Jeremi 29:23 - Sră Goh 2018

²³ Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Jeremi 29:23 ပူးပေါင်းရင်းမြစ်များ

Sơnròp Gơlik Gơs 31:50

Dilah mê lơh iơh di ală kòn ùr añ mơ mê jòi bau ndai, gen kơrhia tĕ, ò di la cau òs cahrña he ò, mơya hơ̆ la Yàng Tom Trồ lơh cơng digùl añ mơ mê.”

Sơnròp Gơlik Gơs 34:7

Ală kòn klau Jakôp rê bơh tòm ƀlàng. Dơ̆ bol khai neh kơno bơh broă hơ̆ gen jê nùs mơ gơjrañ ngan, bơh broă iơh rmơh Sicem neh lơh cau Israel in, bic mơ kòn ơruh Jakôp dê la broă ò di lơh.

II Samuel 13:12

Khai đơs lah: “Bañ lơh behơ̆, ơ bi añ jê! Bañ bơklơn añ. Bơta do òhềt tŭ lơi gơs tòm Israel! Bañ lơh bơta iơh rmơh behơ̆.

Jơnau Pơnđik 5:21

Bơh ală gùng dà kòn mơnus dê ơm di đap mat Yàng Jehôwa, Mơ Kơnràñ sền sơwì jơh ală gùng lòt bol khai dê.

Jeremi 13:27

Añ neh gŏ ală bơta cù kìr ai dê, Hơ̆ la bơta rềs àr bơrnàn, mơ jơnau hòi tòmjà dri tơlàr be ơseh, mơ bơta dri tơlàr ò git ƀàssìl ai dê, hơđang ală dòr di gah ală ƀlàng sre. Ơ Jerusalem, bòl glar ngan ai in! Ai ò bài lơh goh să ai tus di tŭ lơi taih?

Jeremi 16:17

Bơh mat Añ sền sơwì kòp gùng dà bol khai dê, ală broă hơ̆ ò geh pồn bơh di mat Añ, tồi glài bol khai ò geh pồn ndơp bơh mat Añ.

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Jeremi 23:16

Yàng Jehôwa Gơnap Gơnoar dờng đơs be do: “Bañ iat ală jơnau ală cau gơnoar hwơr hơ̆ đơs hwơr mơ bol mê. Bol khai bơto bol mê in ală bơta gơn kơnòm ò kwơ, Mơ đơs bơta gơtơnggŏ bơh nùs is bol khai dê, ò di bơh bơr Yàng Jehôwa.

Jeremi 23:21

Añ òhềt sồr ală cau gơnoar hwơr do, Mơ bol khai neh ntoat; Añ òhềt đơs mơ bol khai, Mơya bol khai neh đơs hwơr.

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Jeremi 29:21

“Yàng Jehôwa Gơnap Gơnoar, Yàng Tom Trồ Israel dê, đơs be do bơh Ahap, kòn klau Kôlayah, mơ Jedekia, kòn klau Maaseyah, la ală cau ai sơnđan Añ đơs hwơr ma blac: ‘Añ rơp phi bol khai tòm tê Nebukatnessar, bơtau Babilôn, khai rơp tơnchơt bol khai di đap mat bol mê.’

Jeremi 29:31

“Sồr yal tĕ ală bơta do kòp nă cau kong kup cèng ngài bơh lơgar in git lah: Yàng Jehôwa đơs bơh Semaya ơm tòm Nehelam be do: ‘Bơh Semaya neh đơs hwơr bol mê in, mơ Añ òhềt tŭ lơi sồr khai, mơ khai neh lơh bol mê in kơnòm di bơta ma blac,’

Jeremi 5:8

Bol khai kung be dô nơm ơseh ròng lơmă pràn kơldang, Kòp nă hòi be ơseh jat bau ùr cau gơp ƀòn he dê.

Jeremi 7:11

Behơ̆ hìu do, la tiah geh tơmoh bơh sơnđan Añ, gơlik gơs trồm cau ntung kơñau di đap bol mê ơ? Bol mê git, să tòm Añ neh sền gŏ ală bơta hơ̆,’ Yàng Jehôwa đơs behơ̆.

Ejekiel 35:13

Mê neh ngui bơr nàng jòng să tòmdră mơ Añ, mơ neh đơs oă jơnau tòmdră mơ Añ, mơ Añ neh kơno gơ.’

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Malaci 2:14

Bol mê lùp lah: “Ñchi bơh tài behơ̆ taih?” Hơ̆ la tài bơh Yàng Jehôwa gơs kung be cau lơh cơng digùl mê mơ bau ùr mê neh bau bơh tŭ mê gam pơnu, bơh mê ò dòn song mơ khai, bulah khai la cau bơyô mê dê, la bau ùr bơta ho bal mê dê.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Ală Kwang Cahrña 11:10

Ală cau kwang kra Galaat ho wơl lah: “Yàng Jehôwa rơp lơh cơng digùl bol he, bol hi rơp lơh ngan be mê đơs.”