Jang 5:35 - Sră Goh 2018

³⁵ Jang la be ồs đèng neh chu mơ pơnđàng, ai bol mê gen kòñ hòn chò ing tòm bơta àng khai dê.

Jang 5:35 ပူးပေါင်းရင်းမြစ်များ

II Samuel 21:17

Mơya Abisai, kòn klau Jeruyah, tus dong kòl Dabit; Abisai tòmlơh pha rlau mơ tơnchơt cau Philistin hơ̆. Gen ală cau duh broă Dabit dê srat să mơ khai mơ đơs lah: “Bơtau bañ gơs tŭ lơi lik lòt tòmlơh tai bal mơ bol hi, tồ ồs đèng Israel dê rơp ò kòl đơp chơt.”

Lik Ejiptơ 34:35

Làng bol Israel sền gŏ muh mat Môise àng lơr, gen Môise ai chèo jơm gòm muh mat khai dê jơl tus di tŭ lơi mut tòmbơhbơr mơ Yàng Jehôwa.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Daniel 12:3

Ală cau jak chài rơp gơcrà kung be bơta àng ală tap trồ dê; mơ ală cau tề lam oă cau tus hơ bơta song ring rơp gơcrà be ală sơmañ gam sùm sùm ò lồi.

Mathiơ 11:11

Di ngan Añ đơs mơ bol mê, tòm ală cau deh bơh cau ùr, ò gơs cau lơi dờng màng rlau mơ Jang Ƀaptis, mơya cau dềt rlau jơh tòm lơgar đang trồ la dờng rlau mơ khai.

Mathiơ 21:26

Ai dilah đơs: ‘Bơh cau,’ gen bol he rngòt di làng bol, bơh jơh tơl nă sơnđan Jang la cau gơnoar hwơr.”

Jơnau Niam Jat Mak 1:5

Làm lơgar Jude mơ jơh làng bol tòm Jerusalem lòt tus hơ khai, yal glài he, mơ khai lơh ƀaptem bol hơ̆ in tòm hiòng Jordan.

Jơnau Niam Jat Mak 6:20

bơh Herôt rngòt di Jang, mơ git khai la dô nă cau song ring mơ sàng goh, gen bơtau sền gàr khai. Herôt kòñ iat Jang đơs, mơya dơ̆ kơno jơnau khai dê rau, gen bơtau ò suk ơm ngan.

Luka 7:28

Añ đơs mơ bol mê, tòm ală cau deh bơh cau ùr, ò gơs cau lơi dờng rlau mơ Jang; mơya cau dềt rlau jơh tòm lơgar Yàng Tom Trồ la dờng rlau mơ khai.”

Jang 6:66

Bơh tŭ hơ̆, gơs oă cau bơtê Kơnràñ dê ruc wơl, ò lòt jat Kơnràñ tai.

II Pier 1:19

Bol he gơs ală jơnau đơs hwơr sơlo kơ̆ nền rlau tai. Oh mi pal kơlôi nền bơh jơnau hơ̆, be ồs đèng pơnđàng sòl tòm tiah klam jơngo jơl tus di tŭ rìng àng, mơ sơmañ bềng àng drim lik tòm nùs oh mi dê.