Jang 4:45 - Sră Goh 2018

⁴⁵ Behơ̆ tòm tŭ tus tòm Galile, gen làng bol Galile wă rò Kơnràñ, tài bơh neh gŏ ală bơta Kơnràñ lơh tòm Jerusalem tòm bơta pơjum sa, bơh bol khai kung neh lòt pơjum sa sơl.

Jang 4:45 ပူးပေါင်းရင်းမြစ်များ

Luka 13:1

Tòm tŭ hơ̆ gơs ală cau ơm tềng hơ̆ yal wơl Yàng Jesu in bơh broă Pilat neh tơnchơt ală cau Galile, ai mhàm ală cau hơ̆ bơcă bal mơ phan ơn duh khoai bol khai dê.

Luka 8:40

Tòm tŭ Yàng Jesu rê wơl, mpồl làng bol wă rò Kơnràñ, tài bơh cau lơi kung kơp gơn Kơnràñ.

Luka 9:53

mơya làng bol Samari ò wă rò Kơnràñ, bơh Kơnràñ neh lơh nền lòt hơ Jerusalem.

Jang 2:23

Kơnràñ ơm tòm Jerusalem tòm tŭ pơjum sa Lòt Gan, gơs oă cau gŏ ală tềl krơi Kơnràñ neh lơh, gen dòn di sơnđan Kơnràñ.

Jang 3:2

Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 4:54

Hơ̆ la tềl krơi dơ̆ bàr mơ Yàng Jesu neh lơh, tơnơ̆ mơ tŭ Kơnràñ bơh Jude rê hơ Galile.

Yal Wơl 16:16

Kòp nam pe dơ̆, jơh ală cau klau bol mê dê pal gơs mat di đap Jehôwa Yàng Tom Trồ bol mê dê di tiah Kơnràñ rơp sac rwah; di ngai pơjum sa Piang Lă Ò Gơs Kañ, ngai pơjum sa Ală Poh mơ ngai pơjum sa Sàl Ing. Bañ gơs cau lơi tus di đap Yàng Jehôwa mơ mpàng tê gòi.