Jang 8:58 - Sră Goh 2018

⁵⁸ Yàng Jesu đơs lah: “Di ngan, Añ đơs ngan mơ bol mê, lài mơ tŭ gơs Abraham, Añ neh gơs mơ gam gơs sùm sùm.”

Jang 8:58 ပူးပေါင်းရင်းမြစ်များ

Lik Ejiptơ 3:14

Yàng Tom Trồ đơs mơ Môise lah: “AÑ LA BƠTAU GƠS IS GAM GƠS SÙM SÙM.” Kơnràñ đơs tai lah: “Yal tĕ làng bol Israel in be do: ‘BƠTAU GƠS IS neh sồr añ lòt tus hơ bol mê.’”

Esai 43:13

Ngan, bơh ngai yau òr Añ la Yàng Tom Trồ. Ò gơs cau lơi geh dong klàs bơh tê Añ. Tòm tŭ Añ lơh gơs, ñcau rgơi tòmgơl taih?”

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 44:8

Bañ rơm să, bañ rngòt. Añ ò di neh yal mơ mê bơh yau òr mơ yal tơnggit gơ ò ơ? Bol mê la cau lơh cơng Añ jê. Gơs Yàng Tom Trồ lơi ndai tai rlau mơ Añ sơl? Ò gơs pơnai lŭ lơi ndai; Añ git ò gơs dô nơm lơi ndai!”

Esai 46:9

Kah tĕ ală bơta bơh yau òr; Añ la Yàng Tom Trồ, mơ ò gơs yàng lơi ndai tai; Añ la Yàng Tom Trồ, mơ ò gơs cau lơi ndròm bal be Añ.

Esai 48:12

Ơ Jakôp, ơ Israel la cau Añ neh hòi, iat tĕ Añ: “Añ la Bơtau hơ̆; Añ la Bơtau sơnròp mơ la Bơtau lồi dut.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Jang 10:25

Yàng Jesu ho lah: “Añ neh yal bol mê in, mơya bol mê ò dòn; ală broă Añ neh lơh tòm sơnđan Bèp Añ lơh cơng Añ in lơm.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 17:5

Ơ Bèp, tŭ do dan ai bơta gơklŏ Añ neh geh bal mơ Bèp lài mơ tŭ òhềt gơs dunnia, nàng lơh gơklŏ Añ in di đap Bèp.

Jang 8:24

Gen tàng, Añ neh đơs mơ bol mê lah bol mê rơp chơt tòm tồi glài bol mê dê; bơh dilah bol mê ò dòn Añ la Bơtau neh gơs mơ gam gơs, gen bol mê rơp chơt tòm tồi glài he dê.”

Jang 8:28

Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.

Jang 8:34

Yàng Jesu ho lah: “Di ngan, Añ đơs ngan mơ bol mê, cau lơi tìs glài la lơh dĭ gơna tồi glài in.

Jang 8:51

Di ngan, Añ đơs ngan mơ bol mê, dilah cau lơi prap gàr jơnau Añ, gen rơp ò tŭ lơi gŏ bơta chơt ò.”

Kôlôse 1:17

Kơnràñ gơs lài mơ jơh ală bơta, jơh ală bơta ơm kơ̆ tòm Kơnràñ.

Hebrơ 13:8

Yàng Jesu Krist ngai òr, ngai do mơ jơl tus sùm sùm ò tŭ lơi tòmgơl.

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Yal Tơlik 2:8

“Cih tĕ cau gơnrơh Hìu Jum Goh Simirnơ in lah: Do la ală jơnau đơs Bơtau sơnròp mơ Bơtau lồi dut, Bơtau neh chơt mơ neh kis wơl: