Jeremi 25:31 - Sră Goh 2018

³¹ Jơnau nggồr rơp tus làm plai ù; bơh Yàng Jehôwa lơh nền glài tòmdră mơ ală lơgar, Bơh Yàng Jehôwa cahrña jơh ală poac să, mơ ală cau tìs glài Kơnràñ phi pềs tà in.’ Yàng Jehôwa đơs behơ̆.

Jeremi 25:31 ပူးပေါင်းရင်းမြစ်များ

Esai 33:3

Kơno sap nggồr nggàc, ală làng bol dô pồn: di đap bơta ryŭ ryơm Kơnràñ dê, ală lơgar nrah nring.

Esai 34:2

Bơh Yàng Jehôwa gơhào nùs tòmdră mơ ală lơgar; bơta gơjrañ dờng Kơnràñ dê tòmdră mơ jơh ală mpồl ling bol khai dê; Kơnràñ lơh bol khai in gơkòl tơnroh, Kơnràñ rơp jào bol khai tòm bơta hàl tơnchơt.

Esai 34:8

Bơh Yàng Jehôwa neh gơs dô ngai nàng sal tê, gơs dô nam nàng lơh cơng bơh bơta gơrềng tus di Siôn.

Esai 66:16

Yàng Jehôwa rơp ai ồs lơh gơs bơta cahrña Kơnràñ dê; mơ đào hơđang jơh ală poac să, mơ oă ngan cau rơp kong sreh tơnchơt bơh Yàng Jehôwa.

Jeremi 2:35

Mê đơs lah: ‘Añ ò gơs glài, Ngan bơta gơjrañ Kơnràñ dê neh pleh bơh di añ.’ Mơ do, Añ rơp cèng mê nàng cahrña Bơh mê đơs lah: ‘Añ ò gơs glài.’

Jeremi 23:19

Sền ne, càl rbut Yàng Jehôwa dê! Hơ̆ la bơta gơjrañ dờng Yàng Jehôwa dê neh gơhào, Kung be càl wàl bong, Gơ neh khồm druh hơđang bồ ală cau iơh bơsak dê.

Jeremi 45:5

Ai mê, mê gam jòi broă dờng he in ơ? Bañ jòi tai, bơh do, Añ rơp tơndùh bơta rung rài hơđang jơh ală jơi poac să in; ai mê, bulah mê lòt tiah lơi, Añ kung rơp sền gàr bơta kis mê be phan dòp geh bơh bơta tòmlơh.’” Yàng Jehôwa đơs behơ̆.

Ejekiel 30:3

Bơh ngai hơ̆ tus rềp rau, ngai Yàng Jehôwa dê tus rềp rau, hơ̆ la ngai gơs oă mhwal, la tŭ tơngai bòl glar ală làng bol in.

Ejekiel 38:22

Añ rơp ngui bơta kòp jê pluh plàng mơ bơta gơhòr mhàm nàng cahrña tòmdră mơ khai; Añ rơp dùh mìu dờng, mìu piar, mơ ồs siau sa roh hơđang khai, hơđang ală mpồl ling khai dê, mơ hơđang ală làng bol lòt bal mơ khai.

Sră Ôse 12:2

Epraim ê càl, ngai mho ting jat càl đah mattơngai lik, mơ bơtơl oă bơta đơs blac mơ bơta iơh bơsak. Khai bơt bơtào bơta ho bal mơ Asiri, mơ pơyoa mơñà tus hơ Ejiptơ.

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Jôel 3:2

Añ rơp pơjum bal jơh ală làng bol, mơ cèng bol khai mù tòm thòng Jehôsaphat, Añ rơp cahrña bol khai tềng hơ̆, sơwì làng bol Añ jê mơ sre brê Añ jê cau Israel, tài bơh bol khai neh lơh nrah nring làng bol Israel digùl ală lơgar. Bol khai neh tòmpà ù tiah Añ jê,

Mice 6:2

Ơ ală mơnơm, iat tĕ jơnau tòm pơndang Yàng Jehôwa dê; Iat tĕ, ơ ală mơnàng gam sùm sùm plai ù dê, Bơh Yàng Jehôwa tòm pơndang mơ làng bol Kơnràñ dê, Kơnràñ rơp tòmdră mơ Israel.