Jeremi 23:24 - Sră Goh 2018

²⁴ Yàng Jehôwa đơs: “Gơs cau lơi rgơi pồn să tòm ală tiah ndơp nàng Añ in ò rgơi gŏ bol khai ơ?” Yàng Jehôwa đơs: “Hơ̆ ò di ngan Añ bềng lìu ală tap trồ mơ ù tiah ơ?

Jeremi 23:24 ပူးပေါင်းရင်းမြစ်များ

Sơnròp Gơlik Gơs 16:13

Cau ùr sơnđan Yàng Jehôwa neh đơs mơ khai la “Yàng Tom Trồ sền gŏ,” bơh khai neh đơs lah: “Ngan tềng do ò di añ neh gŏ Bơtau sền gŏ añ sơl ơ?”

I Ală Bơtau 8:27

Mơya ngan lah Yàng Tom Trồ ơm hơđang plai ù do sơl? Bulah hơđang trồ mơ ală tap trồ jơnhoa rlau jơh kung ò rgơi ơn Kơnràñ, tơ ài lah hìu dềt do mơ añ neh bơt!

II Yal Yau 2:6

Mơya ñcau rgơi bơt dô nơm hìu Kơnràñ in taih? Bơh ală tap trồ, bulah la ală tap trồ jơnhoa rlau jơh, kung ò rgơi prap Kơnràñ. Gen añ la ñcau mơ bơt dô nơm hìu Kơnràñ in, mìng be la dô bă tiah nàng ơn ală phan ơn pơdơng di đap Kơnràñ lơm sơl ơ?

II Yal Yau 6:18

Mơya ngan la Yàng Tom Trồ rơp ơm tòm ù mơ kòn mơnus sơl ơ? Bulah ală tap trồ, mơ ală tap trồ jơnhoa rlau jơh ò rgơi nàng prap Kơnràñ, tơ ài lah hìu duh khoai dềt rlau jơh do mơ añ neh bơt!

Sră Jop 34:21

Bơh mat Kơnràñ sền sơwì ală gùng dà kòn mơnus dê, mơ Kơnràñ sền gŏ kòp cơnđòa bol khai dê.

Sră Jop 34:22

Ò gơs tiah jơngo, hala klam cik lơi tềng hơ̆ ală cau lơh iơh rgơi pồn să bol khai dê.

Đơs Crih 10:11

Khai kơlôi lah: “Yàng Tom Trồ neh hŭi rau, Kơnràñ neh pơndơp mat, rơp ò gơs tŭ lơi sền gŏ.”

Đơs Crih 139:7

Ntềng đah añ rgơi lòt ngài bơh di Hwềng Yàng dê taih? Hala tiah lơi añ rgơi dô pồn bơh di mat Yàng dê taih?

Đơs Crih 139:8

Dilah añ guh hơ trồ, Yàng ơm tềng hơ̆! Dilah añ bic tòm lơgar Làng ƀồc, Yàng kung gơs tềng hơ̆ sơl!

Đơs Crih 148:13

Lòi bol khai jòng ro sơnđan Yàng Jehôwa, Bơh mìng sơnđan Kơnràñ dê geh yò tơngguh hơđang; Bơta gơklŏ Kơnràñ dê jơnhoa rlau mơ plai ù mơ ală tap trồ.

Đơs Crih 90:8

Yàng neh ơn ală bơta tồi glài iơh bơsak bol hi dê di đap Kơnràñ, Ală tồi glài ndơp ndơr bol hi dê di đap mat Kơnràñ.

Jơnau Pơnđik 15:3

Mat Yàng Jehôwa ơm làm bă tiah, sền sơwì cau iơh bơsak mơ cau lơbơn niam.

Esai 29:15

Bòl glar cau lơi pồn dô bơta rơndap jrô ndơp ir di Yàng Jehôwa, la cau lơh broă khai dê tòm tiah klam jơngo mơ kơlôi lah: “Ñcau gŏ bol hi taih? Ñcau rơp git taih?”

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Jeremi 16:17

Bơh mat Añ sền sơwì kòp gùng dà bol khai dê, ală broă hơ̆ ò geh pồn bơh di mat Añ, tồi glài bol khai ò geh pồn ndơp bơh mat Añ.

Jeremi 32:19

Ală tơnggume broă Kơnràñ dê la dờng, ală broă lơh Kơnràñ dê la gơs gơnoar pràn. Gar mat Kơnràñ dê pò sền jơh ală gùng dà kòn mơnus dê, nàng tơm wơl kòp nă cau in jat gùng dà khai dê, mơ jat cồng nha broă lơh khai dê.

Jeremi 49:10

Mơya Añ tì klò jơh Esau, Lơh khai in ơm kuh, Khai ò geh pồn ndơp. Kòn sau, oh mi, cau gơp ƀòn khai gen kong tơnroh, Mơ să tòm khai ò gam tai.

Ejekiel 8:12

Gen Kơnràñ đơs mơ añ lah: “Ơ kòn mơnus, mê gŏ sơl bơta ală cau kwang kra hìu Israel dê ơm lơh tòm bơta klam jơngo, kòp nă duh khoai di đap rùp ràk is he dê? Bơh bol khai đơs lah: ‘Yàng Jehôwa ò gŏ bol he ò; Yàng Jehôwa neh sang lòi lơgar do rau!’”

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Daniel 2:22

Yàng yal tơlik ală bơta jrô mơ ndơp, Kơnràñ git ală bơta tòm tiah klam jơngo, mơ bơta àng ơm bal mơ Kơnràñ.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Ephesô 1:23

Hìu Jum Goh la să jan Kơnràñ dê, tòm hơ̆ gơs bơta lìu làc Bơtau Krist dê, la Bơtau gơs bơta bềng tơl tòm jơh ală bơta.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.