Jang 5:28 - Sră Goh 2018

²⁸ Bañ ai lơh krơi bơh bơta hơ̆, tài bơh jơ tus, dơ̆ ală cau ơm tòm bơtô ƀồc rơp kơno jơnau đơs Kơnràñ,

Jang 5:28 ပူးပေါင်းရင်းမြစ်များ

Esai 26:19

Ală cau chơt Kơnràñ dê rơp kis, ală ƀồc bol khai dê rơp guh! Bol mê la cau ơm tòm thul, kah rngal mơ đơs chò bơta hòn chò in. Bơh dà tŭ Kơnràñ dê la be dà tŭ rìng àng drim; plai ù rơp deh ală cau chơt gơ dê.

Daniel 12:2

Oă cau bic tòm kơmbuh ù rơp guh wơl, cau ƀà nàng geh bơta kis gam sùm sùm, cau ƀà nàng kong bơta ƀàssìl gam sùm sùm.

Sră Ôse 13:14

Añ rơp dong bol khai klàs bơh gơnap gơnoar lơgar làng ƀồc. Añ rơp tơwài bol khai klàs bơh bơta chơt sơl ơ? Ơ bơta chơt, ntềng đah bơta rung rài mê dê taih? Ơ lơgar làng ƀồc, ntềng đah bơta tơnroh mê dê taih? Bơta nđàc sơngit neh pồn ndơp bơh di mat Añ.

Jang 3:7

Bañ ai lơh krơi bơh bơta Añ neh đơs mơ mê: ‘Ală bol mê pal deh wơl pa.’

Jang 4:21

Yàng Jesu ho lah: “Ơ cau ùr, dòn tĕ Añ, jơ rơp tus gen ală bol ai duh khoai Bèp ò di hơđang mơnơm do, kung ò di tòm Jerusalem.

Jang 4:23

Mơya jơ rơp tus mơ tŭ do neh tus rau, tŭ ală cau duh khoai song ngan rơp ai hwềng nùs mơ jơnau song nàng duh khoai Bèp, bơh Bèp jòi ală cau behơ̆ nàng duh khoai Kơnràñ.

Jang 5:20

Bèp kòñ gơboh dê Kòn mơ yal Kòn in jơh ală bơta Bèp lơh, mơ rơp yal Kòn in ală broă dờng rlau tai mơ ală broă do, nàng bol mê pal ai lơh krơi.

Jang 5:25

Di ngan, Añ đơs ngan mơ bol mê, jơ rơp tus mơ tŭ do neh tus rau, dơ̆ ală cau chơt rơp kơno jơnau đơs Kòn Yàng Tom Trồ dê, mơ ală cau kơno hơ̆ rơp kis.

Broă 24:15

Añ gơs bơta gơn kơnòm di Yàng Tom Trồ kung be bol khai gơs sơl, hơ̆ la rơp gơs bơta kis wơl cau song ring mơ cau ò song ring dê.

Broă 3:12

Pier gŏ behơ̆ gen đơs mơ làng bol lah: “Ơ ală cau Israel, ñchi bơh tài ală oh mi ai lơh krơi bơh broă do taih? Ñchi bơh tài ală oh mi sền trol di bol hi, gơlơh be bol hi neh kơnòm di gơnap gơnoar is hala bơta duh rngòt is hi dê nàng lơh cau do in tus lòt taih?

I Kôrintô 15:22

Kung be tòm Adam jơh ală cau pal chơt, kung behơ̆ sơl tòm Bơtau Krist jơh ală cau rơp geh kis wơl.

Philip 3:21

Kơnràñ rơp lơh să jan ò kwơ bol he dê gơlik gơs be să jan gơklŏ Kơnràñ dê, jat be gơnap gơnoar Kơnràñ gơs nàng lơh jơh ală phan dòn duh Kơnràñ.

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.