Jeremi 14:17 - Sră Goh 2018

¹⁷ Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 14:17 ပူးပေါင်းရင်းမြစ်များ

II Ală Bơtau 19:21

Do la jơnau Yàng Jehôwa neh đơs bơh khai: ‘Cau ơruh dềt Siôn sền òsơp, dơñŏ tơnhial mê; kòn ùr Jerusalem neh rtơs bồ di mê.

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 39:10

Dan Yàng bañ pù lơh añ tai; Añ kong lề lac tài bơh tê Yàng lơh glài.

Esai 37:22

gen do la jơnau Yàng Jehôwa neh đơs tòmdră mơ khai: ‘Cau ơruh dềt Siôn dê sền òsơp mơ dơñŏ tơnhial di mê. Kòn ùr Jerusalem rơnggô bồ bơh ngkòi mê.

Jeremi 10:19

Bòl glar añ in, bơh tềl sồt añ jê! Tềl sồt añ kơnjơ̆ ngan! Mơya añ đơs: “Ngan do la bơta pù tơmàl añ jê, Mơ añ pal kong.”

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 18:13

Behơ̆ gen, Yàng Jehôwa đơs be do: “Lùp tĕ tòm ală lơgar Gơs cau lơi neh kơno bơta behơ̆ sơl? Cau ơruh dềt Israel neh lơh broă cù kìr rlau jơh.

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Jeremi 8:21

Bơh bơta jê sồt làng bol añ jê, añ kung jê sồt; Añ moat jrùng jê sồt mơ rngòt rngơt sơmbat kup añ.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:18

Lòi bol khai mhar ñìm ƀồc bol he in, Nàng mat bol he gơhòr dà mat, Sơmbir mat bol he hòr bềng dà mat!

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Ñìm Rac 2:18

Driau dờng tĕ tus hơ Yàng Jehôwa, Ơ dơrñang kòn ùr Siôn dê, lòi dà mat gơhòr be hiòng hòr pràn ngai mơ mang. Să tòm ai bañ ơm rlô; mat ai ò ơm dơh wơl.

Amôs 5:2

“Kòn ơruh Israel dê neh gơpừ, ò gơs tŭ lơi guh tai, gơkòl sang lòi tòm lơgar tòm khai dê, rơp ò gơs cau lơi yò khai guh.”

Mice 6:13

Behơ̆ tàng Añ neh rơp sơntòm tơnroh mê, lơh mê in kòl tơnroh tài bơh ală tồi glài mê dê.