Jeremi 25:14 - Sră Goh 2018

¹⁴ Mơ tai, rơp gơs oă lơgar mơ ală cau bơtau dờng kup cau Kalde gơs dĭ, mơ Añ rơp tơm wơl bol khai in jat broă bol khai lơh, mơ jat broă tê bol khai neh lơh.’”

Jeremi 25:14 ပူးပေါင်းရင်းမြစ်များ

Đơs Crih 137:8

Ơ kòn ùr Babilôn, la cau neh lơh tơnroh, Lơngai cau lơi in sal tê di ai ală bơta ai neh lơh di bol hi!

Esai 13:4

Iat tĕ, gơs jơnau ntas hơđang ală mơnơm gơlơh be jơnau ntas bơh oă làng bol! Iat tĕ, gơs jơnau ntas nggồr digùl ală lơgar, gơlơh be ală làng bol pơjum bal! Yàng Jehôwa Gơnap Gơnoar Dờng pơjum tơrgòm dô mpồl ling nàng tòmlơh.

Esai 14:2

Ală lơgar rơp tă bol khai, mơ cèng bol khai rê wơl hơ tiah bol khai dê. Hìu Israel rơp kup ală làng bol lơh gơs phan tòm, gơs dĭ klau dĭ ùr tòm ù tiah Yàng Jehôwa dê. Bol khai rơp kup dĭ ală cau neh kup bol khai lơh gơs dĭ, mơ at bồ cau neh rồn bơklơn bol khai.

Esai 66:6

Iat tĕ jơnau nggồr nggàc hơ̆ bơh ƀòn dờng; iat tĕ ntas hơ̆ bơh di hìu duh khoai! Hơ̆ la ntas Yàng Jehôwa dê, Kơnràñ tơm wơl ală cau sò tơm di Kơnràñ jơh ală bơta bol khai pal kong.

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 32:19

Ală tơnggume broă Kơnràñ dê la dờng, ală broă lơh Kơnràñ dê la gơs gơnoar pràn. Gar mat Kơnràñ dê pò sền jơh ală gùng dà kòn mơnus dê, nàng tơm wơl kòp nă cau in jat gùng dà khai dê, mơ jat cồng nha broă lơh khai dê.

Jeremi 50:41

Ne, dô làng bol tus bơh đah đang; dô lơgar dờng mơ oă cau bơtau, bơh ală tiah ngài ngan plai ù dê geh chồl tus.

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 51:6

Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Daniel 5:28

Parsin la: cah is bàr pơnah, lơgar bơtau rơp gơkòl cah is mơ jào cau Medi mơ cau Persia in.”

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.