Jang 7:33 - Sră Goh 2018

³³ Behơ̆, Yàng Jesu đơs lah: “Añ gam ơm mơ bol mê dô êt jŏ tai; lồc behơ̆ Añ rê wơl hơ Bơtau neh sồr Añ lòt tus.

Jang 7:33 ပူးပေါင်းရင်းမြစ်များ

Jơnau Niam Jat Mak 16:19

Neh sir Yàng Jesu đơs mơ bol khai behơ̆ rau, gen geh guh rê hơđang trồ, mơ nggui đah ma Yàng Tom Trồ.

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 13:3

Yàng Jesu git lah Bèp neh jào jơh ală bơta tòm tê Kơnràñ, mơ Kơnràñ bơh Yàng Tom Trồ mơ tus, kung rơp rê wơl hơ Yàng Tom Trồ,

Jang 13:33

Ơ ală kòn dềt Añ jê, Añ gam ơm mơ bol mê dô êt jŏ tai. Bol mê rơp jòi Añ, mơ be Añ neh đơs mơ ală cau Juda lah: ‘Tiah Añ lòt bol mê ò rgơi lòt tus,’ gen tŭ do Añ kung đơs mơ bol mê behơ̆ sơl.

Jang 14:12

Di ngan, di ngan, Añ đơs mơ bol mê, cau lơi dòn Añ, gen rơp lơh ală broă Añ lơh sơl; mơ khai rơp lơh ală broă dờng rlau tai, tài bơh Añ rê wơl hơ Bèp.

Jang 14:19

Gam dô êt jŏ tai gen dunnia ò gŏ Añ tai, mơya bol mê rơp gŏ Añ; tài bơh Añ kis, gen bol mê kung rơp kis sơl.

Jang 14:28

Bol mê neh kơno Añ đơs mơ bol mê lah: ‘Añ lòt, mơ Añ rê wơl hơ bol mê.’ Dilah bol mê kòñ gơboh di Añ, gen rơp hòn chò tài bơh Añ rê wơl hơ Bèp, bơh Bèp dờng rlau mơ Añ.

Jang 16:10

Bơh bơta song ring, tài bơh Añ rê wơl hơ Bèp, mơ bol mê ò gŏ Añ tai:

Jang 16:28

Añ lik bơh di Bèp mơ lòt tus tòm dunnia; mơ tai, Añ rơp sang dunnia mơ rê wơl hơ Bèp.”

Jang 16:5

Mơya tŭ do Añ rê wơl hơ Bơtau neh sồr Añ lòt tus, mơ tòm bol mê ò gơs cau lơi lùp Añ lah: ‘Ntềng đah Kơnràñ lòt taih?’

Jang 17:11

Añ ò ơm tòm dunnia tai, Añ rê wơl hơ Bèp, mơya bol khai gam ơm tòm dunnia. Ơ Bèp sàng goh, dan sền gàr bol khai tòm sơnđan Bèp la sơnđan Bèp neh ai Añ in, nàng bol khai in gơs dô bă bal kung be bol he sơl.

Jang 17:13

Tŭ do Añ rê wơl hơ Bèp, mơ Añ đơs ală bơta hơ̆ tòm dunnia, tồ bơta hòn chò Añ jê geh wil tơl tòm bol khai.

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

Jang 9:4

Tòm tŭ gam trồ ngai, bol he pal lơh ală broă Bơtau neh sồr Añ lòt tus, mang tus gen ò gơs cau lơi rgơi lơh broă ò.