Jeremi 25:7 - Sră Goh 2018

⁷ Yàng Jehôwa đơs: ‘Mơya bol mê ò iat Añ, mơ ai broă lơh bơh tê bol mê bơrcek Añ gơjrañ, mơ toès wơl bơta rung rài he in.’

Jeremi 25:7 ပူးပေါင်းရင်းမြစ်များ

II Ală Bơtau 17:17

Bol Khai cèng ală kòn ùr kòn klau chu tòm ồs nàng duh khoai rùp ràk, bol khai òs juh proh, hòi hwềng, sền dà, bol khai tac să bol khai tòm bơta lơh iơh di đap Yàng Jehôwa, nàng bơrcek Kơnràñ gơjrañ.

II Ală Bơtau 21:15

bơh bol khai lơh ală bơta iơh di đap Añ, bơrcek bơta gơjrañ Añ, bơh ngai ồng pàng bol khai lik bơh lơgar Ejiptơ jơl tus ngai do.’”

II Yal Yau 24:19

Bulah Yàng Jehôwa sồr ală cau gơnoar hwơr lòt tus hơ làng bol nàng cèng bol khai rê wơl hơ Kơnràñ, mơ bulah bol khai lơh cơng tòmdră mơ làng bol, mơya làng bol ò bài iat.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Jơnau Pơnđik 8:36

Mơya cau lơi hŭi añ, lơh iơh is di hwềng soàn bol khai dê; Ai cau lơi gơjrañ añ, ngan kòñ gơboh bơta chơt.”

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 25:8

Behơ̆ gen, Yàng Jehôwa Gơnap Gơnoar đơs be do: ‘Tài bơh bol mê ò bài iat jơnau Añ,

Jeremi 29:19

Yàng Jehôwa đơs: “Hơ̆ la tài bơh bol khai ò iat jơnau Añ, tŭ Añ neh kong ơt mơ sồr dĭ gơna Añ, la ală cau gơnoar hwơr, ai jơnau hơ̆ lòt tus mơ bol khai; mơya bol mê ò bài iat,” Yàng Jehôwa đơs behơ̆.

Jeremi 44:7

Tŭ do Jehôwa, Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Ñchi bơh tài bol mê lơh bơta iơh dờng behơ̆ tòmdră mơ bơta kis să tòm bol mê, tian gơs ală cau klau, cau ùr, cau kòn, kòn dềt gam pô, kong tơnroh bơh digùl Juda ò gam wơl dô êt lơi;

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Sacari 1:4

Bañ lơh kung be ồng pàng bol mê dê la cau mơ ală cau gơnoar hwơr tòm rài yau neh yal tơnggit bol khai in lah: Yàng Jehôwa Gơnap Gơnoar Dờng Làm Jơh đơs be do: ‘Pơrlac sang tĕ bơh di gùng iơh mơ bơh broă lơh iơh bol mê dê.’ Mơya bol khai ò bài iat, mơ kung ò ơn nùs tồr iat Añ, Yàng Jehôwa đơs behơ̆.

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.