dê.

Malaci 4:6

Khai rơp pơrlac nùs ală mè bèp wèt wơl mơ kòn sau bol khai dê, mơ nùs ală kòn sau wèt wơl mơ mè bèp bol khai dê; nàng Añ rơp ò tus ai bơta srat sơntơm mơ lơh glài lơgar do.”

Khà Làng Bol 2:18

Đah mattơngai mut rơp gơs ală mpồl sàl Epraim dê hơđơm bồng bi bol khai dê. Cau at bồ làng bol Epraim la Elisama kòn klau Ammihut.

Luka 1:17

Khai rơp ai hwềng nùs mơ gơnap gơnoar Eli dê mơ lòt di đap Yàng, lơh nùs mè bèp rê wơl mơ kòn sau, cau ò dòn jơnau jat wơl bơta jak chài cau song ring dê, nàng rcang Yàng in dô làng bol rcang sir.”

Luka 15:20

Chòp khai ñă ntào mơ rê wơl hơ bèp khai dê. Tòm tŭ gam ơm ngài, bèp gŏ khai gen gơs nùs nđàc sơngit, ntoat tus koar di ngko mơ cum.

Broă 3:26

Behơ̆ Yàng Tom Trồ neh sac rwah Cau Duh Broă Kơnràñ dê, mơ sồr Khai lòt tus ai lơngai ală oh mi in sơnròp ngan, mơ lơh kòp nă cau in tòm ală oh mi pơrlac sang bơta tồi glài iơh bơsak he dê.”

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Hebrơ 12:5

mơ oh mi neh hŭi jơnau bơto tơngkah kung be bơto tơngkah kòn lah: “Ơ kòn, bañ sền òsơp di bơta lơh glài tơmàl Yàng dê, Mơ bañ gơplơ̆ nùs tòm tŭ Kơnràñ lah pơrhơng;

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.