Jeremi 25:30 - Sră Goh 2018

³⁰ “Gen tàng mê ai tĕ ală jơnau do đơs hwơr tòmdră mơ bol khai, mơ đơs lah: ‘Yàng Jehôwa rơp rơnđơh bơh hơđang; Bơh tiah ơm sàng goh Kơnràñ tơlik sap đơs; Kơnràñ rơp rơnđơh pràn ngan tòmdră mơ mpồl belàt; Ai jơnau driau kung be ală cau pat plai ño, Tòmdră mơ jơh ală làng bol tòm plai ù.

Jeremi 25:30 ပူးပေါင်းရင်းမြစ်များ

II Samuel 15:25

Gen bơtau đơs mơ Jadôk lah: “Cèng wơl tĕ Đài Bơta Ho Bal Yàng Tom Trồ dê tus hơ ƀòn dờng. Dilah añ geh bơta nđàc di đap Yàng Jehôwa, Kơnràñ rơp cèng añ rê wơl, lòi añ in sền gơ bal mơ tiah ơm gơ dê,

I Ală Bơtau 9:3

Yàng Jehôwa đơs mơ khai lah: “Añ neh iat jơnau hòi dan rac dan mê dê di đap Añ; Añ neh ơn is sàng goh hìu duh khoai do mơ mê neh bơt, mơ ơn sơnđan Añ tềng hơ̆ sùm sùm; mat mơ nùs Añ jê rơp ơm tềng hơ̆ sùm sùm.

II Yal Yau 30:27

Gen ală cau gơnoar ơn phan duh khoai mơ ală cau Lebi ñă ntào ai lơngai làng bol in, mơ sap đơs bol khai dê geh kơno; jơnau hòi dan bol khai dê neh tus hơđang trồ la tiah ơm sàng goh Kơnràñ dê.

Đơs Crih 11:4

Yàng Jehôwa ơm tòm Hìu Duh Khoai Sàng Goh Kơnràñ dê; sơbàn Yàng Jehôwa dê ơm hơđang trồ; Mat Kơnràñ sền gŏ, gar mat Kơnràñ sền sơwì kòn sau kòn mơnus dê.

Đơs Crih 132:14

“Do la tiah rlô Añ jê jơl sùm sùm; Añ rơp ơm tềng do, bơh Añ kòñ behơ̆.

Đơs Crih 46:6

Ală làng bol lơh nggồr nggàc, ală lơgar tơrluh tơrlơm; Yàng tơlik jơnau ntas, gen ù lề jơh.

Đơs Crih 58:5

Nàng ò kơno ntas jơnau cau hòi pơndòm gơ, La cau jak ngan hòi pơndòm gơ.

Đơs Crih 78:65

Gen Yàng kah rngal bơh bơta bic, Ò gơkrơi be cau pràn kơldang driau dờng tài bơh tơrnòm.

Esai 16:9

Gen tàng añ ñìm bal mơ bơta ñìm rac Jajer dê ñìm bơh ală tòm ño Sipma dê. Ơ Hesbôn, ơ Eleale, Añ rơp tuh hơđang bol mê mơ dà mat Añ jê! Bơh jơnau driau dờng hòn chò tòm kơnhai pic plai, mơ kơnhai toès kòi bol mê dê neh lồi rau.

Esai 33:3

Kơno sap nggồr nggàc, ală làng bol dô pồn: di đap bơta ryŭ ryơm Kơnràñ dê, ală lơgar nrah nring.

Esai 42:13

Yàng Jehôwa rơp lik lòt hơđap be cau ling pràn kơldang, be dô nă cau ling jak chồl bơtrut nùs ngac ngar Kơnràñ dê, Kơnràñ driau dờng tòmlơh; mơ rơp pha lin rlau mơ ală cau sò tơm Kơnràñ dê.

Jeremi 17:12

Sơbàn gơklŏ geh bơtào gơs bơh sơnròp, Hơ̆ la Hìu Duh Khoai Sàng Goh bol he dê!

Jeremi 25:38

Kơnràñ kung be klìu triă neh lik bơh rgồng he dê. Lơgar bol khai neh gơlik gơs tiah lòi srau, tài bơh đào jàñ bơsak, mơ tài bơh bơta gơjrañ dờng Yàng dê.”

Jeremi 48:33

Bơta chò hòp mơ hòn chò tă ngài, Tòm sre mơ ù tiah niam Môap dê; Añ neh pơndut tơrnòm bơh cơnòng pat ño; Bol khai rơp ò driau chò mơ pat ño tai; Bơta driau dờng bol khai dê ò di la driau chò.

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Sră Ôse 5:14

Bơh Añ rơp kung be dô nơm klìu triă gơwèt hơ Epraim, dô nơm klìu triă brồ dam gơwèt hơ hìu Juda. Să tòm Añ rơp crè bol khai mơ lòt ngài; Añ rơp cèng pơrdô bol khai, mơ ò gơs dô nă cau lơi rơp dong tă.

Jôel 3:16

Yàng Jehôwa rơp ơluh ơhùm bơh Siôn; mơ lơh gơlik ntas sap Kơnràñ dê bơh Jerusalem; plai ù mơ ală tap trồ gơlơnggơr. Mơya Yàng Jehôwa la tiah kìng crŭ làng bol Kơnràñ dê, la theng kơ̆ cê làng bol Israel in.

Amôs 1:2

Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Amôs 3:8

Tòm tŭ klìu triă ơluh ơhùm gen ñcau rơp ò rngòt taih? Tòm tŭ Jehôwa Yàng Tom Trồ neh đơs gen ñcau rgơi ò đơs hwơr taih?

Sacari 2:13

Ơm tĕ mŏ mŏ, ơ jơh làng bol, di đap Yàng Jehôwa; bơh Kơnràñ neh guh bơh di tiah ơm sàng goh Kơnràñ dê.

Yal Wơl 26:15

Dan Kơnràñ sền tơmềt bơh hơđang trồ la tiah ơm sùm sàng goh Kơnràñ dê, mơ ai lơngai làng bol Israel in la làng bol Kơnràñ in, mơ ù tiah mơ Kơnràñ ai bol hi in tòm toh jat be Kơnràñ neh srat să ho nền mơ ală ồng pàng bol hi dê, la lơgar bềng lìu dà toh mơ dà lơwe.”

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.