Jang 6:63 - Sră Goh 2018

⁶³ Hơ̆ la hwềng ai bơta kis, poac să ò kwơ dô êt lơi. Ală jơnau Añ neh đơs mơ bol mê hơ̆ la hwềng mơ bơta kis.

Jang 6:63 ပူးပေါင်းရင်းမြစ်များ

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

Đơs Crih 119:130

Tòm tŭ bơto sồr jơnau Yàng dê gen gơ pơnđàng sòl, Gơ ai bơta git wă cau ò hoan git in.

Đơs Crih 119:50

Jơnau ho pơgon Yàng dê ai añ in kis, Hơ̆ la jơnau pơndòm pơniang añ tòm tŭ gơlòng bòl glar.

Đơs Crih 119:93

Añ rơp ò tŭ lơi hŭi jơnau sồr Yàng dê, Bơh kơnòm di jơnau hơ̆ mơ Yàng ai añ in kis.

Jơnau Pơnđik 4:13

Sơmbat kơ̆ tĕ ală jơnau bơto sồr, bañ sang lòi; Kơrmap gàr gơ, bơh gơ la bơta kis kòn dê.

Jang 5:21

Bơh Bèp lơh ală cau chơt in kis wơl be lơi, gen Kòn kung ai bơta kis cau lơi in, jat be Kòn kòñ behơ̆ sơl.

Jang 6:68

Simôn Pier ho Kơnràñ lah: “Ơ Kơnràñ, bol hi rơp lòt jat ñcau taih? Kơnràñ gơs ală jơnau bơta kis gam sùm sùm dê.

Broă 5:20

“Lòt tĕ, mơ ntào tòm hìu duh khoai nàng bơto yal làng bol in jơh ală jơnau bơta kis do dê.”

Rôma 10:17

Behơ̆ bơta dòn tus bơh bơta kơno, mơ bơta kơno tus bơh jơnau Bơtau Krist geh bơto yal.

Rôma 2:25

Ngan behơ̆, dilah mê lơh jat bơta boh lam, gen bơta siat gơltau gơlik gơs kwơ; ai dilah mê lơh tìs mơ bơta boh lam, gen bơta siat gơltau mê dê kung be ò.

Rôma 8:2

Bơh bơta boh lam Yàng Hwềng bơta kis dê tòm Yàng Krist Jesu neh hồ toh añ lik klàs bơh bơta boh lam tồi glài dê mơ bơta chơt.

I Kôrintô 15:45

Bơh Sră Goh cih lah: “Cau sơnròp la Adam neh gơlik gơs jơi geh bơta kis; Adam lồi dut gơlik gơs hwềng ai gòi bơta kis.”

Galati 5:25

Dilah bol he kơnòm di Yàng Hwềng nàng kis, gen kung lòt tĕ jat Yàng Hwềng sơl.

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Galati 6:15

Bơh bơta dờng màng ò di la kong siat gơltau hala ò kong siat gơltau, mơya la gơlik gơs cau pa.

Yal Wơl 32:47

Gơ ò di mìng la ală jơnau đơs gòi bol mê in, gơ la bơta kis bol mê dê. Kơnòm di gơ bol mê rơp kis jŏ jòng tòm lơgar mơ bol mê rơp tiă Jordan nàng dòp geh.”

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

I Timôthe 4:8

Bơh bơta bơtê lơh pràn să jan in gen gơs kwơ dô êt lơm, ai bơta duh rngòt gơs kwơ tòm jơh ală bơta, bơh neh gơs jơnau ho pơgon bơh bơta kis tòm rài do mơ tòm rài tơnơ̆ sơl.

Hebrơ 13:9

Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.

Jakơ 1:18

Kơnràñ jat nùs kòñ Kơnràñ dê mơ tơnggơs bol he kơnòm dê jơnau song, tồ bol he in gơlik be plai bồ sơnam tòm ală phan Kơnràñ neh crơng gơs.

I Pier 1:23

Oh mi neh geh deh wơl pa, ò di bơh gar sơntìl ồm lề, mơya bơh gar sơntìl ò ồm lề, hơ̆ la jơnau kis gam sùm mơ nền cê Yàng Tom Trồ dê.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,