Jeremi 31:17 - Sră Goh 2018

¹⁷ Yàng Jehôwa đơs lah: “Behơ̆ rơp gơs bơta gơn kơnòm tòm tơngai tơnơ̆ bol mê dê; Kòn sau bol mê rơp rê wơl hơ lơgar tòm bol khai dê.

Jeremi 31:17 ပူးပေါင်းရင်းမြစ်များ

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Ñìm Rac 3:18

Gen añ đơs lah: “Bơta gơklŏ añ jê jơh rau, hơ̆ la jơh ală bơta añ neh gơn kơnòm bơh Yàng Jehôwa.”

Ñìm Rac 3:21

Mơya tòm tŭ añ kah wơl bơta hơ̆, gen tàng añ gơs bơta gơn kơnòm:

Ñìm Rac 3:26

Hơ̆ la niam cau in ơm mŏ mŏ kơp gơn bơta dong klàs Yàng Jehôwa dê.

Ñìm Rac 3:29

Ơn tĕ bơr khai tòm thul ơmul! Digơlan gam đau bơta gơn kơnòm.

Ejekiel 37:21

mơ đơs mơ bol khai lah: Jehôwa Yàng Tom Trồ đơs be do: ‘Añ rơp tă tơlik kòn sau Israel bơh digùl ală lơgar mơ bol khai neh lòt tus. Añ rơp pơjum tơrgòm bol khai bơh di jơh ală tiah gùt dar, mơ cèng bol khai rê wơl tòm lơgar tòm bol khai dê.

Ejekiel 37:25

Bol khai rơp ơm tòm lơgar mơ Añ neh ai cau duh broă Añ jê la Jakôp, la lơgar mơ ồng pàng bol mê neh ơm. Bol khai, kòn sau bol khai, mơ kòn sau kòn sau bol khai dê rơp ơm tềng hơ̆ jơl sùm sùm; cau duh broă Añ jê la Dabit rơp gơs bơtau bol khai dê jơl sùm sùm.

Ejekiel 39:28

Gen bol khai rơp git Añ la Jehôwa Yàng Tom Trồ bol khai dê, tài bơh Añ neh cèng pơrdô bol khai tơmut digùl ală lơgar, mơ Añ rơp pơjum tơrgòm bol khai tòm lơgar tòm bol khai dê. Añ rơp ò sang lòi dô nă cau lơi tòm bol khai bơh ngkòi.

Sră Ôse 2:15

Añ rơp jào wơl ală suơn ño khai in, mơ rơp lơh thòng Akôr gơlik gơs dô nơm mpồng gơn kơnòm. Tềng hơ̆ khai rơp đơs chò kung be tòm ngai khai gam kơnòm să, mơ kung be tòm ngai khai lik klàs bơh lơgar Ejiptơ.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sacari 9:12

Ơ ală cau ơm jàm gơs bơta gơn kơnòm, rê wơl tĕ hơ theng kơ̆ cê bol mê dê; ngai do Añ yal tơnggit lah Añ rơp rcang ai wơl mê in bàr dơ̆ rlau.

Mathiơ 24:22

Dilah ală ngai hơ̆ ò gơtơnhuc, gen ò gơs kòn mơnus lơi geh dong klàs; mơya tài bơh ală cau geh sac rwah gen ală ngai hơ̆ rơp gơtơnhuc.