Jang 6:39 - Sră Goh 2018

³⁹ Do la nùs kòñ Bơtau neh sồr Añ lòt tus: Hơ̆ la jơh ală cau Kơnràñ neh ai Añ in, gen Añ ò lòi roh dô nă lơi, mơya Añ pal lơh bol khai in kis wơl tòm ngai lồi dut.

Jang 6:39 ပူးပေါင်းရင်းမြစ်များ

Jeremi 23:4

Añ rơp bơtào ală cau ê hơđang bol khai nàng sền gàr bol khai; bol khai rơp ò rngòt rngơt tai, ò gơdô nùs mơ ò roh dô nơm lơi,” Yàng Jehôwa đơs behơ̆.

Mathiơ 10:15

Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

Mathiơ 18:14

Kung behơ̆ sơl, Bèp bol mê ơm hơđang trồ ò kòñ dô nă tòm ală cau dềt do roh rui.”

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Jang 12:48

Cau lơi sang Añ mơ ò dòp rò jơnau Añ, gen neh gơs kwang cahrña; jơnau Añ neh đơs rơp cahrña bol khai tòm ngai lồi dut.

Jang 17:12

Tòm tŭ Añ gam ơm mơ bol khai, Añ sền gàr bol khai tòm sơnđan Bèp la sơnđan Bèp neh ai Añ in; Añ neh sền gàr bol khai ò gơs dô nă cau lơi roh, gơs mìng dô nă kòn bơta roh rui dê, tồ Sră Goh in gơlik di ngan.

Jang 17:2

Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 17:6

Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Jang 17:9

Añ bơh bol khai mơ hòi dan; ò di bơh dunnia mơ hòi dan, mơya bơh cau mơ Bèp neh ai Añ in, tài bơh bol khai bal mơ Bèp.

Jang 18:9

Bơta do gơlik di ngan be jơnau Kơnràñ neh đơs: “Añ ò lơh roh dô nă cau lơi tòm ală cau mơ Bèp neh ai Añ in.”

Jang 5:28

Bañ ai lơh krơi bơh bơta hơ̆, tài bơh jơ tus, dơ̆ ală cau ơm tòm bơtô ƀồc rơp kơno jơnau đơs Kơnràñ,

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 6:40

Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

Jang 6:44

Dilah Bèp, la Bơtau sồr Añ lòt tus, ò hwài tus, gen ò gơs cau lơi rgơi lòt tus hơ Añ, mơ Añ rơp lơh cau hơ̆ in kis wơl tòm ngai lồi dut.

Jang 6:54

Cau lơi sa poac Añ mơ hùc mhàm Añ, gen geh bơta kis gam sùm sùm; Añ rơp lơh cau hơ̆ in kis wơl tòm ngai lồi dut.

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

I Kôrintô 6:14

Mơ Yàng Tom Trồ neh lơh Yàng in kis wơl, kung rơp ai gơnap gơnoar Kơnràñ dê mơ lơh bol he in kis wơl sơl.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Jakơ 5:15

Bơta hòi dan bơh bơta dòn rơp dong klàs cau kòp, Yàng rơp sơmbòi cau hơ̆ in; mơ dilah cau kòp gơs tìs glài, kung rơp geh toh.

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

I Samuel 25:29

Dilah gơs cau lơi ting jat ồng nàng tă bơta kis ồng dê, gen bơta kis cau tòm añ jê rơp geh jơm gòm tòm bơta sền gàr Jehôwa Yàng Tom Trồ ồng dê tòm mpồl ală cau kis; mơya bơta kis ală cau sò tơm ồng dê rơp gơkòl sơrbì ngài kung be pơnai lŭ bơh di sơna sơrbì lŭ.