Jang 8:15 - Sră Goh 2018

¹⁵ Bol mê cahrña jat poac să, Añ ò cahrña dô nă cau lơi ò.

Jang 8:15 ပူးပေါင်းရင်းမြစ်များ

Amôs 5:7

Ôih, bol mê la ală cau tòmgơl bơta song ring gơlik gơs bơta sràt bơtang, mơ sơrbì bơta song ring tòm ù!

Amôs 6:12

Ală ơseh ntoat hơđang lŭ ơ? Cau rgơi troă dàlềng mơ kơnrồ sơl ơ? Mơya bol mê neh tòmgơl bơta song ngan gơlik gơs bơta bih khih, mơ tòmgơl plai song ring gơlik gơs sràt bơtang.

Habakuk 1:4

Tài behơ̆, bơta boh lam roh gơnoar, bơta song ring ò tŭ lơi lơh jat. Cau iơh bơsak gơrwàng gùt dar cau song ring, gen tàng bơta cahrña rơp tus hơđang cau lơh bơta rkwet rkwe.

Luka 12:14

Mơya Kơnràñ đơs mơ khai: “Ơ cau ne, ñcau neh bơtào Añ lơh gơs cau kwang cahrña hala cau tòm pà phan bol mê in taih?”

Jang 12:47

Dilah cau lơi kơno jơnau Añ mơ ò prap gàr, gen ò di Añ cahrña cau hơ̆; bơh Añ tus ò di nàng cahrña dunnia, mơya nàng dong tơwài dunnia.

Jang 18:36

Yàng Jesu ho lah: “Lơgar Añ ò di bal mơ dunnia do. Dilah lơgar Añ bal mơ dunnia do, gen ală cau jat Añ neh tòmlơh, nàng Añ ò kong bơtào tòm tê cau kwang Juda dê mơya tŭ do lơgar Añ ò di bal mơ dunnia do.”

Jang 3:17

Bơh Yàng Tom Trồ sồr Kòn Kơnràñ tus tòm dunnia ò di nàng cahrña dunnia ò, mơya tồ dunnia in geh dong klàs.

Jang 7:24

Bañ cahrña jat đah bơdìh, mơya cahrña tĕ jat bơta di ngan.”

Jang 8:11

Cau ùr ho lah: “Ơ Yàng, ò gơs dô nă cau lơi.” Yàng Jesu đơs lah: “Añ kung ò lơh nền glài ai sơl; lòt tĕ, bañ tìs glài tai yơ.”]

Rôma 2:1

Behơ̆, ơ cau ne, bulah mê la ñcau, kung ò geh tò să he; bơh mê cahrña di cau ndai bơh bơta lơi, gen kung lơh nền glài să tòm he in sơl, bơh mê cahrña di cau lơh bơta hơ̆, mơ mê kung lơh ală bơta behơ̆ sơl.

I Kôrintô 2:15

Mơya cau đah hwềng rgơi sền sơwì jơh ală bơta, mơ să tòm bol khai ò gơs cau lơi rgơi sền sơwì.

II Kôrintô 5:16

Tài behơ̆ gen tàng bơh do bol hi ò git đal cau lơi jat poac să; bulah bol hi neh git đal Bơtau Krist jat poac să, mơya tŭ do ò tai git đal Kơnràñ jat bơta hơ̆.

Jakơ 2:4

behơ̆ ò di la oh mi gơs bơta cah is, ai nùs iơh mơ cahrña ò ơ?

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”