Jang 5:38 - Sră Goh 2018

³⁸ Mơ jơnau Kơnràñ dê ò ơm tòm bol mê, bơh bol mê ò dòn Bơtau mơ Kơnràñ neh sồr lòt tus.

Jang 5:38 ပူးပေါင်းရင်းမြစ်များ

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Esai 26:10

Bulah bơta nđàc geh yal tơlik cau iơh bơsak in, bol khai kung ò bơtê bơta song ring; bulah tòm lơgar bơta song ring, bol khai kư̆ dờng nùs, mơ ò sền gŏ bơta ryŭ ryơm Yàng Jehôwa dê.

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Jang 1:11

Kơnràñ neh tus tòm tiah Kơnràñ, mơya làng bol Kơnràñ ò dòp Kơnràñ.

Jang 15:7

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Jang 8:37

Añ git lah bol mê la jơi bơtiàn Abraham dê, mơya bol mê jòi nàng tơnchơt Añ, tài bơh jơnau Añ jê ò gơs tiah tòm bol mê.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Jôsue 1:8

Sră bơta boh lam do bañ ngài bơh di bơr mê, kơlôi sơnơng tĕ gơ ngai mơ mang, nàng kơrhia lơh jat jơh ală bơta neh cih tòm hơ̆; behơ̆ sồng mê rơp geh bơtoah tòm gùng dà mê dê mơ gơlik cồng nha.

I Jang 2:14

Ơ ală cau la bèp, añ neh cih ală ồng in tài bơh ală ồng dòp git Bơtau neh gơs bơh sơnròp. Ơ ală cau pơnu, añ neh cih ală bol mê in tài bơh bol mê la pràn kơldang, jơnau Yàng Tom Trồ dê ơm sùm tòm bol mê, mơ bol mê neh geh pha lin rlau mơ cau iơh.