Jang 6:45 - Sră Goh 2018

⁴⁵ Tòm ală sră gơnoar hwơr neh cih lah: ‘Jơh tơl nă cau rơp geh Yàng Tom Trồ bơto sồr.’ Kòp nă cau lơi neh iat mơ bơtê bơh di Bèp, gen lòt tus hơ Añ.

Jang 6:45 ပူးပေါင်းရင်းမြစ်များ

Esai 2:3

Oă làng bol rơp tus mơ đơs lah: “Tus tĕ, bol he guh lă hơđang mơnơm Yàng Jehôwa dê, tus hơ hìu Yàng Tom Trồ Jakôp dê; Kơnràñ rơp bơto bol he in gùng dà Kơnràñ dê, tồ bol he rgơi lòt tòm ală gùng Kơnràñ dê.” Bơh bơta boh lam rơp lik bơh Siôn, jơnau đơs Yàng Jehôwa dê rơp lik bơh Jerusalem.

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Jơnau Niam Jat Mak 1:2

Be neh cih tòm sră cau gơnoar hwơr Esai lah: “Do, Añ sồr cau kong sồr Añ jê lòt tus di đap mê, La cau rơp wàs gùng lài mê in.

Luka 1:70

Be Kơnràñ neh ngui bơr ală cau gơnoar hwơr sàng goh mơ đơs bơh rài yau òr,

Luka 18:31

Chòp Yàng Jesu lam is jơt bàr nă cau bơtê mơ đơs mơ bol khai lah: “Do, bol he guh hơ Jerusalem, ală bơta mơ ală cau gơnoar hwơr neh cih bơh Kòn Mơnus pal gơlik gơs di ngan.

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 6:65

Kơnràñ đơs lah: “Tài bơh hơ̆ tàng Añ neh đơs mơ bol mê lah dilah Bèp ò ai, gen ò gơs cau lơi rgơi lòt tus hơ Añ.”

Broă 13:40

Gen tàng kơrhia tĕ, bañ lòi gơkòl tòm ală bơta ală cau gơnoar hwơr neh đơs:

Broă 7:42

Yàng Tom Trồ đìu ngkòi di bol khai mơ phi bol khai duh khoai ală mpồl ling hơđang trồ, be neh cih tòm sră ală cau gơnoar hwơr lah: ‘Ơ hìu Israel, bol mê neh ơn phan pơdơng mơ phan ơn duh khoai Añ in, Tòm poan jơt nam tòm ƀlàng bràs sơl?

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Philip 3:15

Behơ̆, ală cau neh dờng đah hwềng tòm bol he pal gơs bơta kơlôi sơnơng behơ̆, mơ dilah tòm broă lơi oh mi gơs bơta kơlôi sơnơng ndai, gen Yàng Tom Trồ kung rơp yal tơlik loh làng bơta hơ̆ oh mi in sơl.

I Tesalônika 4:9

Bơh bơta kòñ gơboh bal oh mi dê, gen ò càng cau lơi cih oh mi in, bơh să tòm oh mi neh geh Yàng Tom Trồ bơto lah pal kòñ gơboh bal mơ gơp;

Hebrơ 10:16

Yàng đơs lah: “Do la bơta ho bal Añ rơp bơtào mơ bol khai. Tơnơ̆ mơ ală ngai hơ̆, Añ rơp ơn bơta boh lam Añ jê tòm nùs bol khai, Mơ cih gơtòm dơngoh bol khai dê,”

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.