Jang 7:28 - Sră Goh 2018

²⁸ Tòm tŭ Yàng Jesu bơto tòm hìu duh khoai, gen đơs loh làng lah: “Bol mê git Añ mơ kung git Añ tus bơh lơi. Añ ò tus is Añ jê, mơya Bơtau neh sồr Añ lòt tus la song ngan mơ bol mê ò git Kơnràñ.

Jang 7:28 ပူးပေါင်းရင်းမြစ်များ

Đơs Crih 9:10

Cau lơi git sơnđan Kơnràñ gen dòn kơnòm di Kơnràñ, Ơ Yàng Jehôwa, bơh Kơnràñ ò sang lòi cau lơi jòi jat Kơnràñ.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Jeremi 9:6

Yàng Jehôwa đơs: “Bơta rồn bơklơn bơtơl bơta rồn bơklơn; Blac pơrlồm bơtơl blac pơrlồm! Behơ̆ tàng bol khai ò bài đal git Añ.”

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Sră Ôse 5:4

Broă lơh bol khai dê ò ai gơnoar bol khai rê wơl hơ Yàng Tom Trồ bol khai dê. Nùs nhơm dri tơlàr neh gơs tòm bol khai, bol khai ò git Yàng Jehôwa.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 2:23

tus ơm tòm dô nơm ƀòn dờng sơnđan la Nasaret, nàng gơlik di ngan be jơnau ală cau gơnoar hwơr neh đơs lah: “Cau rơp sơnđan Kơnràñ la Cau Nasaret.”

Mathiơ 26:55

Tòm jơ hơ̆ Yàng Jesu đơs mơ mpồl làng bol lah: “Bol mê at đào mơ gai tus kup Añ be kup cau phà ơ? Kòp ngai Añ neh nggui bơto sồr tòm hìu duh khoai mơ bol mê ò kup Añ.

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Luka 2:11

hơ̆ la ngai do tòm ƀòn dờng Dabit dê neh deh bol mê in dô Bơtau Dong klàs, la Krist, la Yàng.

Luka 2:39

Dơ̆ Jôsep mơ Mari neh lơh tơl ală broă jat bơta boh lam Yàng dê rau, gen rê wơl hơ Galile, hơ ƀòn dờng tòm bol khai dê la Nasaret.

Luka 2:4

Bơh Jôsep la bal mơ hìu nhă jơi bơtiàn Dabit dê, gen kung bơh Nasaret tòm Galile guh hơ Jude, tus hơ ƀòn dờng Dabit, sơnđan la Betlehem,

Luka 2:51

Lồc behơ̆ Kơnràñ mơ bol khai mù rê hơ Nasaret, mơ Kơnràñ dòn duh bol khai. Mè Kơnàñ prap ală jơnau hơ̆ tòm nùs.

Jang 1:46

Gen Nathanael đơs lah: “Gơs ñchi lơi niam gơlik bơh Nasaret sơl ơ?” Philip đơs lah: “Tus tĕ sền.”

Jang 10:36

gen Añ do, la Bơtau Bèp neh ơn is sàng goh mơ sồr lòt tus tòm dunnia, ñchi bơh tài bol mê đơs Añ đơs tràl sơrbil tòm tŭ Añ đơs lah: ‘Añ la Kòn Yàng Tom Trồ,’ dê taih?

Jang 12:49

Añ ò đơs jat nùs is Añ jê, mơya să tòm Bèp la Bơtau neh sồr Añ lòt tus, sồr Añ pal đơs bơta lơi, mơ yal tơlik bơta lơi.

Jang 14:10

Mê ò dòn lah Añ ơm tòm Bèp mơ Bèp ơm tòm Añ ò ơ? Ală jơnau Añ đơs mơ bol mê, ò di bơh Añ đơs is Añ jê, mơya hơ̆ la Bèp ơm tòm Añ mơ lơh broă Kơnràñ dê.

Jang 14:31

Mơya nàng dunnia in git lah Añ kòñ gơboh di Bèp, mơ Bèp neh sồr Añ be lơi gen Añ lơh jat behơ̆. Ntào tĕ, bol he lòt bơh do.”

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 17:25

Ơ Bèp song ring, dunnia ò git Bèp ò, mơya Añ neh git Bèp, mơ ală cau do git lah Bèp neh sồr Añ lòt tus.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 3:2

Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 3:33

Cau lơi neh dòp jơnau lơh cơng Kơnràñ dê, gen neh dòp nền lah, Yàng Tom Trồ la song ngan.

