Jeremi 29:13 - Sră Goh 2018

¹³ Tòm tŭ bol mê jòi Añ, bol mê rơp bàn Añ, dilah bol mê jòi Añ jơh nùs.”

Jeremi 29:13 ပူးပေါင်းရင်းမြစ်များ

I Ală Bơtau 2:4

gen Yàng Jehôwa rơp lơh gơlik gơs jơnau Kơnràñ neh ho mơ añ lah: ‘Dilah ală kòn sau mê dê git kơrhia tòm gùng dà bol khai dê, dilah bol khai jơh nùs jơh hwềng lơh lòt dô bă dòn song di đap Añ, gen mê rơp ò siơ̆u dô nă cau pơrdòn hơđang sơbàn Israel dê.’

II Ală Bơtau 23:3

Bơtau ñă di gah jrong mơ bơtào bơta ho bal di đap Yàng Jehôwa, lòt jat Yàng Jehôwa, jơh nùs jơh hwềng soàn prap gàr ală bơta boh lam, bơta lơh nền, mơ bơta sồr lam Kơnràñ dê, mơ lơh wil tơl jơnau ho bal neh cih tòm sră do. Jơh làng bol geh dô nùs bal bơh jơnau ho pơgon hơ̆.

I Yal Yau 22:19

Tŭ do, ơn tĕ nùs nhơm mơ hwềng soàn bol mê dê nàng jòi jat Jehôwa Yàng Tom Trồ bol mê dê. Lòt tĕ bơt hìu sàng goh Jehôwa Yàng Tom Trồ dê, tồ Đài Ho Bal Yàng Jehôwa dê mơ ală phan sàng goh Yàng Tom Trồ dê geh cèng tơmut tòm dô nơm hìu neh bơt sơnđan Yàng Jehôwa in.”

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 22:9

Lồc behơ̆ khai lòt jòi Acasia, mơ ală cau khai dê neh kup tòm tŭ khai pồn să tòm Samari. Cau cèng khai tus hơ Jehu mơ tơnchơt khai. Bol khai tơp khai bơh bol khai đơs lah: “Khai la dô nă sau klau Jehôsaphat dê la cau neh jơh nùs jòi jat Yàng Jehôwa.” Behơ̆ ò gam dô nă cau lơi tòm hìu Acasia dê rgơi at bồ lơgar.

II Yal Yau 31:21

Tòm jơh ală broă khai neh lơh, bơh bơta duh broă tòm hìu duh khoai Yàng Tom Trồ dê mơ tòm bơta lơh jat bơta boh lam mơ ală jơnau gơnoar sồr, khai jòi jat Yàng Tom Trồ khai dê mơ lơh broă jơh nùs. Mơ behơ̆ khai geh bơtoah bơtoài.

Đơs Crih 119:10

Añ jơh nùs jòi jat Yàng; Dan Yàng bañ lòi añ tìs nrah ngài bơh ală bơta sồr lam Kơnràñ dê.

Đơs Crih 119:145

Añ jơh nùs hòi dan mơ Kơnràñ; ơ Yàng Jehôwa, dan ho wơl añ in! Añ rơp prap gàr jơnau sồr Kơnràñ dê.

Đơs Crih 119:2

Lơngai ală cau in prap gàr ală jơnau sồr kràñ cê Kơnràñ dê, Hơ̆ la cau jơh nùs jòi jat Kơnràñ.

Đơs Crih 119:58

Añ jơh nùs hòi dan bơta nđàc Yàng dê, Dan nđàc di añ jat be jơnau ho pơgon Kơnràñ dê,

Đơs Crih 119:69

Cau pơnhừ să ai jơnau đơs blac lơh iơh di añ, Mơya añ jơh nùs prap gàr jơnau sồr Kơnràñ dê.

Đơs Crih 145:18

Yàng Jehôwa ơm rềp mơ jơh ală cau hòi dan di Kơnràñ, Hơ̆ la ală cau ai bơta song ngan mơ hòi dan di Kơnràñ,

Đơs Crih 32:6

Bơh bơta hơ̆ lòi ală cau lơi dòn song ơn bơta hòi dan mơ Yàng tòm tŭ gơlòng bol glar, Tòm tŭ gơs dà kŏ gen gơ rơp ò tus di bol khai.

Đơs Crih 91:15

Tòm tŭ khai hòi dan di Añ, gen Añ rơp dòp jơnau khai dê; Añ rơp ơm bal mơ khai tòm tŭ khai tìp bơta bòl glar, Añ rơp dong tă khai mơ lơh khai in geh jòng ro.

Esai 45:19

Añ neh ò đơs ndơp ndơr, tòm dô nơm lơgar klam jơngo. Añ ò di neh đơs mơ jơi bơtiàn Jakôp lah: ‘Bol mê jòi Añ la ò kwơ.’ Añ la Yàng Jehôwa, đơs jơnau song, bơto yal jơnau di.”

Esai 65:10

Sarôn rơp gơlik gơs dô nơm ƀlàng ñhơt ală mpồl belàt in, mơ thòng Akôr la tiah ơm rlô ală mpồl phan poan jơng in, mơ làng bol Añ in la cau jòi jat Añ.

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Jeremi 50:4

Yàng Jehôwa đơs: “Tòm ală ngai hơ̆ mơ tòm tŭ hơ̆, làng bol Israel mơ làng bol Juda dô bă bal rê wơl, lòt ndang ñìm ndang, jòi jat Jehôwa Yàng Tom Trồ bol khai dê.

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Mathiơ 7:7

“Dan tĕ, rơp ai; jòi tĕ, rơp bàn; teh tĕ, rơp geh pò bol mê in.

Broă 8:36

Tòm tŭ bàr nă bol khai lòt rò gùng, tus di tiah gơs dà, gen cau kwang kơndời hơ̆ đơs lah: “Do gơs dà do, gơs bơta lơi kơryan añ gơs ƀaptem sơl?” [