Jang 6:40 - Sră Goh 2018

⁴⁰ Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

Jang 6:40 ပူးပေါင်းရင်းမြစ်များ

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Esai 53:2

Bơh Khai neh brồ dờng di đap Yàng Jehôwa kung be dô nơm sơmbut, mơ kung be dô nơm ryas gơcat bơh di ù rañ rsơh. Kơnràñ ò gơs rùp să hàng mơnĕ hala ryŭ ryơm tồ bol he sền di Kơnràñ, ò gơs bơta lơi tòm rùp să Kơnràñ lơh bol he in gơboh gơbài di Kơnràñ.

Khà Làng Bol 21:9

Behơ̆ Môise lơh gơs dô nơm bơs mơ kòng yồng hơđang dô nơm jrong. Gen tòm tŭ cau lơi neh bơs kap mơ tơnggòr sền di bơs kòng gen khai geh kis.

Mathiơ 10:15

Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Jơnau Niam Jat Mak 16:16

Cau lơi dòn mơ gơs ƀaptem gen rơp geh dong klàs, mơya cau lơi ò dòn gen rơp gơkòl lơh nền glài.

Luka 2:30

Bơh mat añ neh gŏ bơta dong klàs Yàng dê,

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 10:28

Añ ai bol gơ in bơta kis gam sùm sùm; bol gơ ò gơs tŭ lơi roh rui ò mơ ò gơs cau lơi kơñau bol gơ bơh tê Añ.

Jang 11:24

Mathe đơs lah: “Añ git lah bi añ rơp kis wơl tòm bơta kis wơl tòm ngai lồi dut.”

Jang 11:25

Yàng Jesu đơs lah: “Añ la bơta kis wơl mơ bơta kis; cau lơi dòn Añ gen rơp kis, bulah neh chơt rau.

Jang 12:45

Ai cau lơi gŏ Añ, hơ̆ la gŏ Bơtau neh sồr Añ lòt tus.

Jang 12:50

Añ git lah gơnoar sồr Kơnràñ dê la bơta kis gam sùm sùm. Behơ̆, ală jơnau Añ đơs, gen Añ đơs tòm toh be Bèp neh nting sồr.”

Jang 14:17

Hơ̆ la hwềng Jơnau song dê mơ dunnia ò rgơi dòp, bơh ò gŏ Kơnràñ, kung ò git Kơnràñ sơl; ai bol mê gen git Kơnràñ, bơh Kơnràñ ơm sùm mơ bol mê, mơ rơp ơm tòm bol mê sơl.

Jang 14:19

Gam dô êt jŏ tai gen dunnia ò gŏ Añ tai, mơya bol mê rơp gŏ Añ; tài bơh Añ kis, gen bol mê kung rơp kis sơl.

Jang 17:2

Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Jang 3:36

Cau lơi dòn Kòn gen geh bơta kis gam sùm sùm, cau lơi ò bài dòn Kòn gen ò gŏ bơta kis ò, mơya bơta gơjrañ dờng Yàng Tom Trồ dê ơm sùm hơđang cau hơ̆.”

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Jang 6:39

Do la nùs kòñ Bơtau neh sồr Añ lòt tus: Hơ̆ la jơh ală cau Kơnràñ neh ai Añ in, gen Añ ò lòi roh dô nă lơi, mơya Añ pal lơh bol khai in kis wơl tòm ngai lồi dut.

Jang 6:44

Dilah Bèp, la Bơtau sồr Añ lòt tus, ò hwài tus, gen ò gơs cau lơi rgơi lòt tus hơ Añ, mơ Añ rơp lơh cau hơ̆ in kis wơl tòm ngai lồi dut.

Jang 6:54

Cau lơi sa poac Añ mơ hùc mhàm Añ, gen geh bơta kis gam sùm sùm; Añ rơp lơh cau hơ̆ in kis wơl tòm ngai lồi dut.

Jang 8:56

Bèp bol mê la Abraham hòn chò kơp kòñ geh gŏ ngai Añ jê; khai neh gŏ mơ hòn chò.”

Rôma 5:21

behơ̆, tồi glài neh at bồ lam tus hơ bơta chơt be lơi, gen bơta nđàc kung at bồ tòm bơta song ring behơ̆ sơl, nàng lam bol he tus hơ bơta kis gam sùm sùm bơh Yàng Jesu Krist, la Yàng bol he dê.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Hebrơ 11:1

Bơta dòn la bơta git nền cê he rơp geh bơta he gơn kơnòm, la cơng tàng bơh bơta he òhềt gŏ.

Hebrơ 11:27

Bơh bơta dòn khai sang lơgar Ejiptơ, ò rngòt cau bơtau gơjrañ, bơh khai ntào kơ̆ be gŏ Yàng la Bơtau he ò rgơi gŏ.

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.

Jude 1:21

Kơrmap gàr să tòm he tòm bơta kòñ gơboh Yàng Tom Trồ dê, kơp gơn bơta kòñ nđàc Yàng Jesu Krist bol he dê nàng gơs bơta kis gam sùm sùm.