27 Bol khai ò git wă lah Kơnràñ đơs bơh Bèp bol khai in.
Bol he tơbư rò gah dơrñang kung be cau jơngo mat; jòi gùng bol he dê kung be ală cau ò gơs gar mat. Di trồ gùl ngai bol he gơtup jơng kung be tòm trồ mòr mang; digùl cau pràn kơldang mơ bol he kung be cau neh chơt.
Kơnràñ đơs lah: “Lòt tĕ mơ đơs mơ làng bol do lah: ‘Iat tĕ! Mơya ò tŭ lơi dòp git; Sền tĕ! Mơya ò tŭ lơi git wă.’
Añ gơs oă bơta đơs mơ cahrña bol mê; mơya Bơtau neh sồr Añ lòt tus la Bơtau song ngan, mơ Añ yal wơl dunnia in ală bơta Añ kơno bơh Kơnràñ.”
Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.
Ñchi bơh tài bol mê ò rgơi git wă bơta Añ đơs taih? Tài bơh bol mê ò rgơi dòp jơnau Añ jê.
Cau lơi lik bơh Yàng Tom Trồ, gen iat jơnau Yàng Tom Trồ. Bơh bol mê ò iat tài bơh bol mê ò gơrê bal mơ Yàng Tom Trồ.”
