Jang 7:27 - Sră Goh 2018

²⁷ Bulah behơ̆ bol he git cau do bơh lơi mơ tus, mơya tŭ Bơtau Krist tus gen ò gơs cau lơi git Kơnràñ bơh lơi mơ tus.”

Jang 7:27 ပူးပေါင်းရင်းမြစ်များ

Esai 11:1

Dô nơm sơmbut rơp cat lik bơh tơnggu Jese; dô nơm Ntê hòn bơh ryas gơ.

Esai 53:8

Bơh bơta cahrña rkwet rkwe mơ Kơnràñ neh kong tă tơlik; ñcau rgơi kơlôi lài bơh ñchi bơta rơp gơlik tus Kơnràñ in taih? Bơh Kơnràñ neh kong tă tơlik bơh di ù tiah cau kis, neh kong jê sồt bơh tồi glài làng bol Añ jê.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 30:21

Ală kwang bơtau la cau tòm bol khai dê, Cau at bồ rơp gơlik gơs bơh digùl bol khai. Añ rơp cèng khai tus rềp, gen khai rơp tus rềp mơ Añ; Bơh ñcau neh gơs bơta khin cha tus rềp mơ Añ taih? Yàng Jehôwa đơs behơ̆.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Jơnau Niam Jat Mak 6:3

Cau do ò di la cau chài lơh chi, kòn klau Mari dê, oh mi mơ Jakơ, Jôsep, Jude mơ Simôn dê ò ơ? Ò di ală oh ùr khai dê ơm digùl bol he ò ơ?” Gen bol khai ò dòp Kơnràñ.

Luka 4:22

Cau lơi kung lơh cơng niam bơh Kơnràñ, ai lơh krơi bơh ală jơnau bềng bơta nđàc lik bơh di bơr Kơnràñ, mơ đơs lah: “Hơ̆ ò di la kòn Jôsep ơ?”

Jang 6:42

lah: “Hơ̆ ò di la Jesu kòn Jôsep dê, bol he git mè bèp khai ò ơ? Behơ̆ mbe khai đơs lah: ‘Añ bơh đang trồ mù, taih’?”

Jang 7:15

Ală cau Juda ai lơh krơi mơ đơs lah: “Cau do òhềt bơtê, mbe rgơi git oă ngan taih?”

Jang 9:29

Bol hi git Yàng Tom Trồ neh đơs mơ Môise, ai cau do gen bol hi ò git bơh lơi mơ tus.”

Broă 8:33

Tòm tŭ Khai kong dơñŏ tơnhial, gen bơta song ring neh kòl tă tòmpìt rau. Ñcau rgơi đơs bơh jơi bơtiàn khai dê taih? Bơh bơta kis Khai dê neh kòl tă tơlik bơh di ù rau.”