Jeremi 30:15 - Sră Goh 2018

¹⁵ Ñchi bơh tài mê driau nggà bơh tềl sồt mê? Bơta jê sồt mê ò rgơi sơm. Hơ̆ la tài bơh bơta tìs glài mê dờng ngan, Tồi glài mê oă ngan, Gen Añ neh lơh ală bơta do mê in.

Jeremi 30:15 ပူးပေါင်းရင်းမြစ်များ

Ejra 9:13

Tơnơ̆ mơ jơh ală bơta neh tus hơđang bol hi la bơh ală broă iơh bơsak bol hi neh lơh mơ tồi glài dờng bol hi dê; bulah behơ̆, ơ Yàng Tom Trồ bol hi dê, Kơnràñ ò lơh glài bol hi dô bă kơnjơ̆ di pal mơ tồi glài bol hi dê, mơ neh lòi bol hi in dô pơnah làng bol gam wơl be do.

Sră Jop 34:29

Mơya dilah Kơnràñ ơm mŏ mŏ, ñcau rgơi lơh nền glài Kơnràñ taih? Dilah Kơnràñ pồn mat, ñcau rgơi gŏ Kơnràñ taih? Bulah dô nơm làng bol hala dô nă is cau dê,

Sră Jop 34:6

Tòm bơta gơhào nùs bulah añ song ring, añ gơkòl kòp be dô nă cau đơs blac; tềl sồt añ jê ò rgơi sơmbòi, bulah añ ò tìs glài.’

Đơs Crih 107:17

Cau ƀà gơlik kòp jê tài bơh ală gùng dà tồi glài bol khai dê, Mơ kong jê sồt bòl glar tài bơh bơta tồi glài iơh bơsak bol khai dê.

Esai 1:6

Bơh kơndòl jơng jơl tus di bồ, ò gơs tiah lơi gam niam, mìng gơs tềl sồt, tềl brơp, mơ tềl sồt mhàm ur pù lơh, òhềt rañ, hala pồt sơm, hala bong mơñà nàng geh rài bơta jê sồt.

Esai 5:2

Khai tò ù mơ tă sang jơh ală lŭ, mơ tam tềng hơ̆ ală tòm ño niam rlau jơh. Khai bơt dô nơm theng kơp gàr tòm hơ̆, mơ tò dô nơm trồm pat ño tòm hơ̆. Gen khai kơp gơn gơlik oă plai ño niam, mơya gơ gơlik plai ño brê.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 15:18

Ñchi bơh tài bơta jê sồt añ jê ò dơh? Bơta sồt rmàñ añ jê ò rgơi sơm, mơ gơ ò bài bòi? Kơnràñ gơwèt mơ añ kung be dô nơm croh dà ma blac, dô nơm hiòng soat dà ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 30:12

Yàng Jehôwa đơs be do: ‘Tềl sồt mê ò geh sơm, Sồt rmàñ mê kơnjơ̆ ngan.

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 30:16

Gen tàng ală cau loan mê rơp kong loan; Jơh ală cau sò tơm mê, kòp nă rơp kong kup cèng gơs dĭ; Ală cau phà kơñau bol mê rơp kong phà kơñau, Ai ală cau ơn dòm mê, Añ kung rơp lơh khai in kong ơn dòm.’

Jeremi 30:17

Yàng Jehôwa đơs: ‘Añ rơp ai wơl bơta pràn mê in, Mơ tềl sồt mê dê Añ rơp sơm, Bơh bol khai neh sơnđan mê la cau kong sang lòi: “Hơ̆ la Siôn, ò gơs cau lơi wèt sền tai!”’

Jeremi 46:11

Ơ ală ơruh òhềt bau, kòn ùr Ejiptơ dê! Guh tĕ hơ Galaat, mơ ai kơlhô; Bol ai ngui oă sơnơm kung ò kwơ, Ò geh sơmbòi bol ai in ò!

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Ñìm Rac 1:5

Cau tòmdră khai dê gơlik gơs cau tòm, cau sò tơm khai dê gơlik cau pas gơs; Tài bơh Yàng Jehôwa lơh khai in bòl glar, bơh tồi glài khai dê gơbơtơl oă. Ală kòn dềt khai dê neh lòt tiah ngài, gơkòl kup cèng di đap cau sò tơm.

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Ñìm Rac 3:39

Ñchi bơh tài cau gam tă nhơm yoam pơrhiat bơh kong lơh glài bơh tồi glài he taih?

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Mice 1:9

Bơh tềl sồt khai dê ò rgơi sơmbòi; gơ rơp sa rề tus di Juda. Gơ neh tus di mpồng ƀòn dờng làng bol añ jê, tus hơ Jerusalem.

Mice 7:9

Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.

Nahum 3:19

Ò gơs sơnơm lơi rgơi sơm tềl sồt mê dê, tềl sồt mê dê rơp lơh mê in chơt. Kòp nă cau lơi kơno jơnau yal bơh mê gen tàp tê khai dê bơh mê, bơh ñcau rgơi pleh klàs bơh bơta iơh bơsak ò git lồi mê dê taih?