Jang 5:32

Gơs Bơtau ndai lơh cơng bơh Añ, mơ Añ git lah jơnau Bơtau hơ̆ lơh cơng bơh Añ la ngan.

Jang 5:43

Añ neh ai sơnđan Bèp Añ mơ lòt tus, mơ bol mê ò dòp Añ. Dilah gơs cau ndai ai sơnđan is he dê mơ lòt tus, gen bol mê rơp dòp khai.

Jang 6:42

lah: “Hơ̆ ò di la Jesu kòn Jôsep dê, bol he git mè bèp khai ò ơ? Behơ̆ mbe khai đơs lah: ‘Añ bơh đang trồ mù, taih’?”

Jang 7:14

Tòm gùl bơta pơjum sa, Yàng Jesu guh hơ hìu duh khoai mơ bơto sồr.

Jang 8:14

Yàng Jesu ho lah: “Bulah Añ lơh cơng is bơh să tòm Añ, gen jơnau lơh cơng Añ jê la song ngan; bơh Añ git Añ neh tus bơh lơi mơ lòt tiah lơi, mơya bol mê ò git Añ tus bơh lơi hala lòt tiah lơi.

Jang 8:16

Dilah Añ cahrña, gen bơta cahrña Añ jê la song ngan; bơh ò di mìng dô nă Añ, mơya Añ mơ Bèp la Bơtau neh sồr Añ lòt tus cahrña bal.

Jang 8:19

Behơ̆ bol khai lùp Kơnràñ lah: “Ntềng đah Bèp Cau Bơto dê taih?” Yàng Jesu ho lah: “Bol mê ò git Añ, mơ kung ò git Bèp Añ sơl. Dilah bol mê git Añ, gen kung git Bèp Añ tai sơl.”

Jang 8:26

Añ gơs oă bơta đơs mơ cahrña bol mê; mơya Bơtau neh sồr Añ lòt tus la Bơtau song ngan, mơ Añ yal wơl dunnia in ală bơta Añ kơno bơh Kơnràñ.”

Jang 8:42

Yàng Jesu đơs lah: “Dilah Yàng Tom Trồ la Bèp bol mê gen bol mê rơp kòñ gơboh di Añ, tài bơh Añ lik bơh Yàng Tom Trồ mơ bơh Kơnràñ mơ tus; bơh Añ ò di tus is Añ jê ò, mơya să tòm Kơnràñ neh sồr Añ lòt tus.

Jang 9:29

Bol hi git Yàng Tom Trồ neh đơs mơ Môise, ai cau do gen bol hi ò git bơh lơi mơ tus.”

Broă 17:23

Bơh tòm tŭ añ lòt làm ƀòn dờng mơ sền ală tiah duh khoai ală ồng dê, añ gŏ dô nơm cơnòng duh khoai gơs jơnau cih lah: DUH YÀNG ÒHỀT GIT. Behơ̆ Bơtau ală ồng duh khoai mơ ò git hơ̆, la Bơtau añ bơto yal ală ồng in do.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Rôma 3:4

Ò di behơ̆ ò! Yàng Tom Trồ la song ngan, bulah ală cau la blac chừt, be neh cih lah: “Behơ̆, Yàng geh kòp la song ring tòm ală jơnau đơs Kơnràñ dê, Mơ geh pha lin tòm tŭ Kơnràñ kong cahrña.”

II Kôrintô 1:18

Ngan be Yàng Tom Trồ la Bơtau dòn song, gen jơnau bol hi đơs mơ oh mi kung ò di đơs ƀà di ƀà ò.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Sră Pơyoa Pol Dê Pơyoa Tit In 1:2

tòm bơta gơn kơnòm bơh bơta kis gam sùm sùm. Hơ̆ la bơta kis mơ Yàng Tom Trồ, la Bơtau ò tŭ lơi đơs blac, neh ho pơgon bơh lài mơ tŭ òhềt gơs trồ tiah,

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

I Jang 5:10

Cau lơi dòn di Kòn Yàng Tom Trồ, gen gơs jơnau lơh cơng hơ̆ tòm să tòm he; ai cau lơi ò dòn Yàng Tom Trồ, gen kòp Kơnràñ be la cau đơs blac, tài bơh ò dòn jơnau Yàng Tom Trồ neh lơh cơng bơh Kòn Kơnràñ dê.

I Samuel 2:12

Tŭ hơ̆ ală kòn klau Heli dê la ơlă ơlai; bol khai ò wèt sền di Yàng Jehôwa,