Jang 8:32 - Sră Goh 2018

³² Bol mê rơp git jơnau song, mơ jơnau song rơp hồ toh bol mê.”

Jang 8:32 ပူးပေါင်းရင်းမြစ်များ

Đơs Crih 119:45

Añ rơp cơnđòa lòt khat gơboh, Bơh añ neh jòi jat ală jơnau sồr Yàng dê.

Đơs Crih 25:5

Dan lam añ tòm jơnau song Kơnràñ dê mơ bơto sồr añ, Bơh Kơnràñ la Yàng Tom Trồ bơta dong klàs añ jê; Bơh Kơnràñ añ kơp gơn jơh ngai mho.

Jơnau Pơnđik 1:23

Iat tĕ jơnau añ lah pơrhơng; Añ rơp tuh bơta kơlôi sơnơng añ jê bol mê in; Añ rơp lơh bol mê in git ală jơnau đơs añ jê.

Jơnau Pơnđik 1:29

Hơ̆ la tài bơh bol khai gơjrañ kơuềng di bơta git jak, Ò sac rwah bơta duh rngòt di Yàng Jehôwa.

Jơnau Pơnđik 4:18

Mơya gùng lòt cau song ring dê la kung be bơta àng àng drim dê, Gơ pơnđàng sòl sơlo àng rlau tai jơl tus di trồ gùl ngai.

Esai 2:3

Oă làng bol rơp tus mơ đơs lah: “Tus tĕ, bol he guh lă hơđang mơnơm Yàng Jehôwa dê, tus hơ hìu Yàng Tom Trồ Jakôp dê; Kơnràñ rơp bơto bol he in gùng dà Kơnràñ dê, tồ bol he rgơi lòt tòm ală gùng Kơnràñ dê.” Bơh bơta boh lam rơp lik bơh Siôn, jơnau đơs Yàng Jehôwa dê rơp lik bơh Jerusalem.

Esai 30:21

Bulah bol mê pơrlac đah ma hala đah kiau, tồr bol mê rơp kơno gơs sap đơs đah ngkòi bol mê lah: “Do la gùng, lòt tĕ tòm hơ̆!”

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Lebi 25:41

Gen khai mơ ală kòn khai dê pal geh hồ toh, mơ khai rơp rê wơl hơ mpồl hìu nhă tòm khai dê mơ hơ sre brê ală ồng pàng khai dê.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 11:29

Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 16:13

Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.

Jang 17:17

Dan Bèp ai jơnau song lơh bol khai in gơlik gơs sàng goh; jơnau Bèp la jơnau song.

Jang 6:45

Tòm ală sră gơnoar hwơr neh cih lah: ‘Jơh tơl nă cau rơp geh Yàng Tom Trồ bơto sồr.’ Kòp nă cau lơi neh iat mơ bơtê bơh di Bèp, gen lòt tus hơ Añ.

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Jang 8:36

Behơ̆, dilah Kòn hồ toh bol mê, gen bol mê rơp geh khat gơboh ngan.

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

Rôma 8:2

Bơh bơta boh lam Yàng Hwềng bơta kis dê tòm Yàng Krist Jesu neh hồ toh añ lik klàs bơh bơta boh lam tồi glài dê mơ bơta chơt.

I Kôrintô 7:22

Bơh cau ơm dĭ mơ geh Yàng hòi sac, gen hơ̆ la cau Yàng neh hồ toh; kung behơ̆ sơl, cau ơm khat gơboh mơ geh hòi sac, gen hơ̆ la dĭ gơna Bơtau Krist dê.

Galati 5:1

Bơtau Krist neh hồ toh bol he tồ geh khat gơboh; behơ̆ ntào kơ̆ tĕ, bañ lòi să he kòl tòm yô dĭ gơna dê tai.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

II Timôthe 3:7

kư̆ bơtê sùm mơya ò gơs tŭ lơi rgơi git wă jơnau song.

Jakơ 1:25

Mơya cau lơi sơwì nền bơta boh lam wil tơl, la bơta boh lam bơh bơta khat gơboh, mơ kư̆ lơh behơ̆, ò di iat rau gen hŭi, mơya kư̆ lơh jat, gen cau hơ̆ rơp geh lơngai lơngò tòm broă khai dê.

Jakơ 2:12

Behơ̆ oh mi đơs tĕ mơ lơh tĕ kung be cau rơp kong cahrña jat bơta boh lam bơta khat gơboh dê.

I Pier 2:16

Lơh lòt tĕ be cau khat gơboh, mơ bañ ngui bơta khat gơboh hơ̆ lơh kơrnìng kìng bơta iơh bơsak, mơya pal lơh lòt be cau dĭ gơna Yàng Tom Trồ dê.

II Jang 1:1

Jang la kwang kra pơyoa mò in la cau geh sac rwah bal mơ ală kòn mò dê mơ añ kòñ gơboh jơh nùs, ò di mìng añ lơm ò, mơya jơh tơl nă cau git jơnau song kung kòñ gơboh sơl;